香港迪士尼推出「食買玩」優惠

2015年係十周年嘅大日子, 雖然唔知道今次呢個十周年活動會唔會好似五周年時咁會夾埋新Attraction 先開始. (當年係夾2011年開幕嘅Toy Story Land, 而Iron Man 設施預計會喺2016年第一季開幕). 但係上海迪士尼都即將要開幕, 而亞洲區內仲有好多個大型Theme Park 現正興建, 香港迪士尼有必要進一步加快擴建. 擴建除左需要資金外仲要有兩大股東嘅支持, 而獲得支持嘅關鍵係要有令人信任嘅財務狀態同足夠入場人數. 所以HKDL Marketing 已經開拓緊東南亞市場, 亦同時以優惠吸引香港市民.







「食買玩」優惠唔係第一次推出, 因為之前反應熱烈所以再次推出. 而今年就揀喺一月同三月呢兩個淡季進行.



明白同理解園方推行呢個優惠嘅用意, 但係站於賓客角度眼見今年樂園冇左個淡季都會有少少失望, 希望下年喺財務報告上見到呢個活動 (同埋十周年慶祝活動) 嘅成效, 為樂園擴建甚至第二期樂園計晝奠下一個良好基石.

賓客可以避開人多日子, 但係演藝人員就只能夠默默承受人多日子所帶黎嘅衝擊. 如小弟所講, 依家個Park 之所以會爆, 係因為硬件上應付唔到咁多人流, 但要加入更多硬件嘅條件又偏偏要靠大量人流, 所以只能對各位CM 講, 辛苦了.

以下係奇妙處處通銀卡年曆, 今年「食買玩」優惠嘅第二次入園日期會同其中一次銀卡特選週末重疊, (3月7-8日) 希望園方趁仲有兩個月時間, 可以有充足準備迎接呢個特特選週末.



較早前海洋公園都公佈2015年會送出一萬張入場門票俾香港市民, 其實過去幾年公佈嘅入場數字可以睇到HKDL 同HKOP 兩個本土主題樂園嘅距離已逐步收窄. 港鐵南港島綫海洋公園站預計會喺2017年啟用, 到時或者會為海洋公園帶黎更多人流. 到底呢兩年香港迪士尼有冇機會趕上甚至超越海洋公園呢?