香港迪士尼的十周年

2015年香港迪士尼就會踏入營運第十年, 而已知道喺十周年呢個財政年度會發生嘅事, 就係Iron Man 會喺2016年開幕, 呢個計畫係Tomorrowland 自2006年開左馳車天地, 史迪仔同UFO Zone 之後嘅首個擴建項目, 而Iron Man 呢個模擬飛行嘅設施, 主題上都係迪士尼購下Marvel 版權後首個以Iron Man 作為主題嘅樂園設施, 所以都可以話係全球矚目, 再加上片段入面有極本地化嘅元素 (香港維港景), 可以肯定呢個設施會係永久地屬於香港嘅獨有版本. 





2011年當香港迪士尼舉行五周年慶典嘅時候, 園方都刻意將慶典配合新園區Toy Story Land 開幕而喺時間軸上稍微移動. 依家感覺Iron Man 就好似當年Toy Story Land 咁, 十周年慶典都會有新設施啟用. 但係兩者不同嘅係, Toy Story 呢個品牌不論男女老幼都會喜愛. 亦都陪住一眾80後成長; 相比之下Iron Man 似乎偏向左男性市場少少, 可能園方都睇到呢一點, 所以同時就出現左Fantasyland 嘅擴建工程. 



網上傳聞 (官方仲未公佈) 呢個新設施會係一個花園, 入面會見到公主電影嘅標誌性建築物, 因應呢個位置嘅範圍大小, 可以做得出嘅場景應該都係好細. 或者會似係加洲迪士尼樂園嘅Storybook Land Canal Boats. 只不過香港呢個版本唔係坐船而係自已行. 希望WDI 會以擅長嘅Force perspective 技術帶到Magic 俾賓客. 



而原來數一數樂園嘅設施並將佢地歸類, 香港迪士尼唔只比其他Disneyland 少ride, 就連walk through attraction 都只係得泰山樹屋一個. 所以加入呢個新設施都並唔係難以理解嘅事. 

唔知Fantasyland 個設施會幾時啟用, 但十周年慶典期間將會有至起碼Iron Man 呢個新attraction 開幕. 

除左attraction 外, show 方面都會係大家有興趣知道嘅事, 五周年時有Flights of Fantasy Parade 同Tinkerbell 個Castle Lighting show. 十周年活動到呢一刻仍然冇乜人知道內容. 

會唔會有新Parade 呢? 雖然我都希望會有, 但諗深一層, 其他Disneyland 都唔係每五年就定必會換一次Day parade, 尤其Magic Kingdom 套車的確係用左好多年... 再加上呢幾年個個Park 都突然紛紛換晒Parade (喺Flights of Fantasy 之後仲有Soundsational, Festival of Fantasy, Happiness is Here) 仲有兩套Paint the Night Parade 同上海迪士尼嘅新巡遊, 個人估計就算Steve Davison 再有才華, 都需要休息一下. 可能大家都要有定心理準備黎緊幾年會繼續睇飛天巡遊 (呢個巡遊都唔錯丫.)

Theater Show 方面, 官方剛剛公佈原野劇場將於下個月進行定期維修保養:「因原野劇場進行定期維修保養，「獅子王慶典」於2015年3月9日至3月27日暫停上演，並於2015年3月28日恢復演出。」正常黎講如果園方係會計劃轉show 嘅話, 都唔會再花錢保養了... (不妨留意一下之後故事劇場會唔會有保養啟示)  

咁十周年Entertainment 即係有咩呢? 到呢一刻仍然冇乜人知道內容, 依家已經二月了, 可以估計十周年活動有機會趕唔切喺九月開始. 

而如果九月都未能開始十周年活動, 今個財政年度樂園嘅號召力就變成單靠Paint the Night Parade. 今年對樂園黎講係極其重要, 因為上海迪士尼會喺下個財政年度 (即撞正十周年) 開幕, 如果今個財政年度香港迪士尼喺上海迪士尼仲未開幕嘅情況下人場人數同收益增幅已經有放緩跡象, 未打先輸就會影響投資者信心, 可能連帶拖累第二期談判進度. 可以猜想到其實園方今年都有一定嘅壓力.

簡單嘅一個結論, 雖然仲未知道十周年個活動內容係乜, 但喺十周年慶典開始之前, 理應冇Event 冇內容嘅春夏兩季, 今年應該會比過去同期精彩.