Spike the Bee

自從農曆新年活動一年比一年少野玩之後, 香港迪士尼基本上已經可以話冇左呢個Event. 踏入2015年, 就得返商品同Mickey and Friends 嘅新年裝扮. 

今年小鎮大街嘅主題裝飾同往年有明顯分別. 香港迪士尼都好似巴黎迪士尼同Epcot 咁出現春季花草主題Decoration, 唔知會唔會係考慮未來加入Spring Event 嘅前奏呢? 其實個人覺得呢類裝飾可以喺Star Guest 期間繼續擺放, 襯返春天嘅氣氛, 況且Star Guest 真係唔能夠作為橫跨幾個月嘅唯一活動.....   

HKDL 第一次非正式Spring Festival, 大街燈柱出現全新設計裝飾, 如果今次係CNY 同Spring Event 嘅測試過渡期, 其實個人認為呢個設計並唔差, 畢竟要搵個同時合乎兩個主題嘅風格. 有少少中式都在所難免. 

但小弟今次並唔係想講堆蝴蝶同棵植物, 而係呢隻蜜蜂..

各位見到呢隻蜜蜂嘅時候, 都應該會發現佢嘅卡通同立體造型同旁邊嘅平面設計有明顯嘅分別. 其實呢隻蜜蜂大有來頭, 有名仲要有一系列嘅卡通. 

佢叫Spike the Bee. 1940年至1952年期間喺迪士尼多套卡通短片中出現. 主要出場都係為左拮 / 整蠱Donald. 但佢都試過攻擊Pluto. (論輩份, Spike the Bee 比Dumbo 同Bambi 仲要早登場) 

以下係Spike 出現過嘅作品合輯. 

 

呢個就係小弟鍾意Seasonal Event 嘅原因, 園內嘅Seasonal Decoration 唔會擺放太耐, 制肘冇咁多, 構思亦可以更有大空間. 所以周不時都可以喺呢類節日裝飾中搵到驚喜. 

我欣賞迪士尼嘅細緻同認真. 樂園內嘅Disney Fans CM 或者比我地想像中還要多, 只不過可能佢地可以做嘅野並唔多.... 但你地嘅努力一定會有人見到! 感激你地嘅堅持. 加油呀!