水花全場滿天飛!!

趁天氣開始轉熱.... 今日人人都是VIP~~



近日收到多方消息~ (包括商台女員工)~ 今年米奇水花巡遊會番黎!!! 咩係米奇水花巡遊?? 睇返2007年官方介紹片段先la~~



睇到片段介紹左呢個全球fans 都恨到流晒口水ge 好玩巡遊後~ 大約都知道佢個backstory~
Mickey's Waterworks Parade 構想圖~~! 可以見到頭車巴斯光年後面塊板講咩~ Caution!! Gardeners at work!! 之後三隻小豬播種... Goofy 至Alice 都係幫手淋水~ Donald 施肥~ 要快d 開花!! 咁minnie 就賦予各種花香味~ mickey 負責噴上各種顏色!

而翻查返資料~ 原來Winnie the Pooh 原本concept 係有架車~~ 捕雲器~ 大家都知道backstory 後就會知呢架車係故事上有咩作用~ Piglet Pooh 同Tigger 收集雲轉化為雨水... 同時清走天上ge 雲層~ 令植物吸取到更多陽光!!

但最終出show 果陣呢架車冇左~ 取而代之Pooh 拎住藍白色氫氣球~ (依家就拎住彩虹彩帶) 伴住d 白雲彩虹dancers 出黎~~ 就解釋到呢一段係同雲有關~



Pinocchio 同Jiminy 原本都有架車仔~ 仲要係整好~ 最初官圖都有發佈到~ 但係咁多年都未真正出現過~ 有人話係呢架車仔太重... Pinocchio 同Jiminy 推得好吃力~ 又發現原來佢地係地下行都唔錯... 所以就唔再出~

聽聞原本呢個parade 只係用五年... 07,08,09,10.... 11年冇出!!!  咁今年會唔會係最後一年呢?? 但呢個parade 真係好精彩~ 係夏日最有代表性ge 香港迪士尼活動! 希望呢個巡遊可以繼續係暑假出現la!!

不妨再重溫一次la~~~ 呢個parade 濕得好厲害~ 好難拍到片~ 更莫講話係高畫質~~ 飛天巡遊雖然係好靚...但唔知點解係唔襟睇好快就悶... 個人覺得竟然唔及米奇水花巡遊咁令人興奮!!! 仍然坐穩最正parade 寶座!



上年個summer event 係有史以黎最悶... 個McQueen 都唔知做乜.... 你覺得... 除非有一個更好ge idea... 否則米奇水花巡遊應唔應該作夏季長駐演出呢?? 等其他迪士尼Fans 繼續流口水~

保到MWW... 咁史迪仔大街騷又有冇得返黎呢..?



===================================================

園方公佈左下星期樂園時間表~ 6月29日星期五四點鐘... 米奇水花巡遊就會出show la~ 不過就冇講到史迪仔大街騷~ 應該冇得返黎lu~



===================================================

今期Times Guide 有米奇水花巡遊路線圖~ 擴大後ge HKDL 真係豐富左好多~  黎緊呢個星期五... 再次水花由頭淋落尾!!



===========================================================

仲有一個星期暑假就會完結~~ 各位呢兩個月入park 有冇睇米奇水花巡遊呢?? 驚喜真係一浪接一浪~ 雖然今年MWW parade 冇變化~ 但係網上出現左一張被ban ge 花車~ 原來仲有蟲蟲特工隊出黎播種~~ 依照巡遊故事.. 似乎呢組車同character 係原本出現喺巴斯頭車之後~ 而後期被三隻小豬取代左~~



米奇水花巡遊好快就完結!! 大家要把握機會睇la~ 跟住落黎...  迪士尼黑色世界就開始ga la!!!

圖: HKDL source

===================================================

無聲無色地last performance~ 你地今年睇左幾多次?? 唔知下年仲會唔會出呢~? 希望每年暑假都會有一個咁特別令到全球fans 流晒口水ge 獨有巡遊la~~ 米奇水花巡遊真係有史以黎最好玩ge parade~~!! 以下ge 相並唔齊~ 因為要避水!! 請見諒~~

再見了~~~ 後會有期!!