Fast Pass + 時代正式降臨

較早前小Blog 都有為大家介紹過Disney 研發左一個智能系統... 可以為每位guest 度身制訂屬於自己fast pass 系統~ 而且比現有技術更方便更省時~ 最後可達到提升每位賓場入場experience~ 以科技改善生活~ 呢個Fast Pass + 系統已經喺WDW 度進行緊測試~ 不妨睇睇測試者如何評價~

首先呢個新系統仍然處於測試階段.. 所以會用一張卡去暫時試住先.. (最後有機會變成手帶)

入口turnstile 會全數被拆走~ 因為呢個新科技會以以下呢一種識別系統代替~




但其實入場前已經可以安坐家中用internet 去plan 你ge 行程~ 但呢個系統暫時只能support 一日只玩一個park ge 遊玩方式~ 一眾Park Hopper (即一日內會玩多過一個park ge guest) 就未能受惠於呢個系統~

喺屋企做完Reservation~ 如果到入場當日好想改變自己行程~ 都可以入場後更改Fast Pass ge~




可以睇睇以下呢個片段~



而呢個技術將會快速地應用於整個resort 內~ 可以用黎做酒店房咭... 付款等等~



而之前提及過因為依家係測試階段~ 所以用住咭黎試~ 將來就會變成手帶~

而呢種手帶更加可以個人化~

後記就係... 當上年我話HKDL Annual Pass 將會進入一個Magic Access 新時代ge 同時... 原來我地個會員系統已經比美國遜色.. 因為我地張member card 仲未可以做到網上預約~

可能你睇完呢篇會問... 就係用黎做Fast Pass? 咁我如果要預約餐廳要點做呢? 又其實較早前已經有一個全新smart phone 系統推出左可以做到留位呢個服務~ My Disney Experience - Disney Guides on iPhones (2013年將推出Android版)



香港迪士尼做唔做到呢....? 我就覺得唔可行... 因為我地個Guests Base 入面有好大部分都係來自中國大陸... 佢地唔會識得同你用呢種高科技野... 應該會比依家混亂100倍.... 為左你果一萬幾千個Magic Access Members 去引入呢個系統又似乎大材小用... 更何況我地都仲未真正需要咁多Fast Pass... 再等下輪擴建同上海迪士尼開幕先算吧~~

圖: touringplans, attractions magazine, examiner