擴建用地

預計HKDL 將會到立法會交代財政報告~ 之後理應有更多消息傳出~ 為左方便各位朋友了解香港迪士尼樂園渡假區仲有幾多用地~ 再次整理一下思緒post 張新圖出黎~ 其實每一次post 完後都會同各位朋友討論~ 神奇地每一次從中都會獲得一d 新諗法去詮釋一d 一直存在嘅資訊~

今次呢張對比上次果張唔算有太多不同之處~ 因為上一張係飛機上影嘅鳥瞰圖... 所以面積範圍唔太準確~ 整過一張可以睇到各個位置大小...





原來Toy Story Land 都唔係用得太多地... 成個land 所用面積只不過多小小世界少少.. 而因為通往Fantasyland 條路都影響判斷令人以為TSL 用地比實際多~ 撇除條路... 粉紅色範圍可以起多個同等size mini-land... 而紫色同藍色兩個位置就起到中型size land (如果Grizzly Gulch 用埋紫色.. 咁就可以成為一個真正Frontierland~)

橙色同綠色兩塊地小弟五年前已經開始提及~ 今次新加嘅係紅色同白色兩個經常被遺忘嘅位置~ 原因係... 兩個位置一早發展左~!

白色係大街酒店 / 詭墳學院位置~ 本身只係一塊荒地~ 回想返興建鬼屋都只係因為香港迪士尼唔夠野玩所以暫時性搭個帳篷用黎做Seasonal Event Attraction~ 以前宇宙深寒都曾經改餐廳做鬼屋~ 所以假以時日起夠餐廳時用埋呢塊地都唔係一個大問題吧?  

而紅色就係大街Opera House~ 後面都有一定範圍可向後伸延.. 香港如果要學美國ge 話都唔係冇可能~

黃色就係Downtown 同第三間酒店位置.. 酒店大得可以起兩間酒店~ 要睇睇HKDL 點plan...

如果閣下唔係太知道咩係Downtown Disney~ 可以click 入呢度睇睇~ 其實係一個優閒娛樂區~ 主要serve 留宿渡假區嘅賓客就算入完park 都唔需要出市區~ 喺渡假區內繼續玩~ 位置就係迎樂路兩旁 (現為迎樂路自然徑) 一直延伸到碼頭~ 以迪士尼品牌號召力.. 呢度出現嘅商店應該可以做到獨一無二... 但金生團隊.. 我真係唔敢肯定...

對於唔太熟悉香港迪士尼甚至迪士尼樂園嘅新朋友仔~ 未必會知道渡假區其實已一早ready 好第二期用地... 

其實你地每次行迎樂路都會經過第二期... 就係左邊樹叢後面~ 面積同第一期相若~ (窄少少但又長少少)... 睇下酒店區細左定係園區細左~ 

其他Disneyland 都係兩個park 分開收費~ 香港都應該唔會例外... 到時Fans 們就更窮啦~