零資金的新春活動

30/11/2012

12月就到~ 係咪時候要講新春活動? 




----------------------------------------

17/12/2012

CNY 係一個好特別ge 節日~ 呢個係暫時全球眾多個Disney Parks 之中香港迪士尼比較重視ge 節日~ (雖然Epcot 同埋加州小小世界都會有小event) 但係其實呢個節日期間由零六年年初三大陸客爬閘一幕已經話俾我地知... 農曆新年期間香港迪士尼從來都唔愁冇人入....

園方過去都曾經好努力去融合Disney 同中國喜慶氣氛~ 例如八福遊園匯就搵左Disney Characters 配合為大家送上吉祥說話~ 呢種雕像都曾經獲得外國網友垂青~

咁... 今年即係有咩玩呢??

------------------------

25/12/2012

聖誕老人話唔想咁受注目... 等佢可以靜靜地派禮物~ 所以叫我講d 野分散一下注意力... 所以今日要講d 同聖誕唔關事ge 資訊...

如果埋左伏線咁耐~ 到依家開估ge 時候先話今年冇野玩.. 會唔會俾人噓?

記住~ 傳聞黎ga 姐~

上一次update 主要係講HKDL 唔愁農曆年冇人入~ 因為上年咁少野玩.. CNY 期間入場人數都可以單靠Toy Story Land 而有一個不錯ge 成績~ 所以今年.... 聽講係完全冇任何野值得大家期待~ 可能園方想做個測試... 如果入場人數係同seasonal event 冇關ge 話... CNY 可以從此唔搞~

呢個消息幾令人失望~ 見到呢幾年HKDL 越做越差... 為左整靚盤數唔理自己reputation... 左cut 右cut... 話晒HKDL 都係以seasonal event 起家... 依家有擴建就唔理節日活動... 咁我等你有新attraction 開... 一年買兩次飛入場就ok la... 平時都冇野玩.. 點解要買你個Magic Access?? 希望園方會檢視一下現有方針~ 期望Star Guest 會有特別野...

如果最後都係冇驚喜~ 請原諒小弟唔會為大家報導HKDL CNY 消息~ 但仍然會為大家介紹其他theme park 同電影資訊~

--------------------------

29/12/2012

見到有外地旅遊網有新年相關介紹~ 但係正如我上次update 所講~ 小blog 將唔會介紹呢個event ~ 但仍然希望各位入park 時影影相~ event 進入尾聲甚至完結之後~ 呢個blog 或者會以記錄形式報導~

----------------------------

11/02/2013

香港迪士尼樂園行政總裁金民豪預料，今年農曆年假期的入場人數，會比去年上升，並估計內地遊客佔整體八成。

金民豪又指，今年內地遊客來港比往年早，樂園酒店更在兩至三星期前已訂滿。他表示樂園會加派人手應付。

上年低Budget 情況下已經人數上升~ 今年更低Budget 下都預計會比去年再上升~ 而八成為大陸客... 答案已經知道~ CNY 可以留返俾上海迪士尼搞~ 香港呢邊大陸人入場唔係因為樂園有新年慶祝活動~ 而係因為新年班內地客有成個星期假期可以俾佢地黎香港玩~ 入迪士尼都只係黎香港玩行程之一~

至於酒店.... 既然full 成咁.. 係咪應該加快建酒店?? 唔知樂園有冇計過一年有幾多賓客係因為唔夠酒店房入住而白白被拒諸門外~? 呢個埋到咀唇邊都食唔到ge 收入又佔幾多??