Orlando 機場呢邊會有Walt Disney World 官方提供嘅shuttle bus 服務 – Disney’s Magical Express. 所以黎到呢個Theme Park 國度嘅第一站, 當然要坐程順風車去WDW 啦!
Walt Disney World 有四個主題樂園, 兩個水上樂園, 十幾間酒店同Downtown 等一系列配套設施, 佔地超過一萬公頃. 粗略計算整個王國有成個香港島加半個九龍咁大. 所以就算遊客住喺Resort內嘅酒店, 都需要搭十五至三十分鐘穿梭巴士先可以到達四個主題樂園.
簡介完地理環境, 到埗第一件事就係去酒店Check in, 需要注意嘅事係之前提及過嘅機場穿梭巴士服務係需要入住Resort 內嘅Disney 酒店. 不過亦正如上一段所講, Resort 內閒閒地Park 與Park 之間都要搭十幾分鐘車先到. 住Resort 旗下酒店都好正路. (唔好忘記住酒店另一好處就係Extra Magical Hour!)
同California 不同, 今次入住價錢較大眾化而又最新嘅Disney’s Art of Animation Resort. 迪士尼下酒店差極有限. 而呢間酒店分成Cars, The Lion King, Finding Nemo 同The Little Mermaid 四個主題. 今次就入住Ariel 主題房.
安頓完已經過左大半日. 唔好浪費時間! Magic Kingdom, 我來了! 2013年主題活動Let the Memories Begin! 全年不同時間都會有特別嘅活動.
雖然Main Street 火車站同香港嗰個好似無乜分別, 但其實佢係好大好大, 大到連Stroller Rental 都係喺呢個位置! 而GuideMap 同TimeGuide 都係放喺呢度. 分成幾種語言: 英文, 西班牙文, 德文, 法文, 就連日文都有, 不過現場就唔見中文版. (照理應該唔會冇中文版, DLR 嗰邊都有, 可能只係剛巧見唔到姐)
穿過隧道, 就會見到一幢宏偉嘅建築物 - Town Square Theater
假如你有留意開Magic Kingdom 呢邊近年嘅發展, 因為New Fantasyland 呢個新Project 令到Toontown Fair 不得不拆除, 雖然Minne Donald 幾位仲會喺Storybook Circus見到, 但Mickey 就被遷至Main Street 呢幢咁靚既建築物入面, 位置就喺香港迪士尼Opera House, 亦即係Art of Animation. 原本Mickey 同一眾Princess 分享呢座咁大嘅建築物, 但自從Princess Fairytale Hall開左之後, Mickey 就一個人佔左成幢建築物.
喺外國人眼中Mickey係超級大明星, 每次見到有Mickey出場都會引起一陣歡呼, 所以每一日都會有成千上萬嘅遊客黎到Town Square Theater搵Mickey 影相, 尤其駐守喺度嘅Mickey係全球少有可以同你直接即時對話 (Interactive Animated Face), 剩係呢一點已經吸引唔少Fans去搵佢傾偈. 所以Wait Time平日最少都要等40分鐘, 而旺季最少都等一個鐘. 慶幸呢個設施可以拎Fast Pass / Make Fast Pass + reservation, 第一日時間緊迫, 下次再搵Mickey 傾偈, 話明朝聖! 當然第一件事就係搵Belle 啦!
直接跳上Walt Disney World Railroad 去 Fantasyland啦! Walt Disney World Railroad 全程設有三個站, 分別係Frontierland, Fantasyland 同Main Street. 沿路其實無乜景可以睇, 但可以慳返唔少腳骨力.
Enchanted Tales with Belle係New Fantasyland 擴建嘅一部份, 係一個Role Play 黎. 每次大約可容納三十位賓客. 一開始會入到Pre-show room 1了解個故仔 (Magic Mirror) , 之後就會入Pre-show room 2 揀十至十二個Guests出黎進行角色分配 (Madame Wardrobe). 之後就會進入Library, 同Belle一齊演繹Beauty and the Beast 嘅故事情節. 而呢個Show 最尾部分會有同Belle Meet & Greet 時間, 但只有有份演出嘅Guest 先可以同Belle 合照, 而且仲可以得到書簽一張留為紀念.
呢個show對小朋友黎講會覺得好有趣, Belle人靚聲甜又投入, 再加上場景Setting又detail又跟足電影, 會有置身喺童話故事入面嘅感覺. 好老實講, 我葡萄演出王子嗰位小朋友, 因為佢可以同Belle 翩翩起舞. 哈哈! 至於大人呢, 都可以欣賞一眾演員嘅演出, 又或者參與埋一份. 既然上面講明只有出演嘅Guest 先可以同Belle M&G, 大家估下我有冇被選中? 答案係. 有機會同Belle握手, 仲唱左一句Be Our Guest, 擁有一個Magical Moment.
喺呢個Attraction 開嘅時候大家都被Magic Mirror 嘅機關所吸引, 但我更欣賞嘅係Madam Wardrobe 同Lumiere 呢兩隻Audio-Animatronic. 佢地動作好流, 亦會現合對白而做出多變嘅表情同眼神, 最勁係仲要做得好迫真! Lumiere 嘅燭光甚至會隨住佢對手既方向而改變, 務求遵守物理定律燭光一定向上. 呢啲真係只得Disney 先做到! Magical
由於整場表演需時頗長, 所以人流去得好慢, 我去到嗰時見到wait time 50分鐘. 雖然唔可以拎傳統fast pass, 但可以make fast pass+ reservation. 有關Fast Pass+, 有機會都為大家介紹一下, 需要夾時間嘅. 而呢個Show 可以直入Pre-show room 1, 完全唔駛等.
Magic Kingdom 入面嘅Ride 主要都係同Disneyland Resort 重覆, 再加上Tokyo Disneyland 入面啲Ride 多數都係Clone version. 今年玩Ride 玩到夠, 過多幾年等Avatar Land 開幕之後再過黎先重溫啲Ride 啦! 聖誕節呢個Peak Season黎到Magic Kingdom, 不如轉個截然不同嘅玩法.
另一個新開而又排長龍嘅設施 - Princess Fairytale Hall.
(相片於另一日拍攝)如上文所講, Princess Fairytale Hall係一個公主Meet & Greet 嘅設施, 2013年9月先開, 原址為Snow White's Scary Adventure. 由於一開已經大受歡迎, 閒閒地都要等45分鐘以上. 所以大家都可以好好利用Fast Pass (+) reservation慳時間. 值得留意嘅係拎Fast Pass (+) reservation嗰陣, 系統會要你選擇同邊個Meet & Greet. 呢個Hall分成兩邊, 一邊係長駐Cinderella + 1位Visiting Princess (我嗰幾次去都係Aurora), 另一邊係Rapunzel長駐同1位Visiting Princess(我嗰幾次去都係Snow White). 如果想去晒兩邊就要拎兩次Fast pass. 因為上網搵資料時得知外國網友普遍認為Rapunzel Wait Time 較長, 為左用盡Fast Pass+, 今次決定同Rapunzel 見面!
第一日主要並唔係玩, 所以喺同完公主影相之後, 距離睇Night Parade仲有時間剩, 就喺Fantasyland 玩三個香港迪士尼都有, 而Wait Time 唔會太長嘅遊樂設施, 分別係It’s a small world, Winnie the pooh 同Mickey’s PhilharMagic. It’s A Small World 呢個版本並無characters, 而且係同東京一樣都係水浸版. 而後兩者同香港係一模一樣. 不過Waiting Area 就不同, 例如Winnie the pooh呢個Ride 因應New Fantasyland 計畫而喺幾年前update 左個interactive waiting area (其實仲有好多Ride 都有interactive queue, 遲啲再逐一介紹), 等小朋友排緊隊嘅時候有啲野玩下咁. 呢個係一個好好既idea, 原本我以為Mystic Manor 會有interactive 野, 不過就…. 唔知HKDL幾時先有呢??
至於Mickey’s PhilharMagic, 就反而係HKDL 嗰個靚啲, 因為整個建築物外貌, extended waiting area, 都係講緊一整個故事, (如需了解更多 / 重溫, 請click 入右邊Bsan’s Choice 揀選香港迪士尼米奇幻想曲嘅Backstory.) 呢樣先係Disney 嘅強項, 令到Guest 可以置身係故事或遊樂設施入面. 但係Magic Kingdom 呢個版本無論外觀, 通道, 天花等等, 都無特別裝飾亦唔起眼, 做唔到story-telling 嘅效果, 希望WDW 可以執執佢.
之後就去睇Electrical Night Parade. 呢個係我好期待嘅節目之一, 因為呢個Electrical Parade 係Disney 一個好有歷史嘅night parade, 話說呢個世界上曾經有兩套Electrical Parade 花車, 美國東西岸都可以同時上演, 但係隨住時間無情地流逝, 同埋某啲原因, 依家世上只得返呢一套EP Float喺東西岸兩個Disney Resort 輪流上演.
一個貼士. 大家都知WDW而家試行緊fast pass + system, 喺呢個testing phrase 入面, WDW會喺每個月尾就會放出下個月嘅所有Parade同Firework 既Fast pass + 俾各位預約. 好似我十二月去WDW, 咁我就可以喺十一月尾 (大約廿零號) Book Parade或者Firework 嘅fast pass +. 但值得注意嘅係Fantasmic! 被歸納入一個Attraction, 而非Firework, 所以以上小貼士並不適用於Fantasmic! (其他有關Fantasmic! 嘅資料, 請留待Hollywood Studio時先一齊介紹)
而伴隨住呢個小貼士嘅副小貼士係, 每位賓客每日只得三個Fast Pass+ Quota, 而Parade / Firework 呢個Fast Pass + 係計入三個Quota入面, 所以如果你之前揀左Book其他Attraction, 咁可能要捨棄佢地其中一個啦.
Parade 同Firework 嘅Fast Pass + 原理好簡單, 就係佢會預留某一段位置只係俾Fast Pass+ 嘅遊客進入. 上網做資料搜集嗰陣, 見到外國網友全部都推介要拎Electrical Parade嘅Fast Pass +, 話佢地個預留位置地點好, 人數少. 仲容許你到Parade 臨開始時先報到, 於是我都reserve 左Electrical Parade.
以下係巡遊路線圖. 啡色係Parade Route, 而紅色就係Fast Pass + 預留位置. 對正Castle 呀! 唔好忘記聖誕期間Cinderella Castle 會鋪滿LED! 真係人生難得一次嘅經驗!
巡遊以Tinkerbell Pixie Hollow開始, 為各處亮燈.
然後Mickey & Minnie 就坐住Logo Float同大家打招呼, 為整個巡遊揭開序幕.
部份花車上會有character, 例如Alice
同Cinderella, 同TDL 版本不同, 兩者都有其好處.
配合埋Performer , 令到整個巡遊隊伍更龐大. (Cinderella後母同兩位家姐)
Peter Pan vs. Captain Hook. 呢架花車仲會模彷海盜船發射子彈
Snow White and the Seven Dwarfs
Pinocchio!!
Pleasure Island, 同樣黎自Pinocchio
Pete’s Dragon – Elliot. 望落去好似想攻擊城堡咁.
最後以歌頌美國嘅花車來結尾
中間仲有少量細嘅花車, 大家可以上Youtube search個完整版.
睇完Electrical Parade嘅第一個感覺就係佢有好多架花車. 喺香港嘅話出到Snow White 架車就停, 但竟然後面仲有幾架車! 但係首Audio 就比較簡單同重覆, 亦都唔係太多Characters. 可能始終呢個都係以發光花車為主嘅Parade. Character 係次要.
HKDL 地方細少, 尤其係某個對於花車有好重要影響嘅地方, 唔可以容納到咁多架車, 唔知管理層會點樣取捨呢? 就算今年出嘅Paint the Night Parade 真係唔可能有太多車同太大規模, 希望園方可以搞搞個Backstage 令到有更多空間容納更多花車.
”Celebrate the Magic”. 呢個係一個Projection Show. 其實可以留喺原地等, 或者之前Make Firework Fast Pass + Reservation, 但網上外國網友都話Electrical Parade 嘅Reserved area 並唔係觀賞Projection Show 同Celebrate the Magic 嘅最佳地點. 外國網友介紹左三個地方, 就抱住一試無妨嘅心態, 去睇下呢三個位有無佢地講得咁好
呢三個地方分別係1) Casey’s Corner 同Plaza Restaurant 中間；2) Crystal Palace 前面; 3)火車站2樓. 今次我就去位置1試下. 外國網友介紹位置1嘅原因, 係因為呢個位置之後係慢慢向城堡斜落去, 所以喺呢個位置形式左一個高位, 咁就唔會比人阻住.
喺Disneyland 睇煙花時已經預到同樣問題, 就係外國人比我地高! 如果再有個小朋友騎膊馬 咁就恭喜你, 你企左喺一道人牆後面. 亞洲人想睇到Project Show 就不妨企前少少. 幸好煙花係向天發放, 當然都係會miss左城堡上面嘅Projection 啦…. 煙花黎講, 我覺得同香港嘅差唔多, 唔比香港遜色, 但亦唔比香港好. 各有各優點. 但歌就的確係好聽嘅
Day 1 完結
2 則留言:
我上次見Rapunzel同小朋友都有亙動,小朋友爬欄杆,Rapunzel都跟佢做,只不過HKDL M&G 既位置太迫太公式化啦!!
如果當初將夢想花園搞搞佢,總好過一人一個亭!!
星閃城堡呀,如果年年可以係HKDL重現就好啦!!
新一篇Trip Report 有介紹佢地個castle 亮燈, 真係好靚. 香港冇希望了
發佈留言