Big Finale Chapter 4B - Magic Kingdom Day 2

Magic Kingdom Day 2, 一日又點可能玩得晒呢?





開始呢篇之前先講少少資料俾大家知, 每年嘅十一月至十二月中Magic Kingdom都會抽出部份日子黎舉行一個名為Mickey’s Very Merry Christmas Party 嘅Hard Ticket Event, 如果要參加呢個event, 不論你係持有邊一種門票 (X-Day Package或Park Hopper) 都要另外購票入場, 而當日子越接近聖誕, 門票價錢就越貴. 舉例: 以2013年12月中為例, 每位成年人需要差唔多70蚊美金 (大約港幣5百幾蚊). 咁就可以由晚上7點玩到夜晚11點. 但持有呢個Party Event Ticket 嘅朋友最早可以兩點入場.

講左咁耐, 其實就係想講俾大家知, 外國網友指出每當MK 舉行Mickey’s Very Merry Christmas Party 嘅日子, 往往係入場人數最低嘅日子, 可能因為Regular Guest 7點前要離開樂園, 所以大家覺得唔抵而直接唔去. 咁又可以避開人流了! 但就算你唔係要另外買Event Ticket, 如果你Plan 好當日七點後行下Downtown 甚至去第二個Park 度玩, 又或者去酒店食個Fine Dinner, 7點Close Park 完全唔阻礙你的話, 咁其實呢一日都適合你入場玩.


 
九點鐘到達樂園閘口, 第一件事就係拎Mickey Meet & Greet Fast Pass. 呢個時候Town Square 有Duffy, Pluto 同Marie 喺度同人影緊相, 趁人少少都走左埋去合照. Meet & Greet 嘅相呢… 就冇嘅, 因為係合照, 哈哈!

話明今次黎美國東岸會嘗試玩得不一樣. 今日想玩一個Magic Kingdom 好特別嘅遊樂體驗, 就係Sorcerer of Magic Kingdom, 但玩呢個遊戲第一件事就要去到Fire Station 做登記.



如果你有留意開小blog 分享, Sorcerer of Magic Kingdom 係一個遍佈整個樂園不同角落嘅高科技interactive game. 只要完成一個簡單登記手續之後, 就可以拎住張Map, 一張Key Card同幾張Spell Card 去指定園區嘅Assigned Spot 度開啓機關. 部分機關做得幾隱蔽, 或者就咁睇係完全發現唔到有機關, 所以都要細心慢慢搵. 但都有一個較易嘅方法, 就係留意地下有無”Keyhold” 嘅標誌. 完成一個Spot 之後就會指示你去下一個spot.





當你完成整個遊戲後, 第二日就可以再去Fire Station開另一關同拎新嘅spell card. 呢個interactive game 動畫精美, spell card 又靚. 適合收藏之餘又啱大人小朋友一齊玩.

做完登記, 去Main Street 出發!! 呢邊聖誕氣氛都好強烈!



 
途中見到Main Street Trolley Show. Magic Kingdom 都係用真馬! 而且有好多表演都會有真馬參與, 例如The Dapper Dans 同呢個Show.
   　  　
其實呢個係一個好簡短嘅表演, 表演者會喺架Trolley上面唱歌, 當停車時, 班Performers 仲會落黎跳一陣舞. 雖然只係一個好簡單嘅表演, 但整個show 帶動到氣氛, 呢班小鎮居民亦都會令到你相信你正身處嘅美國小鎮大街真係一個有人住緊嘅小鎮! 呢一點非常重要. 香港迪士尼經常都被外國網友認為欠缺氣氛, 其實就係因為缺乏左呢啲小型表演.




遠處見到呢座咁宏偉嘅城堡, 已經覺得好興奮. (東京迪士尼雖然都係同一座城堡, 但冇左Main Street 就真係完全唔係呢種感覺.)



再行前啲, Partners 雕像, 唔知HKDL幾時先會放佢出黎呢?



好靚呀….. 好想帶佢返香港….




順便介紹下呢座城堡, 入面有間Hotel Suite (這些機會不是屬於我的) , Bibbidi Bobbidi Boutique, 同一間名為Cinderella’s Royal Table 嘅Character Diner, 上年香港迪士尼Star Guest 都想學佢, 但當然係失敗收場. 由於喺城堡食飯, 又可以見到公主, 而Magic Kingdom 真係Meet & Greet 天堂, 所以呢間餐廳好易Full Booking, 有興趣一定要盡早book !



Liberty Square. 設施唔多, 只有Haunted Mansion, Liberty Square Riverboat, 同埋The Hall of Presidents.






不過我嘅目標唔係Liberty Square, 而係隔離嘅Frontierland.




講左幾次都再講, 香港灰熊山谷其實係改版Frontierland, 同樣係西部風情. 所以不論建築物外貌, 物品, 甚至海報上嘅字體都好相似. 但個人覺HKDL 個版本靚啲. 雖然灰熊山谷係冇乜野玩, 但其實Detail 度都好高. (MK 呢邊個地下唔似西部....) 我覺得灰熊山谷只要起多一個Ride 就算完成.

   

兩座山: Splash Mountain 同Big Thunder Mountain. 兩座都係香港冇.



 　
而Big Thunder Mountain 上年upgrade 左, 加左一個全新Storyline 同Interactive Queue, 由於呢段時間少人. 兩座山Wait time 只係10分鐘，當然唔能夠錯過!




離開Splash Mountain 時巧遇Woody Jessie. 為小朋友製造Magic Moment.



 　
又係時間睇Show, 趕返去美國小鎮大街睇 Move It! Shake It! Celebrate It! Street Party.








呢個Show 並非巡遊, 主要都係為左分散人流同為整個園區加多個遊樂體驗, 歷時大約15分鐘, 中途Show Stop 時車上嘅禮物盒就會打開, 而入面會有一位Disney Character 出現.



 
之後Character 就會行出黎同大家一齊跳舞.



 
正當我企喺一旁自己跳舞之際, Jessie 一手捉住我, 帶我出去跳舞!! 我地圍住架車跳左一圈, 佢先放開我! 我以為自己拍緊旅遊節目! 無諗過佢地會咁主動邀請一個亞洲成年人出去跳舞! 呢個係Magic Kingdom 獨有之處, 鍾意Disney Character 的你, 一定要黎一次Magic Kingdom!

睇完Move It! Shake It! Celebrate It! Street Party, 黎到Adventureland.





香港迪士尼Adventureland 係根據Animal Kingdom 而設計, 所以如果你有去過其他Disneyland, 你會發現其他Adventureland 係冇咁森林原野feel, 而Magic Kingdom 呢個版本更加左一番中東風情.

呢度你會搵到Aladdin 嘅Magic Carpet Ride (Aladdin版Dumbo), 亦可以同Aladdin & Jasmine M&G. 其他設施包括The Enchanted Tiki room, Tree-house, Pirates of the Caribbean 同 Jungle Cruise.




值得一提嘅係Jungle Cruise, 話說早一排呢個Ride 做緊例行維修時, 網上出左一段片, Skipper present 左一個Jungle Cruise Wall Experience. 由片段中可見Cast Member 如何熱愛自己份工作, 所以黎到真係要玩. 故事同香港差唔多 (當然冇左火神同水神交戰一幕), 但係呢個版本做得更好. 最令我印象深刻係進入廢廟一幕, 雖然香港版本都有類似, 但呢邊Jungle Cruise 版本係確實入左一間廢廟入面, 入面黑漆漆只係隱約見到寶物反射出黎嘅光. 恐怖感激增!

至於CM 講得生動有趣, 呢方面唔需要再講, 之前幾次Trip Report 都有提過其他國外Theme Park Cast Member 係講得幾咁投入同幾有heart!
 
路過Pirates of the Caribbean 都唔多人, 玩完之後見到Captain Jack Sparrow’s Pirate Tutorial 開場. 顧名思義，呢個show係教你點做一個海盜.





而我又係好幸運地俾Jack Sparrow 選中, 可以跟佢學返一招半式. 獲選者仲可以得到獎狀留念! 都係嗰句, 喺Magic Kingdom 入面, 不論你係咩國藉咩年齡, 都會平等地有Magical Moment 發生喺你身上.



睇完Show 之後原本諗住返去玩Haunted Mansion. 點知開MDE apps (My Disney Experience) 嗰陣見到Haunted Mansion 有故障. 所以去食個早飯.

呢個MDE 手機程式係WDW 官方推出, 超好用!




大家可以透過呢個Apps 睇到當日幾個Park 開放時間, 各個Entertainment Show Time, Characters 出現嘅地點同時間, 各個設施即時Wait Time, Fast Pass 派到咩時段等等. 更強勁係能夠俾你喺園內不同食肆訂位.  不過呢個Apps 有待改善嘅地方係成日load 唔到.





WDW 幾個Park 都係大, 有左呢個App 就唔需要行到埋設施門前先發現大排長龍, 又或者唔知去邊度搵Character等等

再引申另外幾個小溫馨提示.
1) WDW 遊客係超級熱愛M&G, 所以大家要提早排隊.
2) 呢個Resort好多人, 除左玩係一個問題外, 食都係一大障礙, 所以唔好入場當日先諗食咩,尤其係Magic Kingdom, 99% 係冇位. 排後補都要等大約一個鐘. 唔好以為Lunch 以小食填肚就可以解決問題, 就例如12月呢段期間排20-30分鐘係等閒事. 所以大家一係早啲book位, 一係就預多啲時間食飯.

Be Our Guest Restaurant. 呢間餐廳係屬於New Fantasyland Beauty and the Beast 部份, 亦係位於Beast Castle內, 由於食品價格合理同好味, 餐廳環境又靚, 所以大受遊客歡迎. Lunch 時段多人就好正常. 而Dinner就要半年前訂枱! 好誇張!



  　
Be Our Guest Restaurant 有提供Fast Pass +, 可以skip左排隊等買野食嗰Part. 喺呢度又可以介紹一下, Be Our Guest Restaurant 提供兩種Fast Pass+, 一種係你去到先order食物, 另一種係你做reservation 時, 就揀埋野食. 咁到時就可以直接搵位坐就得.


 　 　 　
Order 完成, CM 就叫我求其搵個位坐低就得, 佢地會將食物送埋黎, 咁大間餐廳咁多人, 佢地點知每位賓客坐邊? CM好巧妙一句回應: IT IS MAGIC! 一入到餐廳就俾Ballroom 吸引住, 雖然喺網上睇過唔少相, 但親身感受係只能夠用震撼黎形容!




聖誕節當然會有聖誕樹, 如果你有睇過Beauty and the Beast: The Enchanted Christmas 呢齣從未喺戲院上映, 只出過影碟同影帶嘅外傳故事, 呢棵聖誕樹頂會見到一位好少出現嘅Character - Angelique. WDI 真係好強勁!


 　
之後黎到West Wing.




玫瑰呀!


   
另一間房, 掛滿Beauty and the Beast 壁畫, 仲有B&B 雕像. 呢個雕像其實係複製香港迪士尼Royal Banquet Hall 入面同一個雕像整出黎, 只不過呢隻係上色版.



 
影完一大輪先去返Ballroom坐低, CM端上熱辣辣食物, 仲話因為我之前冇坐低, 所以佢花左一段時間先搵到我. 於是我又乘勢問佢係點樣搵到我啦, 但佢都係用同一個答案: It’s Magic! Welcome to the Beast’s Castle.

至於食物質素就真係同傳聞中一樣美味, 大家黎到Magic Kingdom 都可以一試!

順便去埋同一區域另一間餐廳－Gaston’s Tavern參觀. 呢間餐廳都係好detail, 水吧做到好似由木桶度倒啤酒出黎咁. 而入面Decoration 都跟足電影. 好強勁!  




又係時候出去等巡遊開始. 已經預早45分鐘, 但已經無哂第一排! 慶幸美國人都係守秩序, 第一排全部都係坐低, 所以要搵靚位都唔太難. 中段有一兩位CM出黎搞下氣氛.

Celebrate a Dream Come True Parade 依家已經完結左, 因為今年春天將會有全新巡遊Festival of Fantasy Parade, 好慶幸有得睇埋尾水! 巡遊一開始就採取Character 攻勢, 9位迪士尼朋友! 原本開始時都想數下總共有幾多位角色登場, 但去到中途已經放棄… 因為太多啦!

















呢個Parade 歷史仲老過香港迪士尼樂園, 由2001年已經開始玩, 所以其實除左Character 多之外, 技術已經好舊, 亦都冇乜特別. 花車, 歌, 同Costume 都唔突出. 所以轉新Parade 絕對係一件好事黎.

睇完Parade再入Fantasyland, 用Fast Pass + 玩多次Peter Pan’s Flight, 亦都同左好多Characters 影相. 包括Merida, Tiana, Gaston, Fairy Godmother 呢班香港搵唔到嘅朋友. 仲有一個好Surprise 嘅Magical Moment! 就係Cinderella 同我講佢剛剛喺巡遊見到我! 因為我當日著左香港迪士尼獨有嘅衫. 俾Character 認得真係好開心呀!

又夠鐘睇Show 啦! 黎到城堡前睇一個名為Dream Along With Mickey嘅Stage Show. 內容講述壞蛋入侵, 所以大家要同Mickey 一齊make a dream 趕走壞蛋, 令樂園回復和平. 不過由於今次太遲到達, 所以位置麻麻. 呢邊睇Show 都係要早少少霸位






Tomorrowland, 距離七點只係剩返唔係好多時間, 快玩Monsters, Inc. Laugh Floor, Stitch’s Great Escape 同埋Space Mountain.

Monsters, Inc. Laugh Floor 就係Mike 同其他怪獸一齊搞gag, 我原本以為我會聽唔明啲gag會唔識笑, 但佢係用啲好簡單易明嘅英文, 所以唔駛擔心. 大家仲可以send 自己個gag 俾地喺個show 入面講出黎. 當然要用英文啦.


 　 　 　
而Stitch’s Great Escape都係一個講Stitch點逃走嘅show, 都幾好玩嘅



至於Space Mountain 呢, Magic Kingdom 版本同香港版最唔同嘅地方就係佢地架vehicle 係單座位, 形狀似火箭. 亦冇設Single Rider, 所以想玩嘅話, 一係就排Standby (我見過呢個Ride Stand-by Wait time 高達180分鐘!), 一係拎fast pass. Standby-Queue 都設有Interactive Game, 可以俾人打機消磨時間. 而為左加快人流佢地設左兩段路軌. 我兩段都玩過, 唔覺得有咩分別. 同埋因為System 太舊, 所以成段旅程都好chok, 整個setting 俾我回想起Disneyland Matterhorn… 好震! 所以相比之下HKDL版本係好玩啲



 　
玩完Space Mountain, 已經過左七點, Day Guest 要離場了. 有手帶先可以繼續留低, 連shop 都唔俾入. 有性格! 我鍾意. 原本想搏矇睇巡遊同stage show, 但俾CM趕左幾次之後, 就乖乖離開樂園了.

Day 2 完結