香港迪士尼引入PhotoPass

今日香港迪士尼樂園又出現一個重要里程碑, 就係PhotoPass 迪士尼處處拍正式登陸. 其實呢個技術喺外國嘅Disney Parks 都已經出現左一段時間, 而且傳聞香港迪士尼籌備引入呢個新system 都用左好多時間. 

由今日開始, 大家可以喺Park 內攝影師手中得到呢張PhotoPass, 當日餘下時間每當你再搵Character 影相時, 只要再出示呢張Pass, 攝影師就會將你同迪士尼朋友嘅合照存放於同一張咭內. 

喺離開樂園前, 大家可以再到達小鎮沖印店內再次睇返你影過嘅相, 購買後可以返到屋企後喺官方網站上下載返呢張相. 其實係與時並進嘅一個技術. https://www.disneyphotopass.com.hk/

因應現今好多人影相主要原因係為左Share 俾朋友睇嘅習慣, 其實我相信呢個新System 假若相片售價比傳統沖印相片平嘅話, 係會較受歡迎. 但要做到多人買相嘅效果, 除左價錢之外其實係好依賴攝影師嘅攝影技術... 

同埋我好希望伴隨呢個新技術出現嘅會係更多影相位同迪士尼朋友. 

宣傳單張.