香港迪士尼樂園酒店2014倒數活動

全球多個Theme Park 都有除夕倒數Party, 連Universal Studios Singapore 都有, 大家可以上外國blog 或大型theme park 網站睇睇各地慶祝活動. 而香港迪士尼樂園, 今次一如以往都只係喺酒店搞一個好簡單嘅倒數小活動

HKDL Park 入面都曾經有過倒數活動, 但當年本身個park 唔夠野玩, 就算平日要留到睇煙花都有難度嘅時候. 要等到12點就更加係難上加難, 所以當年入場人數並唔理想, 最後除夕倒數活動直情取消左. 

雖然Park 入面冇活動, 但轉移陣地到酒店區. 今年個rundown 同往年都冇乜分別. 

個人覺得. 距離Countdown Party 重臨嘅日子, 應該唔會太遠. 三個新園區開左之後樂園平均開放時間相對早幾年已經延長左半小時至一小時. 下一輪擴建快將開始. 雖然小弟話Backstage 建築物如何安排並唔係呢個blog 需要理會嘅事, 但園方大可以繼續安於現狀, 點解要揀呢個時候發生Backstage 建築物搬遷, 擴充同清空呢一連串行動? 背後原因非常明顯, 就係公佈左嘅Iron Man 只係下個擴建計畫嘅其中一個項目罷了.

喺需要公佈業績呢個壓力嘅大前提下, 香港迪士尼樂園能夠自資興建Iron Man 呢個如此高昂嘅獨有設施, 再自資起一座(或兩座) 新大樓. 其實佢嘅財政狀況比你同我想像中都更穩健.

只要建成Downtown Disney 呢個基礎, 要令到Countdown Party 重臨並唔係難事. 而小弟係深信一旦渡假區內酒店住客人數增加, 會促使賓客對樂園外渡假區內嘅食肆數量同選擇嘅要求加強, 最後催化Downtown 成事.