黎緊大家可以預期香港迪士尼有咩發生? 第三間酒店嘅計畫已經係確定左, 只係差立法會呢關, 所以唔係呢一篇要同大家講嘅野.
距離Iron Man 開幕仲有兩年. 但據聞由今年開始, 樂園將會分階段為四個原有園區進行粉飾重整工程. 喺呢個時候, 或者可以重post 呢一張地圖.
過去呢幾個月都聽到好多傳聞, 轉煙花, 起新火車站, Theater 轉show, 現有設施升級, 加入新遊樂體驗, 建新商店新餐飲售賣點等等, 消息層出不窮, 但消息縱使不同都仲有一個共通點, 就係不比Iron Man 大規模.
而Iron Man 呢個新設施已經差唔多完成準備工程, 之前有消息傳出農曆新年活動後鐵路會停駛一年, 都接近大家所理解起一個新設施所需要嘅時間. 所以可以斷定停駛就係為左興建通往Iron Man 將來show building 嘅入口
但由官方公佈Iron Man 首張concept art 得知, 今次呢個工程除左用晒鐵路外面嘅空地外, 喺巴斯光年星際歷險嘅幾呎之外都會有另一座新建築物將會興建. 而呢座新建築物亦會重疊左現有兩間戶外商品檔嘅位置, 所以據聞因為Iron Man 呢個工程, Tomorrowland 將會率先進入重整計畫.
而近日喺遠離Iron Man 嘅地方突然出現似乎唔相關嘅工程... 由過去經驗得知每逢遇上呢D 鋪葉工程, 都係同挖地有關. 至於點解要挖地, 呢個只係個人愚昧見解：呢度會係戶外車仔商店嘅新址. 因為Iron Man 工程開始之後Tomorrowland 將會冇左兩間車仔檔, 以我地所認知嘅香港迪士尼, 絕對唔會容許呢件事發生. 所以要依家喺新址鋪定電線. 理據亦相當充份.
至於其他計畫, 小弟仍然打聽緊. 多謝你嘅耐心等侯
1 則留言:
發佈留言