假若你有睇過上一次LEGOLAND trip report 嘅話, 或者你都會記得新加坡摩天輪之下會有穿梭巴士往來LEGOLAND. 可以上官網留意一下班次. 亦可以留意有冇Package.
Singapore Flyer 旅遊巴士候車站嘅旁邊有幾間喺新加坡比較平民而又有當地特色嘅食店, 其中一間係亞坤, 依家香港都有分店了 (但據聞評價並不太好). 其實亞坤喺新加坡真係有好多分店, 今次旅程都食左兩次亞坤早餐.
舊牛油真係厚得好離譜, 但係可能因為舊牛油仲未開始融, 所以食落冇油膩感, 都唔錯.
大約一個鐘多少少時間就會到達LEGOLAND, 途中係要過關的 (因為收過幾位朋友嘅詢問), 但呢條路所經過嘅關口並唔繁忙, 所以好快就到.
今次黎LEGOLAND 係為左住佢間酒店同埋去Waterpark 玩! 但係玩之前都要社買張馬來西亞電話咭先, 呢度有類似Downtown 嘅商店食肆區域. LEGOLAND Malaysia 呢邊實在太荒蕪, 酒店住客固然係要靠呢度解決晚餐, 反觀其實食肆同商店都只能依靠酒店住客... 所以夜晚都好冷清...
LEGOLAND Hotel 有分遊客入口同車輛入口, 前者對者LEGOLAND 正門亦通往Waterpark.但我覺得車嘅入口靚D
一上到大堂已經忍唔住不停影, 主題好獨有突出, 除左LEGOLAND 之外諗唔到其他酒店可以放大量呢類Decoration.
酒店大堂嘅商店. 其實同Park 入面賣嘅野一樣.
兩件大型玩具.
呢個LEGO 池好得意, 旁邊有柱, 見到小朋友用池入面嘅LEGO 繼續砌上去.
Check-in 了, LEGOLAND Hotel 分成三個主題, 分別係Pirate, Adventure 同Kingdom. 今次入住嘅係Adventure. 首先要介紹呢架升降機, 主題係一個私人Disco party. 入面會播音樂同盞Disco 燈會轉, 每個人第一次見到呢個情景都會微笑.
到了. 三個主題嘅走廊都會有唔同嘅主題設計.
房咭都當然會唔同.
Adventure 主題房嘅裝修, 因為LEGOLAND 主要客群係七歲以下嘅小朋友同家庭客, 所以就算係standard 嘅客房都會有一張爸爸媽媽訓嘅雙人床, 再加上小朋友訓嘅碌架床.
雖然有好多都只係print 出黎嘅牆紙, 但對於有無限幻想力嘅小朋友, 我相信呢個程度嘅decoration 對佢地黎講已經非常足夠.
洗手間
入Park 了, 呢一日係weekday, 所以都冇乜人, 但係留意一樣野係馬來西亞幾乎每日嘅下晝都會有大雨, 間唔中仲會有雷暴, 所以如果你係計畫入去waterpark 玩嘅話就要考慮一下會唔會朝早入waterpark 而下晝入land 了. 因為一有雷暴就一定會關閉所以戶外遊樂設施, 而且呢度嘅門票一旦出左去就冇得再入返, 所以要小心計畫行程了.
感覺有少少冷清, 但亦即係代表可以唔駛排咁長隊, 好事黎! 相信一到weekend 呢度就會好多人, 畢竟呢邊真係比較偏僻, 同埋小朋友要返學..
新設施, 九月先正式開放嘅Star Wars Miniland, 係一個全室內嘅attraction. 對於呢個咁熱又經常會有雷暴嘅地方黎講, 起多d indoor attraction 絕對有利.
如果你對LEGOLAND 有初步了解, 應該會知道佢地有一個非常出名嘅世界名勝縮影景點, 其實就係用LEGO 砌地標建築物, 而呢個Star Wars 都係砌出黎, 不過就係電影入面嘅著名場景.
入面分成不同房間, 每間房都有一個場景, 而每個場景都會有一至兩個機關, 只要留意一下有冇按鈕就可以, 當然之前都講過呢個park 嘅主要對象係7歲以下嘅小朋友, 所以呢類按鈕嘅高度都可想而知.
有d 好似被人忽略嘅細微位.
講得係重現場景, 當然會有文字介紹幫你重溫你眼前嘅情景係黎自邊度同埋內容講乜, 可以勾返起你嘅印象.
出口連住一間商店.
上次trip report 都冇介紹過商店, 其實我覺得LEGOLAND 嘅商店同Universal 一樣都係每間商店都有自己嘅獨有商品, 可能你會喺近入口街道兩旁嘅商店搵到所有主題嘅商品, 但係發現真係得幾件, 有好多都要行返去所屬嘅商店買. 或者咁講, 近入口嘅大shop 係以貨品種類為主導, 而每間細shop 就以主題為分類.
Waterpark, 如之前所講, 馬來西亞係每日下晝都有大雨, (其實每個地方都會有其獨特嘅天氣, 正如未去過Disneyland Resort 都唔會知道原來南加州出名嘅藍天原來係下午先有, 加州每朝都有密雲, 要大約11點雲層先會散開.) 剛巧到達Waterpark 時就有雷暴要關閉了, 落唔到水反而可以趁呢個時間影相.
呢個Waterpark 唔大, 我估真係要每個設施都玩一玩嘅話兩個鐘內可以完成. 正因為呢個park 唔多野玩, 而Park 嗰邊weekday 時又冇乜人排, 所以一日內可以玩得晒. 門票安排方面可以抵d.
呢邊都有獨有商品.
去完兩個park 見仲有少少時間先天黑, 就睇睇附近有咩景點, 發現新山有個Outlet. 所以去行左一轉. 搭的士嘅話大約要30分鐘車程, Premium Outlets 喺好多國家都有, 集結一眾大牌子. 其實某幾個高檔品牌減極都係貴, 但如果你係買下牛仔褲, 可以考慮一下.
返到酒店房, 要玩解謎遊戲.
每間房内都會有個鎖有密碼鎖嘅寶箱﹐ 而寶箱嘅密碼就要根據提示紙上面嘅指示解謎﹐多數都係數下房間内某幾個圖案嘅數量﹐
其中一個密碼就隱藏喺電視下面. 不過要數地下嘅圖案就有d 難度了.
玩左15分鐘後最後決定用靠撞嘅方法打開密碼鎖, 開完之後再數返d 圖案時會講 「下! 乜原來呢個都係一隻?」可能小朋友心水較清可以玩得更快.
寶箱內嘅小禮物, 喺Park 見到Malaysia 字樣嘅紀念品, 好彩冇買到.
一個好有心思嘅親子小遊戲﹐ 而且打開左個寶箱會有一份莫名嘅滿足感. 呢個獨特嘅遊戲為Legoland Hotel 加左唔少分. 仲有呢包榛子朱古力曲奇... 中間係流心朱古力. 好好食!
訓覺嘅時候發現, 原來酒店個設計係好貼心, 爸爸媽媽可以有足夠私人空間之餘, 係可以靠塊鏡嘅反射見到隔離房嘅小朋友.
第二日行程完結
沒有留言:
發佈留言