把握最後機會去酒店嘅另外兩個主題樓層影影相, 不過房就入唔到了, 如果大家去住Pirate 同Kingdom 主題房嘅話, 不妨分享一下房間嘅佈置.
Pirate
Kingdom
Park 正門, 仲未開門
早餐就係呢度, 其實我都唔算遲起身丫... 點解成間餐廳坐滿人? 果然係一個非常健康嘅家庭式景點
食物款式都有好多選擇, 只係蛋都有四五種烹調方法. 亦有咖哩同千層麵... 呢度真係食早餐?
好難得搵到個仲未有人坐嘅角落.
部分Decoration.
由LEGOLAND 到新山車站其實有Shuttle, 但係差唔多隔90分鐘先有一班, 剛剛錯過一班就要搭的士了, 車程大約20分鐘.
新山車站有好多巴士到達吉隆坡市中心﹐ 車程大約四個半鐘. 不過馬來西亞人比較隨性同對時間表冇乜概念﹐ 班次延誤時有發生﹐ 要有定心理準備了
而由吉隆坡返新加坡嘅班次係有午夜12時開出﹐ 車程約六個半鐘﹐ 訓醒覺就到新加坡﹐ 可以慳返晚酒店. (如果你唔放心坐長途車訓覺﹐ 其實都有午夜開出嘅火車班次﹐ 所需時間相若)
詳情可去呢度睇: http://www.busonlineticket.com/booking/bus-tickets.aspx
呢一架車非常舒適, 車費大約港幣100蚊. 有WiFi 有震動式按摩椅. 其實真係好好訓. 不過唔準時開出係一大缺點. (呢個亦係馬來西亞人嘅生活習慣. 整個城市都好緩慢, 如果忍受唔到嘅話真係唔好去...)
四個半鐘, 比想像中容易過. 到埗後發現自己身處吉隆坡舊區, 但呢個城市並唔係好大, 所以過幾條街之後就會到達新嘅商業區, 新舊對比好大.
依家佢地正起緊地下鐵路﹐ 相信過多幾年呢度交通都會較發達, 但係依家呢一刻就周圍都係工程.
市中心商業區其實同香港差唔多﹐但物價就低香港好多﹐ 就例如今晚入住嘅呢間精品酒店﹐ 房仔細細但設施都好齊備. 真係估唔到一晚只需600蚊港幣.
放低行李後就出發探索呢個城市, 路過一間南洋咖啡店, 被濃郁嘅咖啡香味吸引, 忍唔住飲完一杯再一杯. 南洋咖啡並無美式咖啡嘅苦澀味同酸味. 聞說南洋呢邊有獨特嘅烘焙方法, 過程中加入白糖同牛油. 所以入口好滑, 唔需要加入不同味道. 簡簡單單已經夠吸引.
地下鐵路仍然興建中, 但係依家都有單軌列車. 得兩卡車serve 整個城市.... 返工放工時間會好迫.
其實都係漫無目的咁遊走睇下有冇特別嘅手信. 但又真係喺D 冇乜人流嘅地方發現賣手信嘅地方.
由於到埗時已經係四點, 所以好快天黑了. 路經一個大型商場見到Wendy's... 童年回憶驅使下入左去... 麥當奴嘅包本身塊扒係非常乾身, 所以先會用上大量醬汁... 而Wendy's 呢款最簡單嘅包裡面塊肉都係嫩而有肉汁.
返酒店途中喺酒店旁邊個商場見到呢間利物浦專門店. 查問後發現原來呢間係亞洲第一間分店, 而且係九月先開業. 利物浦迷如果有機會去吉隆坡真係要去朝朝聖.
馬來西亞第二日行程結束
沒有留言:
發佈留言