用唔著粉紅色呢張Re-Entry pass, 之前有同大家講過之住聖淘沙島上酒店嘅住客可以獲得一程免費Sentosa Express, 而入住Movenpick 嘅住客更會獲得一張re-entry ticket, 喺三日內可以無限次進出聖淘沙島. 但入左島點解仲要出去? 因為可以住梗一間酒店唔駛拖住行李走黎走去. 亦都係增加呢個島收入嘅一個方法.
其實新加坡嘅鐵路網絡分佈得好好, 再加上呢個國家並唔大, 所以住邊度都冇所謂.
由Movenpick 酒店行落去Hard Rock, Universal Studios 同Marine Life Park 都喺下面
拜拜了魚尾獅.
商店食肆區, 兩個Park 各據一方.
展覽一開始係介紹船隻同文化歷史, 講以前海上嘅生活同貿易... 仲有海盜..
到水族館了. 一入到去已經係海洋公園海洋奇觀最大嘅玻璃
應節南瓜
一定要有呢種隧道.
亦都要有珊瑚睇熱帶魚.
一個館齊晒, 好勁呀~ 呢度真係好大, 而且路線嘅考慮都好有心思. 其實個館應該冇想像中咁大, 但係都要行兩個鐘, 雖然路只得一條, 但因為呢度嘅路係跨越幾層... 有時覺得點解自己又會返黎呢個位, 原來頭先係喺呢個缸嘅下層.
離開聖淘沙, 出返黎市區, 又去Marina Bay Sands 了. 但今次黎呢度並唔係路過咁簡單...
喺大堂某個暗角會進入一條秘密通道... 會到達另一個冇乜人嘅升降機大堂... 而呢部升降機只會去某幾層樓...
呢間房係....
總統套房! 一個難得嘅經驗, 來吧, 一齊入去參觀一下新加坡最高嘅總統套房
如果你見到呢個大廳已經覺得驚訝嘅話, 接住落黎會有更多新奇嘅事發生...
呢間房有兩個客廳, 以電視分隔開... (窗邊竟然有望遠鏡?)
除左有兩個客廳, 仲有一個飯廳
相連住廚房.
呢間套房有三間睡房,
窗外可以睇到Gardens by the Bay.
每間睡房都有個獨立浴室.
洗手間係自動感應. 一開門就會著燈, 廁板亦會自動揭起.
主人房嘅衣帽間.
房內亦設有健身器材, 按摩室, 私人髮廊.
甚至係私人K 房...
呢度係新加坡著名景點, 位於Marina Bay Sands Hotel 頂層嘅The Infinity Pool. 喺度可以一邊游水一邊欣賞新加坡嘅城市景觀. 仲可以慢慢享受日落.
講到呢度, 點解Mr. B 會入到總統套房? 其實小弟並冇入住, 喺呢度要感謝Marina Bay Sands 公關邀請參觀, 呢個係一個非常難得嘅機會, 打開門嘅一刻以為自己拍緊旅遊節目...
之前上過吉隆坡塔睇過馬來西亞嘅景色, 再次到新加坡當然都要上Marina Bay Sands 酒店頂層嘅觀景台. 剛巧黃昏, 決定喺度等埋日落... 好彩呢度都有個小食部同酒吧. 由於觀景台喺一個相當高嘅地方, 而酒店又位於海邊, 所以呢度都好大風, 等日落絕對係一個寫意悠閒嘅項目...
著名景點夜景都喺晒附近. 一覽無遺.
而小弟喺新加坡最後一晚真正入住嘅酒店係呢度.
有點歷史嘅酒店, 但係價錢合理得黎又非常多西方人入住.
呢間酒店多外國人入住嘅原因, 係因為佢就喺新加坡河旁邊, 呢度出左名係酒店食肆區, 所以非常多外國人聚集. 夜晚亦好熱鬧
最後一個早上就唔另外開一篇了. 臨出發去機場前先去食個早餐, 見到有人喺度舉行婚禮, 其實當日喺酒店房外都見到婚禮場地嘅佈置, 喺泳池旁邊, 的確係幾靚.
咁啱酒店旁邊又有亞坤. 又去嘆左個南洋早餐, 點解會影埋呢位外國人? 因為呢位巴西男子非常留意香港嘅Umbrella Movement, 亦好緊張學生們.
今個旅程正值香港多事之秋﹐ 所以當表明係香港人身份之後都會有當地人或其他旅客問及對呢件事嘅睇法﹐ 新加坡所遇見嘅人普遍都係支持學生﹐而馬來西亞華人就覺得香港好亂﹐ 但既然被邀請討論﹐ 我都好樂意分享親身所見所聞. 好慶幸能夠令更多人了解香港發生緊咩事﹐ 同埋能夠改變其他人對呢件事嘅觀感.
新加坡同馬來西亞旅程告一段落, 多謝大家支持. 而下一章節嘅旅程即將展開.....
(圖: Deep Disney)
沒有留言:
發佈留言