California Adventure concept arts part 3

首先未講DCA part 3 之前同大家講少少野先~ 講完DCA 之後小弟會開始玩break magic~ (但睇完可能會發覺唔係你想果回事~ 哈哈~) 首先會講出原版Haunted Mansion ge 秘密~ 如果真係keep magic 者又或者從未玩過HM 就真係唔好黎睇la~~ 但我覺得入迪士尼有幾種玩法~ 當你感受完個氣氛睇晒detail 位差唔多背得晒所有地方出黎.... 下一步就係探求背後個技術~ 而知道呢d 技術後... 真係得個知字~!! magic break 左仍然會存在~ 知道左仍然會繼續入去玩~ 無損迪士尼利益... 所以迪士尼公司從來唔會捉人break magic~ 仲會主動上電視break 埋一份.... (係HKDL 前線先會咁緊張...)

廢話講完~ DCA part 3~~ 個入口會係2011 年前完成~ 由依家個California 幾個字改個下面呢個閘口... 但原來呢個gate 同MGM Studio 一模一樣ge~~! 又一抄人之作~

入口個區域會學足disney park 咁時光倒流去返1920 年... 不過係1920 年ge 洛杉磯~ 話晒都係California ma~ 都要岩晒theme 先得~

有電車~ 真係好想知佢地會點樣整條路軌出黎~ 但個park 唔係日日開緊ga咩~?

Preview Center~ 2008 年開ga la~ 入面會講晒DCA 未來所有project ge 計劃... concept art 同模型等等... 希望HKDL 遲d 公佈左擴建計畫都可以放係DLS~ 畢竟.... 座城堡係巴黎... 隻郵輪都唔關我地事....

其實個入口真係post 圖多過講野... 冇咩可以講la.... 唔通每座建築物介紹咩....

新入口連主題區域 (2011 年)
閘口新設計取代現有門口幾個字...
紅色電車由Hollywood 走到carsland
DCA Preview Center in 2008
Antique vehicles to Hollywood (小鎮大街d 車~??)
Carthay Circle Theater with new Walt Disney Story
Walt Disney Plaza
1920's Los Angeles architecture throughout

Copyright: 所有圖片版權為華特迪士尼公司所擁有

California Adventure concept arts part 2

繼續講DCA~~ 講到冇晒野講為止~!

今次擴建同redesign ge 主要目的~ 不厭其煩講多次~ 係因為之前DCA 冇theme 又或者個theme 唔關disney 事~ 令到人覺得只係走入一個比比皆是ge 普通樂園~ 所以要將現有設施加埋theme~ 就例如DCA 呢個著名驚險摩天輪~ Sun Wheel~ 就由中間個太陽改為mickey.... (但用classic 版都算唔錯~)

Paradise Pier 有好多新attraction 係改現有attraction 主題~ 所以為方便大家就post 現時張map~ (點擊放大)

Toy Story Mania... 之前post 得最多圖就係呢個attraction... 或者遲d post d 工程圖出黎... 但我唔想偷人相... 都係考慮下先.... (呢d 圖我唔算偷~ 因為係迪士尼放出黎~! 任何人都冇版權~) 門口有好大隻機械Mr. Potato Head!

Little Mermaid Dark Ride... 外形唔係城堡wo~~ 睇返應該係取代左golden state 2 同7 兩個attraction~ 真係咁有信心放棄兩個黎整一個? 上次post 左其中一段就係kiss the girl 一幕~ 原來有六個場景~ under the sea 一幕最大~ (中間張靚版floor plan 又係等大圖~)

呢個場地叫Disney's World of Color~ 就係nighttime water spectacular 個場地~ 9000人!! wow~~~ 其實佢呢係用晒依家個湖黎做show~ HKDL 迪欣湖都冇人去... 可唔可以夜晚整個呢d show 呢~?

Goofy's Flying Academy ... 原來又係現有attraction 加theme 之作~ 即係現時Mulholland Madness~ d 美國人話呢個過山車係抄WDW wor... 未得閒求證~

仲有其他攤位遊戲.... (even 係小遊戲都做得好認真~!)

Paradise Pier 重建 (大約2008-2011年完成)
Toy Story Mania 2008 年暑假
Disney's World of Color 2009
Little Mermaid Attraction (仲會有個沙池俾小朋友玩)
Goofy's Flying Academy
Beer Garden (網上面睇係一個露天餐廳黎... 但迪士尼入面係咪會賣酒俾你呢!?)
Victorian architecture and themeing throughout
Disney-Pixar character overlay to midway games (其實即係呢個區域會meet & greet??)

明日預告: 講埋個入口~

Copyright: 所有圖片版權為華特迪士尼公司所擁有

California Adventure concept arts part 1

公佈擴建當日其實美國迪士尼旗下電視台ABC7 新聞都播左一個頗詳細ge 報導~ 都可以答到大家一d 問題... 到底呢d 新設施 (尤其carsland 12 英畝地點出黎呢) 點分佈~ 以下有一批concept arts 俾大家睇睇~ 我本身都好鐘意儲呢d 圖~ 首先睇左呢張係樂園擴建地圖先~(點擊放大)

仲可以見到carsland 入面個E-Ticket 條路軌~ 睇唔清楚唔緊要~ 我地有concept arts 同模型~~ (地方真係幾大~)

Carsland 入面有三個設施~ 1E2C...首先係大作Radiator Springs Racers.... 我估車速都唔會好勁.... 如果唔係冇得睇沿途景物... (兼且好快玩完..) 見到當中有電影中McQueen & Sally上山果段路當中一條瀑布~ 仲見到哨牙嘜 tim~

Luigi's bumper tires C Ticket -- 應該係Alice 茶杯咁ge 玩法.... 轉轉下...

Mater's Spinner C Ticket -- 呢個應該好似幾個月前巴黎迪士尼影城中新開Cars 個attraction 咁.... 下面張圖係巴黎果個attraction 黎~ 見到d 車係８字形咁行~ 唔知會唔會撞車呢~ 哈哈!

Carsland 擴建內容 - (2012年完成)
12 英畝土地擴建
Radiator Springs Racers E Ticket
Luigi's bumper tires C Ticket
Mater's Spinner C Ticket
Drive-In Movie Restaurant (我搵唔返呢張圖... 佢扮到好似汽車影院咁~ 其實d 車係座位黎~ 一路睇戲一路食飯)
Radiator Springs area development, stores, quick serve dining
加長parade 條路

Copyright: 所有圖片版權為華特迪士尼公司所擁有

明日預告: Paradise Pier 重建項目~ 繼續concept art~!!!

2006 年annual report d concept arts 去左邊??

上年財政年報中有一批concept arts~ 之前絕大部分都仲未confirm ~ 都係得個傳字~ 岩岩California Adventure 認投左一部分~ 咁仲有其餘d 圖何去何從呢~?~?? 為左方便其他人search 入黎~ (唔係個個都日日追ga ma~) 咁我再提埋尋日出現過ge 圖la~~
以下呢三張圖都會2012年之前出現係California Adventure
http://hk.myblog.yahoo.com/jw!X.ta35uQFRlh98bErGygo4QkTl7fCcA-/article?mid=90

呢張圖就係東京迪士尼第三期個主題~

大概2007年5月時負責營運TDL 個機構The Oriental Land Company 官網度發表一篇文章Innovate OLC 2010.... 表示有意2010年後開發第三期~ 不過與其話係第三期.... 不如話直情係一個全新ge 營運策略~ 因為個主題有別於一般disney park~ 係室內ga bor~ 而且地點仲唔近頭兩期樂園~~ 入面主要係shopping... 餐廳同埋entertainment 為主.... 講講下.... 咦~? 咁同一個商場有咩分別!?? 暫時黎講都搵唔到分別... 不過東京貴為購物之都.... 響迪士尼樂園以外地方有一個集中售賣迪士尼精品ge 地方~ 又有何不可呢~?!?

＊　http://www.olc.co.jp/news/en/news.cgi?home_f　＊

怪獸公司互動式attraction~ 即係好似巴斯光年星際歷險同Toy Story Mania 咁又有得睇又有得玩~ 尋晚講過呢種互動式attraction 地位將會越來越重要~ 因為呢一代年青人已經不能滿足於齋坐係度睇野ge 傳統dark ride la~ 亦都因為呢類新式attraction target 係年青人~ 所以個主題都搵返較為近期ge pixar 作品~ 都係將會出現於東京迪士尼~

話說有一本迪士尼雜誌叫Tales (都係laughing place 一個分支~ billionwins 應該有留意過~) 都率先刊登左呢個attraction ge 外觀~ (Copyright: LaughingPlace)

Toy Story Live... 聽聞會下年年頭出現係Disney Cruise Line

呢張海盜區域圖就唔需要多講~ 99%機會會出現係香港迪士尼~ 剩返果1% 就係香港政府死都唔肯出錢又唔肯放棄大股東個地位~ 搞到WDC 想注資都注唔到~ 但見近呢一兩個月班政府官員個個改晒口咁~ 不遠矣~不遠矣!!

最後呢張就係一個全新theme park~ 好多好多水~!!!! 但過左成年都未有人認投呢張concept art wor! 半個月前WDC 宣佈夏威夷起全球第一個純酒店Disney Resort~ 唔知呢一張會唔會係呢個plan ge 前身.... 如果唔係.... 會唔會......

所有圖片為華特迪士尼公司所擁有

California Adventure 擴建項目

10月17日朝早WDC 開左個記招講黎緊California Adventure 一系列擴建項目~ 當中最令我印象難忘ge 就係.... the little mermaid dark ride 真係翻生左~! 之前一直都係傳出HKDL 同DLP 會起... 但竟然最後殺出一個程咬金!!! 搶左個頭啖湯~! 所以我之前咪話過DLP... HKDL 同DCA 呢三個樂園個關係好糾纏不清ge~ 一日DCA 唔成功我地都冇好日子過..... 話晒人地先係主場....

如果大家前幾日有睇我一篇entry 的話就會見到"Part of out world?" 一文~ 入面介紹到一個18 年前開始design 但臨門撻 Q ge 小魚仙dark ride~ 證明呢d 小道消息又中左la~ 有人話我講d 野係假ge 多~ 咁如果我得少部分消息係真ge 話就係呢件事la~~ 其他消息都可以唔需要信~!!

新聞稿中見到對little mermaid dark ride 呢個介紹係exactly 之前被棄置左果個idea 黎.... DCA 有唔代表HKDL 冇ge~ 但搶左個頭啖湯咁解... 或者HKDL 個五年計劃仍然會有~ 又可能第二期先會起little mermaid lor 咁.... 真係好唔抵... 次次都係DCA!!!

今次WDC 用左11億美金 (85億港元) 去大肆改造DCA ... 因為呢個park 比HKDL 需要更多錢去重新搞過個主題~ 之前缺乏左主題令人覺得唔似Disney theme park 所以冇人入~ 以下係幾個重要ge 項目:

Cars land

以電影「反斗車王」為主題ge 區域~ 其實見到上面張concept art 都估到呢個land 會玩咩~ 遊客互相鬥車~ 途中會經過各個反斗車王中ge 場景~ 仲會見到一眾角色tim~ 又多一個E-Ticket 誕生~ 所以沿途應該會有好多機械野睇~!!!!

但係有軌ga lor~ 之前咪有人問點解HKDL 個馳車唔改做反斗車王個theme~? 因為好野唔到我地有lor~ 哈哈~

the Paradise Pier

入面主要會加兩個新ride... 一個就係the little mermaid la~ 另一個就係Toy Story Mania~ 一個類似巴斯光年ge 射擊遊戲~ 但遊客需要戴上3D 眼鏡去玩ga ~ (但正確d 黎講會係4D~ 應該仲會有d effect) 2008年暑假會開~ 呢個新射擊遊戲睇落真係好似幾好玩咁~ 入面有好多不同ge mini games~ 但都以射擊為主~

仲有little mermaid 出面會個假ge 沙灘俾小朋友玩堆沙~! 有野唔同左ar~~ 佢地唔係用吊索形式~~ 咁就解決左一大難題~ 希望都係兩層高la~ 唔係就好似winnie the pooh 咁悶死....

Nighttime Water Spectacular

呢個係Fantasmic! + BraviSEAmo! 混合體~ 但d 水力好似更加強勁同埋會有更多投射影片射上去~ 呢個戶外劇場足以容納到9000人同時欣賞表演~ 所以呢個area 將會成為未來任何迪士尼電影ge 首映場地~ 如果2009 年起得切呢個attraction... toy story 3 一定會係呢度做首映!!! 因為附近就係Toy Story Mania (點擊放大)

大致上就係咁多~ 覺得好正~!?!? 未算~ 呢個只係佢地10 年擴建計劃ge 前半截.... (你睇下人地個plan 係10年... hkdl 都係得5年...) 到2013 年就會公佈埋下半截ge 擴建項目.... 2014~2015 就會決定起第三期.... 所以我之前話11 億美金係攤開十年用ge~

可以睇到WDC 真係有幾大野心... 同埋對呢個擴建項目有好大信心~  睇下HKDL 會點....

岩岩收到個擴建時間表~

2011 年之前會重建入口~ 由依家CALIFORNIA ADVENTURE 幾個大字變成最上果張圖~ 其他都係加入20年代Los Angeles ge 建築主題風格~ (因為加theme 係今次項目ge 主要目的)

2008 ~ 2011 Paradise Pier

Toy Story Mania 2008 年summer 開... 仲會有個好似HKDL Disneyland Story ge preview center~ 講黎緊ge 擴建項目~ 2009 年開the little mermaid 同water spectacular 個場地~ 仲有一個叫Goofy's Flying Academy ... 唔知咩黎~ 可能同小飛象差唔多~ 呢個區域主題係維多利亞建築風格

2012 年cars land

除左一個E-Ticket 外... 仲有兩個C-Ticket 俾一家大細玩~ 太空飛碟式ge attraction... 仲有一個睇個名唔知咩黎ge... Mater's Spinner... 大家不妨諗下呢舊C-Ticket 會係咩黎.... 仲會加長現時parade 條路線~

Toy Story Mania d 相黎自 wdwmagic
其他圖片版權為迪士尼公司所擁有

擴建新聞稿:http://www.disneylandnews.com/graphics/DCA%20FINAL%20EXP%20RELEASE.pdf