上海迪士尼海盜區域

以下呢張concept art... 似乎證明左呢個傳聞係正確~

如果拍返埋SHDL 官方公佈果張鳥瞰圖... 呢個區域ge 佈局... 係同上面兩張日夜concept rendering 一樣.... 又係一條橋又係後面個細湖俾民房包圍有船泊岸?? 又係大湖下面係石山? (橋同骨頭石中間艘船都好似...)

至於點解我會話呢個區域原本屬於香港迪士尼... 又再略略講多次... 就係2008年原本小小世界開幕之後wdc 同香港政府接住動工起Pirate Coast... 預定2010開... 以電影魔盜王為主題起兩個大型dark ride 加一個類似Tokyo Disney Sea 湖上show~ 因為造價太貴~ 所以俾政府ban 左~

Pirate Coast 其中一個大型dark ride 變成我地2013年開幕ge 迷離莊園~ 如果你係期待緊迷離莊園呢種質素... 海盜區會更令你期待... 依家三個新擴建區總造價應該仲要比Pirate Coast 還要低~ 而且呢個區域只需佔用Demon Jungle 個位~ 換言之係用最少ge 土地換最多好玩ge 設施~ 變相令HKDL 未用土地ge 發達潛力加大~

不過... 已經係過去.... 將來就係上海迪士尼.... 仲有消息話相隔呢五年時間.. WDI 技術再進一步~ 上海版會比香港原定版更激!!!!

假若將來呢個區域受歡迎~ 大家記住係政府ban ga... 而你亦都有可能係果班所謂全港人人俾3000蚊做股東而有份反對香港起... 間接送呢個名利相賺區域俾上海ge 元兇~!

依家ge 希望... 係上面張圖係假ge!! 又或者唔係屬於SHDL~ 唉... 見到果架高鐵真係好心寒.... 都唔知迪士尼駕唔駕馭到班大陸佬... 仲要管理俾埋班大陸人參與... 都唔知以後會點....

又會咁多ride 咁多land concept art 唔放... 係要放海盜區ge 圖?? 

五周年回顧特輯 - 夏日篇

真係連我自己都覺得唔好意思.... 呢個分煩開左咁耐但係一直都咁少Update... 飛天巡遊都出左半年la~ 好la 都係要還俾大家黎報答大家一直對呢個blog ge 支持~ 今日會送上五周年回顧特輯 - 夏日篇~

擴建資訊 (七月號下)

又係不斷有新野update~ 繼兩星期前TSL 首次見到Woody 單手出現後~ 今次再見到佢完整登場~ 而各位認為好樣衰ge 中文字~ 今次有埋Toy Story logo~ 而附近Tinker Toy 裝飾都出晒~ 要準時開幕似乎唔係難題~

近Mystic 一段路... 鋪緊地~

Grizzly~ 鐵絲網放滿一地~又準備Rockworks~

山~~ 見到前方下面有建築物形狀~ 右邊黑色都係建築物~

吊臂後面Rockwork 已雕好~

火藥庫角度~上面有石鐵絲網~

Mystic 範圍~ 估唔到佢外觀都咁快有野睇wo~ 但係仲有年幾時間... 唔通.... 佢地預左Parachute Drop 開左阻唔到人影相~ 所以搞掂左出面先等冇咁bad show... 然後慢慢搞入面??

Adventurers Club... 連埋左Manor show building!!

對比返上個月la~~

睇片~

=============================================================

七月下半part~ 山谷呢邊... 主山已經上色~ 越來越多建築物外形~ 火藥庫上面ge 山都滿左鐵絲網~

今期重點係Mystic Manor 越來越高~

TSL 呢.... 其實TSL 主要可以睇ge 野都已經搞好晒~ 依家都係種下樹咁~ 黎緊我地重點可以放係其他兩個land~

Walt's Cafe 即將開業

五周年驚喜同變革又點止Entertainment 同擴建? 快將六歲ge 香港迪士尼樂園渡假區~ 繼上次報導Merchandise 大街擬似有新搞作後~ 如果你呢排入去到迪士尼樂園酒店... 去到大堂你會發現有D 野唔同左... 就係小巫師酒廊已經圍左板~ 呢間酒廊已經正式成為歷史~

行近d 仲會見到預告板~ 原來係轉做餐廳~ WA~ 華特餐廳?? 好想知道入面會係咩theme

原本小巫師酒廊個牌都已經拆左落黎.... 側門關上~

回味一下Sorcerer's Lounge 古舊情懷同高格調ge 佈置~ 起得呢個位都唔會Cheap 得去邊~ 對Disney 有信心~ 再加上仲要貫以Walt 呢個招牌~ 已經係一個保證! 我唔信會有人敢用Walt Disney 個名Hea 起~~ 期待呢~

旁邊Grand Salon 照常營業~ 大家仍然可以去High Tea 一下~

雖然咁多搞作但冇一個係大型~ 最緊要都係... 希望今年會公佈Down Town

香港迪士尼首條海上航線正式推出

原來隻中式船係呢隻....

=================================================

日前，攜程旅遊宣布正式推出「攜程號」遊船服務，開通香港迪士尼樂園航線，內地遊客可以體驗海路進出迪士尼的全新交通方式和玩法。

據悉，迪士尼遊船是首次開通的迪士尼樂園碼頭至尖沙咀公眾碼頭的海路交通方式，大型中式仿古遊覽船每週五、六來回運行，單程約50分鐘，成人票價30元，遊客不必再搶乘擁擠的地鐵、汽車，而且下船就到了迪士尼酒店。同時，沿途還可以欣賞維多利亞港精華部分和醉人海景。攜程旅遊與迪士尼樂園還聯合進行迪士尼專家領隊培訓計劃，每一位專家領隊都接受了專業培訓並獲得由迪士尼大學頒發的課程證書，為遊客提供各種服務。

================================================

咁講法係咪即係呢間國內旅行社獨家提供呢條由尖沙咀開往迪士尼ge 航線? 唔好理la~ 都算係為香港旅遊業立下一個新ge 里程碑~ 迪士尼碼頭一直都冇用過~ 依家終於有條航線~ 希望將來會有開放俾公眾ge 航線la~~

最特別係呢艘船係「大型中式仿古遊覽船」... 會唔會就係成日係維港見到果隻?? (亦都即係魔盜王反轉迪士尼media event Bill Bill 上果艘船~) 好似好細隻咁....

其實迪士尼碼頭真係好靚... 可惜一直冇船到令到迎樂路使用率都偏低~ 如果快d 起Down Town 就好la~

哨牙嘜抵達香港

哨牙嘜都黎左香港??? 仲係尖沙咀遊覽?? 好搞笑wo~~ 唔知今次係咪為左電影而設ge 影相位呢?? 如果佢可以入埋park 加入埋個show 就好la... (雖然加埋佢入show 都唔會好睇左....)

仲有ar~ 大家平時見到McQueen 都係castle 前面停低俾你影相~ 原來佢都試過停係Tomorrowland 入口ga wo~ 不過就唔係人人有機會可以影到呢個背景la~~ 呢個畫面係咪順眼協調得多呢~! 如果唔係Tomorrowland 冇大地方俾佢... 個show 移師入TL 做都唔錯ar~~

係呢... 套戲上左未....?

今日人人都是VIP

呢幾日全部人著眼點都係HKDL 八月加價.... 再加上今年年頭年票轉制加價~ 身邊有幾位網友都話呢兩個月舊證到期後就唔會續wo~ 其實HKDL 並唔習慣提早同大家預告之後有咩活動姐~ (咁多年... 我慣左la~~) 好la~~ 等B san 今日幫HKDL 賣賣廣告~ 講下黎緊有咩值得你續證~~~

首先之前已經講過黑色世界... 黑暗力量會進一步籠罩整個樂園~ 但宇宙唔知點解唔再深寒~ 就連森魔都離詭域而去~ 縱使Victoria 仍然留守鬼鎮大街~ 試問呢個規模點吸引一眾有膽色之士??

所以今年會有一鼓全新邪惡力量入侵~ 你以為就係之前講ge 無頭騎士?? 實質仲係一齣戲中戲~

HKDL 儲左一年彈藥再係上半年全力谷飛天巡遊~ 下半年重整旗鼓~ 為你帶黎繼大街酒店後另一極具故事性同高質素ge 體驗~ 將黑色世界推至另一個高峰~

無頭騎士駐守Adventureland~ 就係呢一點就估到故事會比DJ 集中好多~ 森林除左樹仲可以有D咩場景呢?? 估唔到佢地會咁叻用呢個故事去包裝!!!

MWW 被cut 後會唔會向Jack Skellington 開刀?? 雖然好多消息都指呢副老「骨頭」會被騎士獵走~ 但..... 奇妙ge 地方總會出現奇蹟ge~~ 係咪??

Halloween 只係頭炮~ 今年聖誕.... 冇左Let it Snow~ 但大街雪花依舊降下... 咦?? 點解會傳黎清脆聖誕音樂聲同歡樂笑聲?? 聖誕節又點會少得佢呢~?

傻ge 都會估到~ 今年聖誕重點.... 一定離不開「玩具」..... 就係幻想與探險之間.... 胡迪同一班朋友將會帶你進入一個全新ge 世界!!

2011下半年~ 香港迪士尼將會為你帶黎更多更多驚喜!!! 你又準備好迎接未呢?

大街也擴建??

原來偷偷進行新一輪工程ge 並唔只係OP... HKDL 都有份... 不過今次呢個項目相比起OP 就顯得比較微型... 屋宇署文件已經顯露左HKDL 計畫~

重點係Main Street... Retail Extension.... 同埋面積好細~ 上次Center Street Boutique 係將Crystal Arts 重新裝修~ 同樣Opera House 幾次轉展覽都冇郁到建築物結構~ 所以唔需要提交呢類文件~

基於美國小鎮大街現時已經排得好密~ 有shop ge 位置仲可以作伸延ge 地方唔係太多~ (仲要顧及幾個花車 / 緊急用出入口... 而最主要係extend 面積好小...)... 最後符合上面屋宇署文件條件ge 地點唔多.... 以下呢個係最有可能extend 做merchandise ge 位置~

Pin Trade 位? 就呢件事小弟訪問左幾位比較熟悉大街ge 人士~ 發現Pin Trade 呢個位不遠處ge 一個遊客睇唔到ge 地方有d 異樣~ 似乎有一d 野即將會發生~ 咁大家就要留意住事態發展la~~

真係估都估唔到大街咁密質質都仲可以有第二輪擴建~ (第一輪咪07年AA!) 如果大街有改動.. 咁HKDL 條大街咪同加州迪士尼條大街越來越唔相似?? 而Center Street 真係唔再需要分East 同West~ 只得返locker 果邊?

雖然係SHOP~ 但總好過起廁所la~~ 係咪??

咦?? 咁Pin Trading Fun Day................

香港迪士尼下月加價

正式公佈左... 但係加幅幾多... 都唔係呢個blog 會cover ge 事.. 因為小弟預期睇呢個blog ge 各位讀者們.... 應該都係偏向買Magic Access Year Pass.... (如果你係冇買pass... 我會建議你summer 後買la~~) 所以以下官網呢d 資料可以俾各位作為參考答下朋友咁~
http://park.hongkongdisneyland.com/hkdl/zh_HK/ticketsAndReservations/overview?name=2DayTicketPage
===========================================================
香港迪士尼樂園日內公布由八月一日起加價，據悉，迪士尼將首次引入「有加有減」調整機制，成人票加幅約一成四；但長者票或會減價；港人和旅行社更押後兩三個月加價。但業界擔心，遊客率先加價，會被投訴不公平對待。而海洋公園和迪士尼門票差價擴大，成人和小童票相差四成至一倍。
迪士尼和海洋公園兩個主題公園今年有新主題區開幕，消息指通脹壓力、員工薪酬上調、營運成本上漲等因素，香港迪士尼樂園最快今公布八月一日起加價，較海洋公園九月加價早一個月。
據了解，今次迪士尼加價，成人票將由三百五十元，加至不高於四百元，約為三百九十五至三百九十九元，加幅近一成四。小童票加幅亦相約，估計由二百五十元，加至約二百八十五元。消息指，迪士尼數月前已醞釀加價，並做足市場調查，發現遊客接受程度較高，但港人傾向不支持加價，故要推出優惠，平息公眾不滿。據悉，在加價同時，首次將某個票種減價，估計將現時一百七十元的長者門票減價，拉近與海洋公園長者免費入場差距。
雖然加價在八月一日起生效，迪士尼會向港人提供優惠，據悉，持香港永久居民身分證可延遲兩三個月加價，期間可以舊價購票入場，旅行社向迪士尼包銷的門票亦享同樣優惠。但業界代售門票只有四十五元回佣，不會因加價而獲兌分更多。但遊客在網上或門口購票，就一律八月起加價，未獲優待。迪士尼一直稱開幕五年來未有加價，不過，迪士尼在○九年就以劃一平日和假日票價為由，將平日票加至三百五十元，與假日票睇齊，變相加價。
對於兩個樂園先後加價，旅遊業議會主席胡兆英指，為免內地自由行及海外旅客到樂園門口才知道加價，感到「大細超」，樂園應盡早公布消息。更有業內人士指，大部分旅客都透過旅行社購票，門口買票的不多，「其實這些客估計不多於一成，迪士尼都要『執死雞』賺埋佢！」
胡兆英指，園方應講清楚，港人以舊價購票入場是否要出示身分證，否則遊客托港人親友購票，或光顧「黃牛黨」，入場發現要出示港人身分證，會引起爭執。
海洋公園已公布九月一日起加價，兩個樂園門票差價再擴大，迪士尼成人票較海洋公園貴四成，小童票更貴近一倍。胡兆英指，內地團必到海洋公園，迪士尼多為自費項目，若再加價，難免令旅客卻步。
====================================================
1. 其實都已經蘊釀左好耐~ 要加價都係遲早ge 事~ 所以... 大家見到我一直對於HKDL 加價都係支持~ 總不能收得入場費太低... 樣樣都係錢~ 更何況唔係就係擴建先有野玩ge... HKDL seasonal event 都揚威海外~ (但年年seasonal 都係一樣wo) 就係因為造價太高... 用得一年唔化算... 你睇下今年summer 所有野都係新... 但你係咪更掛住07年產物水花巡遊先??
2. park 加價最受影響都係本地人... 之前已經講過個人睇法... 外國人黎到香港... 絕對唔會因為你加左幾十蚊而改變計畫唔去... 正如東京迪士尼加左價... 咁你係咪去到門口都唔入迪士尼?? 旅客唔會因為你單一個景點黎旅遊~
3. 依家港元真係弱左好多... 亦吸引左好多大陸人自由行.. 因為佢地依家係香港買野就好似打左八折咁~ HKDL 加價.. 其實就係維持返之前個價姐~
4. 不過果個議員講得真係冇錯... 如何分別到香港人同旅客?? 香港人買飛但俾國內親戚入又點計?? 希望HKDL 真係事前已經諗清楚晒~ 免得又有人要企出黎負責la~
5. 香港乜都加.. 唯獨人工唔加~ 所以對迪士尼呢種非必要消閒活動加價都會有好大反應~ 優惠固然要多~ 不如再搞好d 活動打返響自己個名先la~~ Grizzly 開左之後應該可以延長開放時間la~~ 加個night parade 再出半日票la~~ 呢個世界冇貴唔貴之分... 只有值同唔值~ 你有本事ge 話都可以吸引到好多本地人買Magic Access~
都係果句... 加油la~!