踏入六月中, 為暑假做好準備, 今個星期大家入park 時可能會留意到入口個地圖架多左兩份外語Guidemap, 佢地係今年較早前新印製嘅泰文同印尼語地圖. 而過去幾個月或者大家都會發覺個park 入面比往年明顯多左東南亞遊客. (尤其係見到佢地三五成群拎住自拍棍影相, 其實個人覺得呢個情景都幾有趣).
話說為左配合樂園發展同迎戰明年底上海迪士尼開幕, 香港迪士尼喺較早前決定向南方開拓市場, 一方面係因為預計上海迪士尼開幕後因為多左個新景點, 會吸引到部分大陸旅客短期內嘅旅行目的地遷移, 而另一方面亦都因為香港迪士尼要每年穩步提昇入場人次, 單靠大陸旅客並唔足夠. 所以向東南亞市場入手.
不妨睇睇黎緊兩年HKDL 入場人數同旅客比例有冇改變.
