Sleeping Beauty Castle 明天重開

加州的Sleeping Beauty Castle 經過左幾個月時間重新裝修~ 終於決定係聽日重開~ 因為後日係Thanksgiving day~ 係一個美國人好重視ge 傳統節日~ 呢個節日有d 似我地農曆新年果餐飯咁~ 係呢一日無論你有幾忙都好都會抽出時間同屋企人過~ 今次揀呢個重要節日前開幕~ 可能想吸引一家大細入去~

官方發佈左十張相~ 可以睇睇入口個位~ 之前見到有圍板~ 依家已經拆晒等開~

同之前個版本一樣會講俾你知Sleeping Beauty 個故事~ 所以故事書係重要的一環~ 表達手法同泰山樹屋相若~ 不多介紹了~

加州 (同香港!!!) 座城堡好細~ 而且入面好多轉角位~ 開放睡公主城堡係完全顯現到幻想工程師鬼斧神工ge 功力~ 又要講一講當年的故事~ 話說1955 年加州迪士尼開幕果陣城堡只係一個空殼~ 入面二樓留空左諗唔到有咩用~ 但Walt Disney 覺得整個樂園唔應該留有任何空位~ 所以叫一班幻想工程師諗辦法將城堡內部變為一個attraction~! 用左兩年時間~ 1957 年城堡終於開放~

今次呢個版本回歸最初風格~ 用畫而放棄用figure~ 每次都驚嘆WDI 可以用視覺效果將細細地方變成一個好大ge 場景~ 就好似下面第一個場景咁~ 你望下條冇盡頭ge 走廊!!!!! 呢個場景係講國王為左阻止Maleficent 咀咒成真~ 下令將全國紡織機燒燬~

又係另一個好強的視覺效果~ 全國唯一一部紡織機一直被鎖住係閣樓~ 呢個鐵閘做到個效果~

好靚~~~ 可能唔係普通的畫~ 唔知識唔識得郁呢~

又上又落的~ 所以唔適合行動不便者~ 今次官方特別為呢班人士開多一間房播模擬片段俾佢地行一次城堡~~!

等片吧~~! 應該會更正~!! 期待香港開放城堡~ 但要改煙花先得~~

圖: Disney