香港迪士尼藍圖

又到五周年特輯了! 上次話過今次會講一下1999年至2005年期間曾經出現過ge idea~ 其實就係以下呢張後來曝光ge 藍圖~ 話雖係藍圖~ 但可能呢個係多年間眾多個方案之中ge 其中一個~~ (不同concept 配搭下可能有過百個plan~) 而除左主要講呢張藍圖外~ 下面仲會講少少其他plan~ 可能會好亂~ anyway~ 大家不妨睇睇同依家有乜分別~

由Tomorrowland 開始睇先~ 馳車係2006年先開幕~ 第一輪擴建設施~ 亦都可能算係後補設施~ 雖然1999年個官方新聞稿係有Autopia~ 但係可以見到上面張藍圖中馳車個位變成一個theater~~ 可能係Star Tour 都唔定~

又睇返上次post 過ge 一張Tomorrowland 原設圖~ 其實就真係比較classic 又或者話不合時宜ge 明日世界~ 記唔記得WDI 訪問中透露過依家HKDL Tland 搞成咁ge 原因? 係佢地見同東京一樣屬現代化城市ge 香港本身未來感已經好重~ 有鑑於tdl 個Tland 太過殘舊老土~ 為左唔想HKDL 步其後塵所以改Tland 為太空港口~ 亦因為香港天色長期灰暗而改用繽紛色彩~ (其實依家Tland 真係唔靚... 亦都搞得好亂....)

繼續掃過去... Space Mountain 上面果舊... 唔知乜黎~ 見唔到佢有路通去座建築物~ 可能唔關事~ 所以再掃... Storybook Theater 個位原本係It's a small world... 又睇睇呢張2001年尾WDI concept site plan~ 全部鐵路外ge 設施都cut 走晒~ 可能係budget 問題~ Storybook Theater 都未現身~ 可以估計... 故事劇場係後加落去ge 設施~

又碌返上去睇藍圖~ Stitch Encounter 隔Parade Route 另一邊原來都有座建築物~ 但個size 做唔到dark ride~ 可能呢個係小型劇場~ 甚至係故事劇場前身都唔定~ (亦都證明呢個位係足夠起多個attraction~)

Fantasyland concept sketch.. 做得好好ge 地方係畫家只著重畫轉轉三寶~ 因為每個fland 都必有的~ 唔駛煩透露到d乜俾你睇~ 又留意Fantasy Garden 個位原本係露天版茶杯~!

方便大家睇~ 係度post 多一次~ 幻想世界火車站後面... 就係Toon Town 了~ 即係呢張圖中IASW 同TT 之間個位~ 會係擴建Dark Ride 部分~

Toon Town 對面近Aland 果座建築物~ 個人認為係Haunted Mansion~ 因為1999年個plan 中HM 並唔屬於Pirate Coast 一部分~ 更唔好講話Mystic Point~

Adventureland 香港原concept~ 證據就係有樹屋的Aland 屬香港獨有!! 見到龍.. 中國商船同中式燈籠~ 好中式!! 除此之外呢張concept 中Aland 個佈局同依家幾乎一樣~

呢張中式船船頂有海盜旗.... 可能係PC 入口~

Aland 鐵路後面有兩座過山車~ 比較細座明顯係Raging Spirits~ 而近木筏果座就係Big Thunder Mountain~ (睇返原版Aland 第一張圖個背景... 有一座山.... 擬似BTM!! 藍圖中BTM 個位同角度都match!)

到最左下角塊地了~~ 呢個位係藍圖中仲未畫得好detail~ 而City Hall 牆上地圖中都有透露到Demon Jungle 個位原本係d 乜~ 就係Pirate Coast 了~ 但係如果藍圖中呢個位真係PC~ 咁呢個plan 中應該仲未有Haunted Mansion~ HM 係後期加入的~ (但呢個後期加入到最終都冇公佈過~ 因為太貴而改成Glacier Bay 再被劉太ban 左~ 多災多難的香港迪士尼.... 唉!!!)

都講左幾次PC 入面有乜lu~ 就係以電影版為骨幹的Pirates of the Caribbean.. 電影入面所有角色... 包括周潤發都會出現!

新版本有別於其他舊版... 海盜駁火場面將會有真火~

兼且POTC 同Splash Mountain 合併一齊玩~ 最尾一衝而下.... 另一個E-Ticket 就係海盜版Haunted Mansion~ 呢張藍圖顯示到冇HM ge PC 大小..... 竟然同依家Grizzly Gulch 邊界離奇地吻合!!! (GG 係咪已經一早起定條路通去新land?? 定係同巴斯入口隔離道門一樣用途??) 加上HM 已經公佈變成Mystic Point ... 到底我地仲有冇機會補起呢個冇HM ge PC 呢?? 希望上海唔好要左PC la~~~

PC 除左兩個E-Ticket 外... 仲有個Shooting Gallery~ 互動遊戲同海盜對戰~ 湖面夜晚仲會上演水上show~ 應該會係改版Fantasmic!

除左Pirate Coast 之外... 我覺得其他ride 都cut 得好~~ 睇下Toon Town 個角度咁樣放... 浪費晒d 位... BTM 又係~ Star Tour 個位上又唔夠位下又唔夠位~ 都係索性Cut 走晒佢~ 慢慢起仲好la~~~ Glacier Bay 唔起都冇所謂~ (但可能GB 同PC size exactly 一樣!) 還返PC 俾HKDL 就得~! 唔好拱手相讓左俾上海!!!!!

今次講到呢度~ 下次講乜好呢~? 嗯........................ 正野可以擺多幾日等多d 人睇到~~ 星期三先update~