Star Guest 活動2010 正式完結~ 但係好多人都仲未儲齊一套star card~ 小弟好慶幸認識到幾位網友玩齊晒所有MM 集齊一套卡~ 最重要係呢幾位網友係HKDL 一開幕已經支持到依家ge fans~ 佢地都好清楚Magical Moment 唔係用R~ 雖然佢地都會係適當ge 時間同地點&係某cm 前行黎行去引起注意~ 但係同R人最大分別係佢地就算得唔到呢個mm 都唔會有任何不滿ge 情緒~ 因為佢地知道mm 本身價值唔係張卡度~ 我為佢地儲齊一套而感到高興!!!!
今日小弟會略講呢d 卡ge 獲得方法~ 但係唔會detail 講時間同邊d cm 揀~ 因為例如cinderella 本身個mm 並唔係為star guest 而夾硬必出黎~ 我講ge 原因係唔希望HKDL 下年再用同一方法派star card~ 活動中後期已經有太多人知道~ (唔知佢地係由邊個渠道得知~ 有人話係網上有人講~~ 邊個網呢????) 我個人覺得個活動應該set d mm 有期限性~ 縮短mm 供應期~ 咁就可以確保到呢d mm 真係mm 俾一班真正珍惜ge人~
請HKDL為一班前線CM 著想~ 你要搞MM~ 搵班manager 黎做la~ 反正d 投訴R精一搵經理就實有mm 到手~ 萬試萬靈~ 直接推佢地出黎咪算~
Today my day will be filled with magic - 呢張拎頸繩就會有~ 唔多作介紹~ 屬於C級類別~ (C 級係最易得到ge 卡~ 入門篇~ 數量多又人人有份的級別~ 繼續講就會知道~ 級別係我自己分ge~ 唔係官方分~)
I opened the gates at Hong Kong Disneyland - 開閘MM就梗係係個閘出面~ 仲要係未入得場ge 時間~ 但到底係咪鬥早入就有呢? 聽講並唔一定係閘機前揀人~ 被揀中ge 人會首先入閘~ 之後mickey minnie 會出黎同佢地一齊開門~ 等mickey minnie 離開後閘門先正式開放~ 而被揀中者就會得到呢張卡~
Today the magic began with me! - 香港迪士尼樂園嚴格黎講有兩個開放時間~ 一個係開main street ge 時間~ 但係corner cafe 前面就會攔左繩~ 後面所有設施都要等多約半小時先開放~ 做就左呢個MM 誕生~ 開繩ge 時候四位公主會出黎同你剪彩~
I was the leader of today’s parade! - 呢個都唔駛多講la~ 又係平時已經有ge grand marshal~ 但多左張卡~ 成為R人虎視眈眈ge 目標~ 以上呢三張卡罕有度都屬於S級~ (S級別即係數量少同埋發生ge 機會都少~ parade 同開門每日只得一次~ 所以煙花都會係屬於S級~)
Star Security Check - 聽講呢個MM 原本計畫係security check 袋果陣攝張卡係你個袋度~ (咁冇帶袋俾佢check 點算??) 但係望實晒都好難攝到俾你~ 所以後期直接派俾早入場ge 人就算~ 罕有度屬B級~
Star Animator - 每日三場hidden 場次@動畫藝術教室~ 要係大街拎到邀請卡先可以入場ge mm~ 同平時ge 流程冇乜大分別~ 但係畫完之後會有disney characters 出現~ 分別試過mickey.. donald 同goofy 參與過呢個mm~ 出口派卡~ 屬於介乎B至C級ge 類別~ (因為入場就會得到~ 但邀請卡數量較少~)
I learned to draw the magic! - 冇character 出場ge 正常場次~ 畫完後畫師會隨機派發俾有頸繩ge 遊客~ 罕有度屬B級~
We wish you a star recovery! - 原本係想俾有傷有病ge guest 入去first aid 之後得到ge... 但後尾太多R人入去扮病扮痛~ 為免防礙工作同真正有需要ge 人得到合適治療... cm 後來以玩小遊戲送卡呢個方法應付~ 亦因為咁呢張卡稀有度由B級拉到落C級~
Star photographer. I captured the magic! - 由merchandise 派發一個一次性即棄相機~ 有今次star guest 宣傳圖ge 貼紙係上面~ 附有coupon 希望你會去曬相~ 但因為拎去曬相部機就爛~ 所以多數d 人都留為紀念~ 稀有度為B至C級~
I met Mickey at the train station today! - 呢張卡係火車重開後ge mm~ (記得star guest 開始ge 時候火車仲係維修中嗎??) 重開後aland 一段就因為擴建而停駛~ 火車單程去main street~ 每日下奏某一班由fantasyland 開出ge 火車會預留一卡俾黃帶人~ 一入閘就派呢張卡~ 而mickey 就會係main street 站等大家同佢影相~ 罕有度亦係C級~
今日仲想講多一樣野~ 就係.... 上次Beauty and the Beast 張卡~ 其實係同大家開ge 一個玩笑~ 冇呢張卡存在~ 係B生獨有的fans 手作仔~~!! 好多人都俾呢張卡呃到~! msn 小試幾位網友後~ 決定要放上黎~~
不過對比呢張卡同其他卡~ 一睇d 字就會發覺有唔同~ 所以上次果篇我冇放到薯蛋頭出黎俾你地比較~~ 哈哈哈!!! 奸吧??
----------------------
前晚講左幾張Main Street 發出ge star card~ 今日繼續講埋main street 其他MM~ 仲有講埋adventureland 入面ge MM~ 講出黎ge 原因係除左我唔想下年mm 重覆返今年果d 之外.... 亦都唔想見到今年派剩ge 卡下年繼續流出市面令到擁有者數目大增~ 咁今年辛辛苦苦個個星期入去ge 各位就唔抵la~
I was the star conductor of the Disneylandband - disneyland band 每日都會係main street 度出現~ 而係某幾個場次會有cm 揀人做指揮~ 被揀中者會手執一支星級指揮棒~ 當然你亂咁指隊band 都唔會亂la~ (我覺得如果真係控制到隊band 速度就真係magic 了~) 難易度屬於A級~
I toured Disneyland like a star! - 參加tour 會獲得同兩位disney characters 見面影相ge 機會~ 由於獲得方法簡單直接~ 就係俾錢... 但係唔係人人都願意花呢D 錢~ 所以難易度屬於B頭A尾
I was part of the High School Musical magic! - HSM 表演期間CM 會揀一位star guest 負責最尾按制飛彩帶.. 仲會係架車行緊ge 沿途舉牌HURRAY~ 後期太多R人出現但卡數目冇增加~ 難易度由S級升至SS級~
I launched the Magic! - 廣告有見到呢個MM 點玩la~ 啟動煙花~!! 呢個MM 令到park 入面煙花組CM 突然多人認識左~ 大家對呢位CM 都有個稱呼~ 稱之為「火佬」~ 原本呢個係終極MM~ 入手難度係SS級!! 因為大家都唔知道係由邊個揀~ 就連火佬都透露活動頭兩個月都冇人R過佢~
直至終極R王玩完周圍唱後... 大批AP 三五成群一齊禁制R卡~ (明明就得一個制!!!) 亦因為呢張卡之前冇人R而累積多左存貨滿足佢地~ 令呢張卡由SS級跌到落S級~ 臨尾兩個星期真係勁多人捕住火佬出黎~ 好彩你精佢都唔笨~ 每日改出現地點!!!
Very Important Princess - 身穿公主服ge 小女孩有機會獲得邀請卡係Kodak 前圍繩特別區內坐低欣賞parade~ 但原來唔係女仔獨有MM~ 聽講有男仔身穿王子服 (or 國王服) 都獲邀~ 數量比較多的MM~ 但由於都有身份限制~~ 所以難易度為B級~
I experienced a special star moment at Disneyland! - 經典C級卡!!! 樂園內隨處可見~ Tinkerbell 到後期被人嫌棄~~! 勁可憐~ 但對於非AP ge 普通遊客黎講呢款卡都係magical moment 黎~ 原意係想guest 多d 機會得到star card~ 但又要保持其他card ge 珍貴度~ 所以呢張卡其實係俾普通遊客的一個小禮物~
I met Terk in Adventureland - 到Adventureland 了~~! 同托托meet & greet 後得卡~ 有時要有邀請卡~ 但有時只要係掛住黃帶冇邀請卡都會俾~ 入門級C級類別~
I made a new friend in Adventureland! - 比托托較難得到ge 卡~ 同樣係meet & greet~ 但係呢個邀請卡發放地點比較奇怪~ 有機會見到Baloo 或Louie 或Rafiki~ C級卡
I survived a pirate attack - 張卡其實畫得唔似disney 風格.... Aland 長期都有pirates 係度行黎行去... 佢地正常係會揀人完成一連串ge 指令就會俾你~ 但係有好多人就直接問佢地有冇卡~ 多數佢地都會俾ge~ 雖然佢地基於輕便每次都唔會帶太多卡係身... 但係由於全日都出現又易話為~ 都係C級...
Star first mate of Jungle River Cruise! 就係JRC 揀人做副船長.... 呢個上年star guest 都有玩到~ 旅程中途會有好多任務俾你做~ 例如要叫「伏低呀!」咁.... 今年比上年更強.. 今年特登整左塊板係落船位~ 會砌你個名出黎~~ 呢張卡難度係A級~ 因為d 船有分到語言~ 都未必咁易俾你撞中~
Timon taught me Hakuna Matata – No Worries! - Lion King 當中兩場開show 前係等侯區.... cm 會派發邀請卡... 請你完show 後留一留步~ 同Timon 見面~ 之後就會得到呢張卡.... 難度屬於B至C級~
下次再繼續~
--------------------------------
到第三篇la~~ 呢篇全部都係講fantasyland ge MM~ fantasyland d 卡ge 種類都有好多~ 有C級亦都有SS級~ 而且attractions 同entertainment 都各自有份派卡~ 某幾個MM 更加成為R卡熱點~~ 依家同大家逐一介紹一下~
I sailed through Small World and met Pinocchio - 第一個梗係要講Pinocchio~ 呢個活動有好多characters 出黎~ aland 有幾位動物朋友la~~ 而IASW 呢邊都有wo~ 就係小木偶~ 每日有幾段時間 (其實已經係長駐~) 係小小世界落船區出埋轉閘位~ 小木偶會出黎同大家見面~~ 其實呢個位我覺得係應該要有角色出黎M&G~ 個位好寬敞但係經常空置~ 唔用有d 浪費~ 活動後期木偶爸爸都有出現過~ 排隊影相就有卡~ 所以係C級!
I heard a magical story at Disneyland today! - 呢個MM 又係易有~ 每逢行入商店總會有CM問你想唔想聽故仔~ 係Fantasy Garden 聽.... 因為一日有好多場... 卡ge 數量又多... 需時亦較長... 所以到後期都已經冇人聽... C級~
I look like a Disney Star! - 亦都係Merchandise 負責派發邀請卡~ 因為要有邀請卡先可以免費畫~ 同埋要有邀請卡先會俾張Star Card 你.... 活動岩岩開始時有對夫婦一星期連續幾日都拎邀請卡去畫~ 因而令到佢地聲名大噪~ 成功上位!! 之後呢張邀請卡亦因為呢對成名夫婦而變得難拎~ (關於呢對夫婦真係仲有好多事跡~ 陣間講~) 難易度為B級~
活動尾聲出現薯蛋頭版本~ 有人話根本冇派過~ 係CM 流出~ 有人證實左~ 真係CM流出~~ 唔理HKDL 會唔會有咩徹查行動~ 呢張從來都未有由CM俾guest~ 所以係SS級~
Star Juggler - 好易明ge MM... 就係雜耍師會邀請你出黎玩~ 之後就俾張卡你~ 難易度為B級~
Star Balloon Twister - 波波人派卡~ 方法同上~ 要撞ge 話真係好易撞到~ 兩張卡基本上差唔多~ 都係B級~
Star Celebrity Guest at The Golden Mickey’s Show - 小朋友先有得玩ge MM~ 係某場次ge Golden mickey 開場前會有d 被揀選ge 小朋友.. 著上由樂園提供ge costume 上到台前一字排開~ 同Very Important Princess 一樣本身張卡都較易拎~ 但係又係有年齡限制~ 所以都係B級~ 不過係B級頭~ 因為活動期間GM 維修左廿幾日~
Star Passenger - 火車有兩個站... 橫跨Main Street 同Fantasyland~ 兩邊各有一個MM~ main street 果張就比較易拎~ (之前講左la~) 呢邊就難拎d~ 因為係隨機派~ 同兩款數量不能相提並論~ 呢張係A級頭S級尾ge 卡~ 被揀選ge 乘客要做ge 野好簡單~ 就係宣佈出發!
I rode the Teacups with Alice! - 到呢兩張SS級~ 記唔記得我上面話有對因star guest 而成名ge 夫婦?? 又記唔記得投訴character 唔揀佢做MM 呢個經典中經典!?? 就係呢張卡同呢對夫婦~~! 想唔成名都幾難~! 話說對夫婦以為係先到先得... 但係Alice 出到黎揀左第二個玩茶杯... 咁佢地就話要投訴.... 其實件事唔係好嚴重~ 但係太可笑~ 所以成為左Disneyland 經典~ 成功登上皇位寶座!!! 亦都證明左Star Guest 引左好多以投訴換著數ge R人現身....
I rode the Carousel with a Princess! - 另一張SS級卡... 同平時個玩法一樣la... 又係好多R人圍捕ge MM~ 平時真係唔會見到咁多人想同cinderella 坐木馬... 呢期搞到佢勁受歡迎~
--------------------------------------
七月都過左差唔多一半... summer 亦都進入一半.... 仲未打返Star Cards 最後tomorrowland 同酒店ge 卡.... 真係好抱歉.... 呢次報導有少少延誤! 依家補返最後一篇俾大家~
Stitch’s Star Guest - 呢張就非常易拎~ 連唔係annual pass holder 都可以有好大機會得到~ 因為幸會史迪仔每日會有幾場特別版只招待受邀請ge star guests.... 三種語言都有~ 但係如果廣東話係上奏場... 下奏入到去都冇用la~ 難易度係C級~ 人人有份~~! 睇呢幾場特別版之前... 史迪仔會係等候區出現... 跑黎跑去.... 其實個特別場真係冇乜特別....
I escaped from Space Prison - 呢張都係睇幸會史迪仔派~ 但係一張只派一張... 因為要俾史迪仔選中左做逃犯先可以俾你~ 同正常場次史迪仔搵逃犯一樣la.... 難易度為SS級~
I received a Star Message from Outerspace - 呢張係Tomorrowland 度行黎行去就會見到有CM 拎住電話ga la.... 雖然係高科技ge 明日世界.... 但係好似CM 都係唔可以show 電話出黎~ 所以只要見到operation CM 拎電話... 唔緊要~ 衝埋去就有機會!! 個電話係好普通ge 型號~ (仲以為會有道具....) 內容.... 應該聽完都唔記得la... 有卡拎就冇錯~ 難易度係B~
Star Space Explorer of Orbitron - 好多人見到太空探險家呢個字... 就估呢張卡係Space mountain... (而好多人都相信咁多attraction 都有卡... space mountain 都應該有~ 就錯了!! 今次space mountain 冇卡派!! Tinker Bell 要唔要?) 可以睇到中英文ge 分別... 大家要睇埋英文la~~ 寫明Orbitron~ (即係太空飛碟!)
聽講原本個MM 都幾好玩~ 會搵人收返d 卡~ 但係會影響效率... 所以就企係下面搵hidden mickey... 好蠢的MM~~! 難易度... B
Star Driver of Autopia - 一睇就知係馳車~ 總之就係安全駕駛~ 唔好撞車就OK~ 但馳車本身係一個怨氣集中地... 呢度所有人都應該試過係馳車排隊俾人打尖~ 要整個遊戲完左先拎到張卡.... 我覺得呢個MM 好難做.... 難易度係A尾B頭~
Star Space Ranger of Buzz Lightyear Astro Blasters - 一睇就知係玩巴斯光年星際歷險~ 又一個隨機派發ge MM~ 但數量少得恐怖~ 你估唔到巴斯呢張卡會等同開閘剪綵咁難拎呢.... 有d 人玩幾十次都拎唔到~~ (因為冇準則!) S尾A頭卡~
I met Chef Pluto in Starliner Diner - 火箭餐廳廚房櫃台會定時見到pluto 拎住樽鹽出黎灑.... 但每次出現時間好短~ 除非你知道佢幾點出黎~ 否則可能你要等佢成日~~ B等卡~
Star Jammitor - 廣告其中一個版本有話你知點玩~ 就係鼓手邀請你一齊玩~ 有時同行朋友都會拎到~ 廣告有唔多講~ 難易度係A~
Dr Bunsen Honeydew’s Star Assistant - 火蜜瓜呢個.... 一定係SS!!!! 好多人都爭佢一張~ 就算有ge 都唔會有多一張同你交換~ 因為太難拎~~! 火蜜瓜好似會認得你地班人咁~ 邊個拎過邊個未拎過佢好清楚~ 就係做佢助手la~ 件袍雖然好細件~ 但唔一定係小朋友先有得做助手~ 落雨會失望而回的一個MM~
I experienced a Special Star Moment today - 入酒店就有機會~ 有人話要住酒店先有~ 但每個CM 做法都唔同~ 有d 真係會R到~ 數量勁多~ C級卡~
Star Celebration - 就係酒店大堂聽人彈琴之後會俾呢張卡你~ 但仲有一個地方都可以拎... 就係小鎮大街Town Square... 琴師都有機會派俾你~ 難易度係B~
完成了!! 希望下年唔好再見到同一批MM 出現~ 再諗過一批新la~~~~ 同埋... 希望到時個重點會係慶祝緊五周年一連串活動~~ 好過得呢個star guest....
