Pirate Coast 的故事

尋日上海迪士尼公佈左最update 張concept art 之後因為見唔到有大座山~ 令到大家都好開心... 開心大家最期待... 原本屬於HKDL ge Pirate Coast 冇俾左上海~ 有網友唔知道Pirate Coast 呢個故事~ 又等我再整合一次資料講俾大家知~ (其實小弟字都懶得再打... 全部都係copy~ 哈哈! 不過為左廣大讀者唔駛周圍搵~ copy 就copy la~)

呢個原本係香港迪士尼第三階段擴建設施.... 係小小世界開幕後公佈~ 但係2008年小小世界開幕之後.... 一直都因為注資問題而同政府傾唔掂數.... Pirate Coast 造價太高~ 所以到最後公佈新主題區.... Pirate Coast 被ban... 改以依家三個細區代替....
以下呢張係Pirates of the Caribbean ride~ 根據過往流出ge 資料.... 呢個版本同其他樂園ge 版本會完全唔同~ 因為我地呢個版本會以電影為題材~ 入面會有好多電影角色出場~ 包括周潤發!!! 入面海盜打鬥場面仲會有真火~ 相比起其他版本會刺激好多~ 最後Pirate Coast 版本仲會同Splash Mountain 合併~ 就係以下呢張圖個畫面.....

可以見到骷髏頭個口有架船衝落黎~ 右邊又有多一架船~~ 毫無疑問呢張圖係香港Pirate Coast 版本Pirates of the Caribbean~!
呢個版本入面唔只會有真火模擬海盜激戰場面... 而且入面全部場景都會係獨有... 因為每一個scene 都會重現返電影情節... crossover Splash Mountain (即係港人較熟悉的... 滑浪飛船) 唔覺唔覺載到你上最高一沖到底~!
以下呢張草稿圖係Pirate Village.... 可以點擊放大~!! 見唔見到圖ge 左方有架火車經過?? 入口係火車橋下面.... 再睇埋通道個設計甚至火車行駛ge 方向.... 都完全match 晒依家Demon Jungle 個位... 即係呢幅畫ge 「鏡頭」背後就係Grizzly Gulch 入口....

海盜區就梗係會有海盜船~ (唔係海洋公園果隻!!) 有船就梗係有碼頭~ 整個區域以海盜碼頭小鎮為藍本... 點解我地話呢個區域勁慳位又正呢?? 因為個湖絕對唔只係一個湖.... 會上演類似Fantasmic! ge 夜間水上大型表演~ 冇浪費到位ga!! 聽講唔會真係照搬fantasmic 個show... 而係又會改版~

呢張圖見到吊橋... 命名為Shipwreck cove... 電影中係九大海盜聚首開會ge 場地.... 但唔知呢度會有d 乜....

呢個區域仲有另一個E-Ticket... 就係Haunted Mansion
Haunted Mansion?? 呢個係Mystic Manor 前身plan~ 係海盜區被ban 後先分拆出黎~ 原本海盜區入面Haunted Mansion 都會係一個全新故事~ 以海盜為主題... 又係用電影為故事背景~ 不過唔同PotC ... HM 當然可以集中講冤魂巫術~ 兩個E-Ticket 會互相呼應.... 合力講出完整故事~ 但係呢個區域被政府ban 左.. 所以HM ge 消息就冇再傳~ 而由於HM 原定比PotC 遲兩年開放~ 入面detail 位ge 描述都唔及PotC 咁多~
PC 除左兩個E-Ticket 外... 仲有個Shooting Gallery~ 互動遊戲同海盜對戰~

而根據最初HKDL 原定藍圖可以得知Pirate Coast 個位置~ 就係依家Demon Jungle 個位~ 

而係City Hall 牆上面果幅地圖.. 我地可以見到依家通向DJ 個位係地圖上會有一個海盜標記~ (大家可以入去City Hall 睇睇~) 足以證明WDI 曾經畫左呢度作為將來PC 之用~
由於上面張最初版藍圖個PC 係冇HM~ (HM plan 左係依家TSL 個位~) 其實個size 恰巧適合依家GG 下面尚未發展ge 空地~ 因為HM 已變成MP 無需再起多間鬼屋~!
只要我地將藍圖上PC 個位割出黎同最update 張map 做合併~ 會發現Grizzly Gulch 邊界同Pirate Coast 完全吻合~

其實呢一點又唔可以證明d 咩~ 因為呢個位唔用黎起PC 都可以起其他land~ WDI 幻想力無限就算有咩plan 都砌得到落去~
小弟講多一次呢個故事ge 原因... 係上海今次公佈內容冇搶走PC... 而HKDL 又話今年會再同政府傾下輪擴建................. 由於前年公佈計畫時大家被垃圾Toy Story Land 矇住雙眼而發火所以向傳媒議員講出故事背後原來TSL 係Glacier Bay 代替品~ 令到外間只知GB 而冇乜人知PC~ 亦誤以為我地好想要GB.....
其實PC 先係對HKDL 最有利ge 區域~ 想睇下有冇辦法將呢個故事最初版傳達出去~ 就係咁樣~ HKDL 塊地可以用ge 地方越來越少... 我地唔可以再浪費土地起多一個Toy Story Land.....
既然已有一個咁完美ge 現成plan~ 而今後HKDL 都已經發展到一定規模~ 唔需要再以有限資金但湊數諗三個Land 出黎提交俾政府~ 不如考慮下重新重視質素~