今日人人都是VIP

其實呢一篇都唔算係太VIP~ 不過就當係一個preview 俾大家有定心理準備HKDL 黎緊幾年會有咩事會發生~

2012年都差唔多完~ 基本上每年大作都係黑色世界~ 但係同幾年前相比近兩年氣氛明顯地係轉左~ 由黑色世界第一年小弟都已經估過~ 當是次擴建完成後HKDL 已經有足夠Attraction / show 可以玩足一日~ 所以可以慢慢抽離返黑色世界~

由黑巫婆開始HKDL 就刻意將Halloween 作多元化發展... Tomorrowland 被塑造成一個同Halloween 驚嚇完全無關ge dance party pool~ (帶唔帶動得起氣氛就另一回事~) 尤其今年如果玩Tron 係成功ge 話.. TL 就會更肯定會喺Halloween 走Party 路線~

Tomorrowland 玩同萬聖節無太大關係ge 活動~ Fantasyland 近幾年亦都大搞傳統Halloween 活動~ 有鑑於海洋公園太側重於驚嚇~ 似乎迪士尼係想發展出另一個方向~ 每個land 都有其他land 不能取代ge 獨立活動~ Main Street 今年個狼人vs彊屍造型都較麥皮鬼減弱左恐怖~ 而黑色馬戲班同埋今年詭墳學院都係走極華麗detail 路線~ 再加上仲未加入改裝ge TGM (Toy Story Land / Grizzly Gulch / Mystic Point) 發展潛力無限~

可以預計將來迪士尼Halloween... 玩驚嚇已經唔再係唯一出路~ HKDL 能夠領導到亞洲市場重回Halloween 最根本最classic 玩法~ 大家可以拭目以待之後幾年迪士尼Halloween 會如何發展~ 甚至有可能唔需要再以黑色世界黎作主題~

而喺可見將來... 園方似乎有計畫比黑色世界最大icon - 夜光鬼魅巡遊退休~ 但至於之後會有咩去填補呢個幫HKDL 出過風頭ge Parade 空缺呢? 暫時仍然係未知之數~

其他有關下輪擴建同黎緊幾年ge Entertainment 消息~ 就等時機成熟先會滲d 滲d 喺不同篇章度講下~ 有可能係完全唔關事ge 電影.. 又或者講緊巴黎迪士尼ge 時候突然略提一下~ 呢個係小弟一貫做法~ 目的都係唔想大家錯過任何一篇文章~