漫遊大街商店

12/01/2013

還記得2,000,000 Hits Special 嗎?? 小blog 有透露過香港迪士尼樂園渡假區商品部喺2013年會有d 變化~  但其實變革前期暗湧早已經開始出現~

大家近半年入park 時如果有留意到新商品系列~ 可能會發現有好多係以前HKDLR 入面冇ge 種類都開始加入~ 例如由Victorian Collections 開幕時出現ge 書籍到現時一整個貨架都係Activity Books... 由以前廚具到依家一系列餐具~ 亦由一兩款iPhone case 到依家有smartphone accessories 專屬貨架~

香港迪士尼商品種類開始趨向多元化~ 而講左好多年ge 毛公仔系列... 近半年黎都慢慢開始引入更多角色~ 例如Blanket Babies 系列到出現白兔先生~

連Disney Channel 同手機遊戲角色都能夠喺商店見到~

新戲角色當然唔少得~

以上呢個變動並唔係突然開始~ 而係唔覺唔覺慢慢滲入~

過去俾我地呢班fans 不斷埋怨全無design 可言ge T-shirt 亦都越來越見到花過心思設計~ 唔再只係一圖多用~



其實呢個就係之前所提及到商品全新方向~ 聽聞呢個情況會繼續維持落去~ 甚至有機會更推進到另一個層次~ 雖然... 以現時情況睇有一大部分商品都唔係HKDL 自家創作~

個人認為全球一體化之下... 喺香港迪士尼見到其他Disney Parks 出ge 商品系列係無可厚非之事~ 我亦相信HKDL 引入得該系列都理應會對佢有寄望同信心~ 受歡迎即係代表HKDL 有慧眼~ 賺到錢作擴建受益都係我地! 例如Sulley 一開始都僅僅係一個毛公仔~ 依家帶埋Boo 上架~ 甚至變成pin 架經常出現角色~ 地位越來越高!

講開pin.... 近期都出左一set 新Puppet Series 罐頭pin~ 幾靚亦幾特別~ 有興趣可上Pin Pics睇睇 (Link)

仲有另一套罐頭pin~ Magical Park~ Disney Characters 暢遊樂園~ 不過Pin Pics 未見到有資料~



2013年第一個星期就出兩套擺明引fans 入局ge 新罐頭pin~ 今年不妨繼續留意一下 ~ 說不定呢個會係商品部另一個發展大方向.....

----------------------------

又有兩套新pin 將會推出... 臨近新年出中式主題pin 就唔係d 咩奇怪之事... 但2013年頭兩星期內突然有咁多套新pin 推出就有d 可疑~

沉寂兩年~ 我有八成把握話俾大家知~ 2013年HKDL 會再次炒返起Pin Trading 熱潮~ 個人覺得係好事! 曾經都係一個Pin Trader~ 不過因為花費太多所以已金盆洗手~ pin 其實確實可以為HKDL 帶黎好可觀ge 收入~ 你睇睇Pin Trading Fun Day 冇左大街個位都要照搞就知~ 如果唔受歡迎ge 話就會好似Countdown Event 咁一早冇左la~~

各位fans 們... 預備2013年入park 瘋狂購物吧~!!!

-----------------------------

好苦惱... 小blog 已經有好幾年冇講過香港迪士尼商品~ 但係今年年頭呢一篇不斷update~ 係咪證明我已經重新接受HKDL 新商品系列?? 大鑊... (我唔係太理原產地係其他Disney Parks 定係HKDL 自家創作... 起碼我唔駛飛去其他park 買! 同埋好過我入HKDLR 對住貨架嘆息~)

上次介紹果set 新pin 已經出左部分~ (未出晒..) 但係見到實物... 有好精緻ge detail 位~ 唔放大都睇唔到原來係一套好值得入手ge 系列~ 留意考古花樽有Mickey 同Donald....



地球儀都有Mickey...



今個月出ge Pin 實在太吸引同高質素~ HKDL 商品部突然一改頹勢~ 似乎2013年商店會有更多吸引到我地ge 新商品~ 大家不妨繼續留意!!