上海迪士尼樂園二○一五年下半年開幕，成為中國第二個樂園，上海要與香港迪士尼不同，變成一個富中國特色嘅迪士尼，先至有賣點，所以聽聞上海引入香港園區沒有嘅卡通人物，包括內地大受歡迎嘅喜羊羊，Kelly都覺得幾有心思。
迪士尼公司總裁伊格爾（Robert Iger）接受《德國之聲中文網》訪問時話，上海迪士尼絕唔會成為其他迪士尼樂園嘅複製品。有見及此，樂園諗咗一個方法，令佢變成一個富中國特色嘅迪士尼，就係將國產喜羊羊crossover米奇老鼠！
香港迪士尼𠵱家已有喜羊羊同灰太狼嘅紀念品賣，不過坊間對此舉有唔同睇法。早前畀記者影到一家大細到香港迪士尼樂園玩嘅森美就同Kelly講，佢比較關心喜羊羊同灰太狼嘅粉絲，對呢兩個角色加入迪士尼有咩睇法。森美舉例，迪士尼早前收購咗《星球大戰》，所以《星戰》迷喺迪士尼會見到「黑武士」參加巡遊，大跳MJ舞同《江南Style》，唔知一班《星戰》迷會點諗。
森美又話，迪士尼係一個製造夢幻嘅地方，他日喜羊羊同灰太狼，能夠以夢幻姿態出現喺迪士尼，對佢來講就無問題！不過，森美話，佢比較鍾意傳統嘅上海，所以去迪士尼玩，仍首選香港喎。
後面兩段唔重要... 前面個焦點先重要! 但唔代表上海迪士尼開幕前香港迪士尼係安全免受羊群侵襲, 大家要多加注意
沒有留言:
發佈留言