Legoland Malaysia 位於新山, 但因為呢個區域都幾遠離市區.. 所以如果要去嘅話, 最易入手嘅就係由新加坡出發. 冇錯. 新加坡同馬來西亞其實係兩個好近嘅相鄰國家, 喺新加坡都可以收聽到馬來西亞電台節目.
而最簡單同常見前往Legoland Malaysia 方法, 就係喺Singapore Flyer 參加Tour 搭shuttle, 唔駛一個鐘就可以到達.
今次因工事到新加坡, 意外地獲得一日假期, 所以就把握呢個機會暢遊呢個新樂園.
呢個樂園有幾大? 官方數字係 31 公頃, 但感覺係未擴建前嘅香港迪士尼四分三左右大...
去得玩就當然要先做做功課, 假設你唔係工幹又或者突然多左一日喺鄰近地方唔知去邊的話, 其實呢一類型亞洲Theme Park 都有一個共通點, 就係Weekday 同Weekend 人流相距好大. 非暑假或公眾假期嘅淡季, 其實星期二至四係最少人最舒服.
全個樂園分左六個區域: Lego city, Land of adventure, Imagination, Lego Kingdoms, Lego Technic & Miniland. 熟悉Lego 嘅朋友都知道佢地呢個分類方法其實某程度上係依照佢地品牌嘅product line 而命名
依家興建緊一間Lego酒店同埋一個Water Park. 酒店會喺2014年開幕.
反而令人幾期待嘅水上樂園預計今年年尾會開幕！有類似以前海洋公園嘅五彩天梯, 巨型滑梯, 開心河等等. 當然換上Lego decoration 啦.
園區地圖已顯示左一半呢個Water Park
興建中....
Lego City 係一個非常適合小朋友玩嘅地方, 船仔車仔轉轉轉等等. 而成年人都可以睇下Decoration嘅...
雖然話係小朋友玩意, 但呢個飛機轉實在勾起好多回憶, 好吸引呀! 冇可能唔玩.
隔離有間消防局, 係一個親子遊戲. 可以一家大細一齊玩.
首先一家人要揸架消防車, 跟住去到火場射水救火, 再揸返架車返轉頭, 小朋友好好玩, 大人就.... 辛苦D.
仲有火車圍繞City行走一圈, 可惜當日冇開, 但出面個火車站噴水池都做得好靚.
Land of Adventure
再繼續行就會去到Land of Adventure, 呢個land主要係兩個大Ride, 其實就係Universal Studios 入面兩個受歡迎設施: Mummy 同Jurassic Park 嘅Lego版本
Mummy外觀同環球片場版本都幾似, 但入面個Ride 嘅形式就似巴斯光年, 坐喺架車玩射擊遊戲, 旁邊仲有個類似冒險樂園式嘅小型跳樓機
Jurassic Park 係我其中一個比較期待嘅Ride, 佢個形式同Universal Studios 係一模一樣!
坐上小船, 沿途有Lego 恐龍睇, Detail 作品, 絕不欺場
玩得呢個Ride.. 就預左要上搭頂...
上到去, 同Universal 版本一樣有隻暴龍嚇下你, 相機要收埋啦, 濕身Ride 黎ga~
由Land of Adventure 再行過去, 就會到達另一個園區 - Imagination, 呢邊有一間4D影院同埋360 度高空觀光塔
園區入口有個音樂噴泉
園區內有D用LEGO 砌成嘅動物.. 喺呢度又用多一個Product line, 就係適合1-2歲幼兒玩嘅Duplo系列
講到呢度, 就會知道呢個園區會有一part 係用到Duplo 嘅幼兒區域啦
跟住就係呢個區域嘅重要設施: 4D影院劇場, 今期只播4D Adventure. 根據之前為大家介紹過X-D 計法, 呢個劇院同PhilharMagic 一樣都係有風有水噴出黎, 效果都唔錯, 而呢度亦都係全個樂園冷氣最充足嘅地方. 順便一提, 新加坡同馬來西亞都非常貫徹冷氣保持25.5度. 所以就算你入到冷氣地方都唔會覺得溫差好大. 亦可以想像點解遊客普遍會覺得香港商場同交通工具過凍.
擬似有幾齣戲, 但當日係播4D Adventure.
呢個園區仲有全個Lego Land 最高建築物, 亦都係地標黎, 海洋公園都有嘅360度旋轉高空觀景塔
喺高溫下坐呢座塔.... 絕對唔係享受, 非常之熱....
不過視覺上都有一番享受
黎到第4站Lego kingdom. 呢度以一座城堡同兩座大小過山車湊合而成, 但好可惜係到訪當日其中一座小型過山車冇開到, (呢個Park 開左冇幾耐... 但係都幾多野係唔開.. 唔知係weekday 唔太多人定係點...) 好彩只係小型嗰個, 類似以前荔園嗰個咁, 所以問題不大, 但呢度係Legoland, Target 對象係家庭客同埋7歲以下嘅小朋友, 所以就算係座大型過山車都唔會太刺激, 預期之內啦, 黎得玩都唔係為左要刺激.
行入去玩嘅中途, 會有好多用Lego砌成嘅裝飾, 黎Legoland 玩, 裝飾係緊要過設施.
Lego 蝴蝶, 如果佢連花同葉都係用Lego砌成就正!
有個Dark Ride 喺座城堡入面.
喺個咁有童話feel 嘅建築物入面, 呢個Dark ride 內容當然都會好童話, 巫師拯救王國. 完.
順便出去玩埋座大型過山車.
呀.... 仲有個好易被遺忘嘅ride. 其實我都經常唔記得左彈弓狗...
第5站 - Lego Technic. 亦都係Lego 其中一個系列, 而呢個系列比轉適合中童 / 大細路, 因為會包括駁電, 駁摩打, 著燈同簡單機器工程. 加上砌出成品像真度高, 所以好多成年人都最愛買呢個系列嘅產品
喺呢個愛因斯坦像後面, 就有一間專門教人砌Technic 同介紹呢個系列嘅教室, 但好可惜有年齡限制, 要小朋友先入得.
又一個到訪當日冇開到嘅設施, 去之前需要查一查到底有咩係冇開, 真係會唔盡興.
又一座小型過山車, 不過見到條軌180度U Turn 就知道, 係一個chok到腰痛同暈嘅過山車.
第6站 - Miniland. 呢度係Legoland 王牌同最廣為人知嘅園區, 以Lego 砌出多個名勝景點. 不過黎到亞洲, 今次微型小世界都以東南亞景點為主. 想睇其他國家, 就要去其他Legoland 了.
最後一站, 其實即係第一站 - The Beginning. 因為太心急去玩, 所以朝早略過呢度, 最尾Shopping 是常識吧?
每個樂園都會有的 - Character
Legoland Malaysia 之旅完結. 不過因為呢個樂園只係剛剛起步, 而佢個地理位置其實亦都可以順便玩埋Universal Studios Singapore. 所以要再次去玩, 並唔係想像中咁遙遠嘅事.
敬請期待Orlando
實用資訊:
交通接駁服務
馬來西亞樂高樂園提供遊客接駁巴士的服務。
1. 每日由JB Sentral, Larkin, Gelang Patah 以及Johor Premium Outlet 出發，平均每30分鐘一班，單程售票為12元馬幣。
2. 由新加坡摩天觀景輪(Singapore Flyer) 出發直達穿梭巴士，平均約每30分鐘一班車，車程約1小時內，單程票價為20元新幣。
入場費用資訊
遊客可選擇一日票或全年通行證；一日票僅限單日單次進出；全年通行證可於12個月開園時間無限次進出。
票種：全年通行證
|
票價(馬幣)
|
成人票
|
325
|
幼童票(3-11歲)
|
255
|
博愛票(60歲以上)
|
255
|
票種：一日票
|
票價(馬幣)
|
成人票
|
140
|
幼童票(3-11歲)
|
110
|
博愛票(60歲以上)
|
110
|
7 則留言:
恭賀新居入伙,開張大吉,堅料不斷,奇妙無窮
我冇料的
終於有得睇啦……
新Blog新一篇，恭喜恭喜
Lego Land我都有興趣，但有朋友去完報料，天氣實在太太太熱啦，係東南亞唯一問題
都係~ 東南亞實在太熱
不過佢地保養做得麻麻地
發佈留言