海洋公園 哈囉喂2014

過往幾年海洋公園嘅Halloween 活動﹐ 雖然都有吸引之處﹐ 但我最終入場嘅次數唔係太多, 但係今年較早前就收到消息話會有Doraemon, 單係呢個主題已經足夠我期待了. 仲有以殭屍為主題嘅鬼屋同埋一間會玩蟲嘅鬼屋.... 下? 玩咁大?






終於都等到傳媒發佈會. 第一個感覺係, 今年班鬼嘅化妝進步左好多 就算企到好近睇埋去都感覺到幾真實. 今年要俾個叻海洋公園, 有個造型係遠睇以為佢手臂係化妝﹐ 但近睇先知係costume,  但塊面嘅妝又match 隻色.  唔知係咪因為傳媒Event 所以搞得認真d, 希望唔係啦.

殭屍LIVE. 呢個係我好期待嘅鬼屋, 因為個人覺得呢齣電影入面嘅場景同CG 做得好靚, 而今次呢間鬼屋係購下版權後嘅作品, 唔知電影嘅制作隊伍有冇參與過監工過程. 就現場所見殭屍嘅造型其實都做得好似電影原版.




仲有孖女. 唔講或者大家都未必知道. 有傳電影入面飾演孖女嘅演員, 本身都係海洋公園哈囉喂嘅Cast. 唔怪得D 動作咁pro~




之後就到一間名為H14 嘅鬼屋, 本身呢間鬼屋個Concept 係現今好流行嘅逃出遊戲, 但係今次話會好驚嚇咁話, 首先進入鬼屋會有年齡限制, 16歲以下謝絕內進 (但最離奇嘅事係... 呢間鬼屋係由一間教育中心做sponsor...) 而且因為係解謎逃出game, 所以需要一定嘅時間, 人流唔似得其他鬼屋咁可以去得咁快, 有人數限制. 而且係接受預先申請.




呢間鬼屋.... 根據公佈嘅內容... 係有蟲! 估唔到海洋公園諗鬼屋諗到頭都大埋嘅時候... 最終今年係玩蟲! 而解謎嘅途中可能需要伸手去接觸呢D 蟲....

Doraemon 會進駐威威天地. 園區會進行大變身. 亦會出現一間法寶屋. 個人對呢個主題好期待. 到時會有Halloween 服飾嘅Doraemon 出現. 全球首次呀! 我暫時只係幻想到加件披風嘅樣 (聽講會有Halloween 版Doraemon 主題商品, 唔知值唔值得買呢?)





傳媒event 嘅鬼怪扮相.








其他鬼屋, 睇官網介紹吧
http://halloween.oceanpark.com.hk/tc/

今年山頂FRIGHT DOME 同海洋公園哈囉喂都好吸引. 點算呢?