上海迪士尼獅子王將進行演員招募

喺Disney 全球Audition 官方網站見到上海迪士尼嘅schedule. 見到佢地將會為其Downtown Theater 長駐表演 - The Lion King Musical 進行演員招募. 

話說較早前上海迪士尼公佈其Downtown 內將會有一個長駐表演, 引入The Lion King 呢個迪士尼極受歡迎嘅Musical . 而最特別嘅地方係呢個表演將會以全普通話演繹. 

個人覺得The Lion King 係幾好睇, 但係唔確定當將所有歌詞變成另一種語言之後會唔會好奇怪.... 再加上原唱嘅班底係非洲人.... 而我地認知嘅中國大陸唱腔唔知會唔會出現喺呢個Musical 內呢.....?

依家上海迪士尼開幕個規模似乎會同香港迪士尼差唔多. 仲要多我地一個Downtown Disney. 但係有Paint the Night Parade 之後我又唔係太擔心香港迪士尼嘅發展, 個人認為由今個財政年度開始HKDL 應該會更穩定. 

其實Paint the Night Parade 嘅加入理應可以將賓客逗留喺樂園嘅時間延長, 雖然開放時間只係比往時多半小時至一小時不等. 但係由於夜晚有兩個表演 (巡遊 + 煙花), 會多咗一班人願意留守到夜晚﹐ 而呢班留低等睇show 嘅賓客就有機會喺樂園食晚飯同購物. 冇Downtown 反而係好事, 因為能夠使賓客集中喺樂園內消費. 

2017 年第三間酒店 - Disney Explorers' Lodge 開幕. 渡假區又會增加一個好重要嘅收入來源. 

總括而言, 我地有更多野玩 / 睇嘅同時, 樂園嘅收益都有機會能夠穩步上揚. 呢個就係講左好多年嘅雪球理論, 開始睇到個雪球要滾大了. 反觀其實我地仲未睇到上海迪士尼個狀況, 總之HKDL 就要加油啦!! 

Paint the Night Parade 與哈囉喂2014

今日香港迪士尼處處通網站突然宣佈加開今個月25 同26 兩日俾白金同金咭會員優先睇全新Paint the Night Parade, 16號公佈25號加場, 咁遲先公佈部分會員可能已經有節目而未能抽空參與. 而更特別嘅係呢幾日有幾位朋友相繼話佢地去香港迪士尼樂園同海洋公園嘅試玩日子撞期. 如果兩者只能揀一個嘅話, 應該點揀好. 

Toy Story Land - Halloween 2014

我真係覺得自從Mystic Manor / Mystic Point 開左之後... 個park 真係冇乜野值得開一篇blog 講... 雖然園內係有小更新.. 但係都係放一兩張相就可以完全了解晒嘅事... 所以有個facebook page (又或者instagram 吧. 不過小弟冇) 都幾好嘅...

過去一年嘅seasonal event 真係可以用個悶字黎形容... 回想一下由上年Halloween 開始嘅活動... 真係諗唔起有咩係特別... Glow in the Park Halloween Parade 完結可能已經係最轟動嘅事... 之後聖誕, 農曆新年 (係咪仲有呢個活動?), Star Guest 到玩呢D... 可能係因為樂園用緊上年嘅Seasonal Event 活動資金去建造Paint the Night Parade. 呢個parade 好唔好睇, 今個星期大家就會知道. 我今日呢篇想講嘅係Toy Story.

上年Halloween 黑色力量入侵左安仔後花園. 其實就係Sid 嘅恐怖玩具加入園區同大家見面. Babyhead 已經同大家見過面. 今年再多兩件玩具到達. 佢地分別係Ducky 同Legs.