今年一月尾開業, 至今只係營運左九個月嘅橫琴長隆海洋王國, 喺九月尾嘅時候宣佈迎接第500萬個入場旅客.
首年有咁嘅成績真係唔錯, 仲有三個月嘅時間, 似乎要爆香港迪士尼首年入場人次紀錄並唔係一件異想天開嘅事.
呢個新主題公園喺珠海橫琴島上, 以海洋為主題, 擁有一個Park, 一個夜間馬戲團表演, 同一間1800 間房嘅酒店. 而依家佢地正興建緊另外兩間酒店同埋全新遊樂設施. 喺主題上橫琴長隆同香港海洋公園撞到應一應. 但係呢個Park 嘅detail 程度同管理模式都好想走迪士尼呢種世界級theme park 嘅路線.
喺今年春天小弟都到訪過呢個Park, 俾我感覺的確唔似一個大陸嘅遊樂場. 有興趣可以睇返之前嘅trip report.
如果你係有睇過trip report 的話, 應該會發現現時橫琴長隆嘅交通接駁運輸非常唔方便, 但竟然能夠錄得咁高嘅入場人次, 其實最主要原因都係因為呢個Park 主力sell 大陸旅行團. 但係珠海橫琴呢個新發展嘅島嶼上面乜都冇, 旅行團仲可以去邊度玩呢? 短線嘅話就珠海浸下溫泉同去澳門. 而來自北方嘅長線團就有可能港珠澳為一整個package. 理應冇乜團會連去幾個park.... 所以對香港兩個theme park 應該會有影響.
但至於影響有幾大, 就真係要睇睇未來香港兩個park 嘅入場人數公佈. 可幸嘅係或者香港迪士尼早已意識到珠海橫琴地理上威脅, 同埋明年開幕嘅上海迪士尼都會令到部分大陸旅客對香港迪士尼興趣減弱. (因為喺佢地眼中迪士尼只不過係一個簽到嘅地方, 黎香港shopping 先係重點, 所以SHDL同HKDL係冇分別) 所以過去兩年積極拓展東南亞市場. 喺海外增設銷售網.
希望透過官方公佈入場人次同旅客分佈比例, 可以得知呢個新方向有冇效.
沒有留言:
發佈留言