一鼠萬利過好年 - 表演篇

米奇人氣騷....

首先我唔係想全盤否定呢個show... 我唔係唔鐘意呢個show~!!!! 不過真係唔match 新年呢.... 同埋印度歌隻MV 真係唔適合係Disneyland 播.... 有好多小朋友睇到.... 香港人幾保守先得ga~~!!
唱左幾首聽唔明語言ge 歌.... 香港人難有共鳴...

如果呢個show 係count down show 會非常match~!!!! 又或者唔適合係一個sell 中國農曆新年特色ge event 中佔一個咁重ge 位置~ 既然係奇妙年... 即係有成年時間... 新年後出都得姐...
咁始終都要post 出黎ge~~~! 以上只係我個人感覺黎姐~ 小弟一直都好怕HKDL 會步東京迪士尼後塵... 扭曲晒原本迪士尼樂園ge 氣氛... 注意步TDL 後塵唔係等如搬TDL d show 過黎~ 而係跟TDL 咁改到好地道化~

即係如果大家支持HKDL 跟TDL 咁繼續加強本地元素的話.... 福祿壽就真係第一步了.... 之後就會有好多中國同香港文化crossover 入HKDL 度.... 例如魔盜王會變做張保仔theme~! 幽靈公館入面會有中國彊屍等等...

順得哥情失嫂意.... 係擄到部分香港人同大陸人歡心... 但會令到鐘意迪士尼傳統文化ge 遊客(不論國藉)感到失望....

可能只係我諗多左~ 鐘意呢個show ge 請繼續鐘意~ 唔鐘意ge 請以任何方法向官方表達訴求.... 無論點都好~ 大家一齊繼續支持HKDL 成長~
感謝GundamXDivider (Seaward )拍左正午show (如介意我post 出黎請通知我~)

仲有billionwins 黃昏版show~ 唔該晒兩位

-------------------------------------------

「鼠」步霓裳

都係果句~ 點都要post 出黎~ 先至完整!! 呢個show 其實係難得一個show 我睇得一半就走左~!!!!
感謝GundamXDivider 提供片段~!

1. 個台太過細... 又唔夠高... 前面果排班人高ge 話後面就睇唔到...
2. 個位太偏僻... 如果揀近Fland 果邊個位置會好d~
3. 呢個show 好明顯係想谷旺Aland~ 咁就應該善用Aland 個地理環境~ Aland 入去lion king 方向有兩條幾乎平衡ge 路... (JRC 旁同碧林旁) 如果可以封左半條碧林旁ge 路 (直接封埋通去Mickey's House 條小路做back stage) 黎做咪更加似Fashion Show!!
同埋我覺得唔需要每次一pair 咁出黎~ 每個character 只做一個性別ge 衫就可以加多三個character designer~! chip n dale + donald~ 咁先係完整ge show~!

順道做個宣傳~ 台灣forum... 聽聞其實台灣人唔太睇得起HKDL~ (不過連香港人自己都睇唔起HKDL... 冇咩好講) 一方面佢地覺得香港已經變成共產地方~ 同埋有人話佢地可能唔抵得香港有DL 而台灣冇... 所以經常有意無意踩HKDL~ 近大半年黎所有HKDL 搞ge 大少活動小弟都會上去宣傳~ 大家得閒上去支持下吧~!

新地圖加入小小世界

雖然呢張新地圖係面世於新年期間~ 但都係放返「香港迪士尼」呢個分類~
首先post 返上一次擴建Autopia + Stitch Encounter 時HKDL 張地圖~ 呢張都係珍貴圖片黎ga~~!!

今次... 以同一手法表示小小世界 ready~!! (但仲未有門口個廁所)

買部新scanner 梗係要scan 清楚呢幅原本得手指公指頭咁大ge 建築物出黎~! 唔駛睇得咁辛苦ma~ 條橋真係有咁靚~!?

原來出面係冇水... 之前大家咪睇過我呢個blog 有張自製map ge~~ IASW 鐘樓左右我都連左條路出黎~ (請自己搵返張圖) 我當時仲話唔知應該點連條路去入口條橋~ 因為鐘樓就係出口~ 咁依家就清楚好多la~
鐘樓右邊條出路(近fg) 有好多位wo..... 唔起間商店會唔會有少少浪費左d 位呢~? 即係玩完之後可以選擇經商店走... 又或者直接走~ (因為有兩個出口)
聽聞今日利是封同揮春已經斷左貨~~~ 開始左一星期就有商品斷貨!!! 好事好事~!! 快d 賣晒所有野佢!!!!!!!!!!

一鼠萬利過好年 - 印刷品

我又post 貼紙先~~~~ 新年版貼紙~ 我行Sogo 見到有呢兩set 利是封賣~ 同park 個價錢一樣~ 唔知其他地方有冇~ 如果覺得park 賣緊果set 太多人用ge 話可以考慮呢兩set~~ (請勿將以下圖檔用作任何商業用途~!)

新年版下次見! (咪又係上面黃色貼紙)

送埋catalog 中間拉頁poster~ 點擊放大

---------------------------------------------

05/02/2008

祝大家鼠年心想事成~~!! HKDL year of the mouse 會賺到盆滿砵滿~! IASW 開幕會得到大家愛戴~!! 今年HKDL 所有活動都會比上一年搞得更好~! 每日都過萬人~!!!
最重要..... 鼠年會公佈擴建詳情~!!!!!!
以下係內部兩張揮春~~ 送俾各VIP~ 請唔好re-post 出黎~!! 點擊放大~!!

------------------------------------------

18/02/2008

又黎儲Times Guide 啦喂~~!! 開始有d 識得ge 外國網友黎睇~ 要打句英文先~ Click to Enlarge~!! 哈哈~!

 

由小弟scan 的~ 咁high definition... 加個logo 仔都唔過份姐~ 免得有人偷圖~ (偷都唔緊要... 最衰係用黎謀利ar ma~~~!!) 所以我到依家都未scan 本catalog~ 等新年就完先放本catalog 上黎~~~!! 如果要冇logo ge 圖就問我la~

 

Update~! 唔加小小的logo lu~  唔係應該仲有張minnie?? 第4份係大合照ge!?

 

再update~~~ 集齊了~!

一鼠萬利過好年 - 米奇七面睇

林海峰－常歡

Vivienne Tam－萬利

張學友及女兒－家福

飛輪海－狀元

蔡卓妍－人氣

鍾欣桐－健康

森美－姻緣

側田-高升

原本話會有葛民輝~! 但依家冇左!!! 變左飛輪海.... 原本好期待葛民輝ge Design 的說......

一鼠萬利過好年 - 米奇大屋

21/01/2008

大家好~ 今集《更上一層樓》我地將會介紹一個位於大嶼山ge 新租盤~ 由於屋主每一日都要作全球巡迴表演~ 所以佢係全球各地都有別墅之餘都成日唔係屋企~ 今次我地就趁傳媒日跟隨各大傳媒黎到佢位於香港ge 別墅~
呢間別墅位於大嶼山~ 但交通都好方便~ 只需要20~30 分鐘車程就可以往返市區~ 面山背海~! 環境清幽... 與睡公主為鄰~ 屋後一河之隔仲住左泰山....

今日就由以下呢位管家帶我地參觀呢間屋~ 佢仲特別為左突顯對我地攝製隊ge 尊重所以清場兼封晒成間大屋任我地參觀~!

屋前有個大花園~ 有個郵箱wo~ 屋主有隻狗~ 有時當你見到有位小男孩拖住隻狗散步~ 就係呢隻狗!!!! 花園呢間狗屋就係俾佢住~ 狗屋上仲有個名.... 係小男孩個名定係隻狗個名...?? 呢間屋係屬於邊個~? 管家話呢個問題好難回答..

之後我地入到廚房~ 發現好多新年佈置~ 仲有個櫃... 原來係放滿屋主最愛ge 芝士!! 真係應有盡有~

經過一條長走廊....

再繼續行就到客廳~ 間隔都好闊落下~ 管家話屋主得閒就會坐係張閱讀椅睇睇報紙聽下收音機~ (但佢24 小時都唔夠用~ 所以其實冇乜機會坐係度~) 櫃入面仲放左d 收藏品~

由客廳進入一個開放式睡房~ 好精簡ge 睡房~ 屋主平時冇乜時間訓覺~ 所以睡房都唔刻意放太多野~! 衣櫃仲有好多登台衫~ 件件都價值連城~ 管家再三強調唔好掂d 衫~

書房係全屋最寬敞ge 地方~ 入面仲會見到一座好大ge 唱機~ 似乎屋主真係好鐘意音樂~ 仲有好大張台tim~ 但由於有好多機密文件~ 管家亦強調唔可以走近~

屋主仲有自己一間畫廊~ 有晒過去80 年自己ge 成長歷程~!
呢個租盤歡迎任何人士租~ 但係以日計~ 只要你俾左樂園入場費就可以當日無限次入住... 直至樂園閂門為止~!
今日節目時間又差唔多~ 想重溫今集內容請瀏覽以下網址~
http://hk.myblog.yahoo.com/jw!X.ta35uQFRlh98bErGygo4QkTl7fCcA-/article?mid=2413
下集同樣時間再見~!

----------------------------------------------
30/01/2008

米奇大屋Detail 位

今次米奇大屋最成功係佢地可以短時間內將Santa's Workshop 改到面目全非~ (聽聞呢個地方係一個大帳幕黎~) 不特止~ 仲要有好多做得好detail ge 地方~ 上次post 左d wide shot~ 不如行近d 睇睇~! 以下ge 相有d 係小弟影~ 有d 係friend 影~ (但部相機係一樣...)

睇睇廚房放左蘿蔔糕同.... 唔知入面果舊係咩糕..... 焗爐入面仲有蛋糕tim~! 傳出陣陣香味.... PhilharMagic + WaterWorks + Santa's Workshop 都係呢隻味~ 申請專利都得~!

客廳個櫃入面有好多珍藏品... 咩BB 鞋... 畢業相云云.... 果d 新年野唔係應該掛出黎?? 放入櫃做乜!?

我鐘意呢盞燈!!! 有得賣都唔錯~!

Mickey 衣櫃.... 一個巨星黎講佢都算少衫.... 有x'mas castle show 件閃爆衫~!

書房個櫃... 放左佢曾經獲得過ge 獎項.... 但佢地唔逐個解釋.... 同埋咩年份拎... 咩獎都冇講... 當係裝飾品吧....

個書櫃入面d 書尤其正~! 所以呢幾張個size 會大d~! 但好可惜都係睇唔到某d 書名.... 再大就頂爆Yahoo Blog ga la....

花園當然有花~!! 好詭異ge 笑容~!! 不過又好match mickey 個世界~!

管家先生又出黎~~ 哈哈~ 補返張冇用閃光燈~ 我覺得佢係成個花園最得意而又好易被遺忘ge 角色~ d 嚮導會介紹狗屋~ 但冇乜介紹掃把~!

圈住初一至初三~ 唔知有咩特別事呢~!? 留意三個圍圍法都唔同~ 唔係印落去咁冇誠意~

個茶壺壺身刻有瑞獸~! (係呱~)

d 桔ge 表面都做得好似真~!

呢個近睇就有d 粗糙~ 不過都可以見到係蝦米同臘肉!!

攪拌機入面d 漸變色~!! 感覺似剛剛攪完~!

呢個又係另一detail 位~ guest 注意力會放係上面d 芝士~ 下面呢個指標係bonus~ 一絲不茍~! 呢d 就係加分位~!

大廳入面三張櫈都好靚~!! 呢張經常會俾大陸人d 皮鞋括花~

仲有呢個火爐~ 整得好似燒紅左ge 柴~!!!! (會時光時暗~ detail 到極點!!) 旁邊筒柴... 每條都佈滿木紋!!!!

呢張係興之所致~ 呢排興床照兼低抄~ 但都可以睇下d 摺痕~!!!

工作台~ 窗外d 燈唔多自然~ 不過無損detail 程度~! keyboard 同mouse 係wireless~!!

或者仲會有其他part 逐個detail 位剖析~

----------------------------------------------

18/02/2008

新年過後~ 大家有冇再入mickey's house 呢~? 入面多左d 新野wo~~
雪櫃上面多左兩張紙條~ 係蘿蔔糕同年糕ge recipe~ 原來mickey 真係有返過屋企ga~~~!!! 不過點解佢整完呢兩款糕先貼食譜上去ge!???? 哈哈~ 蘿蔔糕張紙有少少瑕疵~!!

仲有d 柱上面都多左好多揮春ar~~~

發現自己冇post 過外面入口個位~

Detail 位2

Detail 位1

wide shot