VIP logo

相信大家都等緊官圖同Logo.... 隨便用....

唔係打返blog ar... 純粹貼張圖出黎....
圖: HKDL

推廣活動 - 星級體驗

是時候向您心目中的VIP表達您對他們的重視！快來香港迪士尼樂園，於3月6日至5月31日展開難忘的星級旅程，包括：優先入場欣賞精彩表演或暢玩遊樂設施、展開兩小時的迪士尼樂園導賞之旅，以及一邊享受小吃和飲品，一邊欣賞「星夢奇緣煙花匯演」。(點擊放大)

星級通行證
於3月6日至5月31日進入樂園時，別忘了購買您的〈星級通行證〉，在欣賞精彩表演或暢玩遊樂設施時，可專享優先入場，快人一步投入其中。

只要持有＜星級通行證＞，便可於最受歡迎的精彩表演及遊樂設施專享優先入場及自選喜愛的座位，包括:

獅子王慶典
米奇幻想曲
米奇金獎音樂劇
小熊維尼歷險之旅
巴斯光年星際歷險
飛越太空山

星級之旅
於3月6日至5月31日期間，快來展開一個由專人為您度身而設的＜星級之旅＞，發掘香港迪士尼樂園妙趣！

兩小時的迪士尼＜星級之旅＞，有專人為你們度身訂做最合心意的行程，並全程為你們細說香港迪士尼樂園的故事，發掘更多樂園鮮為人知的有趣資訊。貴為星級貴賓，兩位迪士尼朋友更誠邀你們相聚一刻，機會難得！

星夢煙花酒會
在遠眺睡公主城堡的美國大街小鎮火車站平台上，參加這個精心安排的小型酒會，您可享受演藝人員的現場音樂表演，並在悅耳歌聲中，一邊欣賞夜空中發放的璀璨煙花，一邊品嚐精緻點心和特色飲品，為這次旅程更添難忘！

順便睇埋黎緊邊d 設施做維修~~!

以下遊樂設因進行維修保養將暫停開放:
「巴斯光年星際歷險」 3月2-22日
「獅子王慶典」 3月23日至4月9日
「米奇幻想曲」 4月18-30日
「米奇金獎音樂劇」 5月10-30日

官網

==================感想==================

到今日都唔公佈2009年有乜新野... 即係諗住今年當迪士尼係商場咁搞ga la bo?? 齋加價同收費活動但冇新show 新attraction 開~~ good!!

之前聽到Magical Pass 都覺得好似太過商業了~ 不過如果真係有賺錢機會而又有人肯俾錢HKDL 賺... 又冇乜所謂ge... 外國都有呢d 咁ge tour 同party~ 但希望唔好朝住呢個方向越行越遠la...

by the way..... 宣傳圖做得非常好!!! 呢種先係Disneyland feel~!! 跟返美國What will you celebrate... Who's your VIP?? 哈哈~ slogan 都抄抄地~

再睇睇英文版... 星級之旅叫Star Tour~! YEAH!! 我地終於都有Star Tour la~~~ Woooooo~~~!!

情人節版老鼠@Enchanted Garden

過去兩年情人節當日... 迪士尼樂園酒店Enchanted Garden 都會出現晚禮服版米奇米妮出黎Meet & Greet~ 尋晚情人節正日都唔例外~ 一年得一次機會當然要把握機會影影相~ 不過Mickey 今次冇戴到黑色高帽~

今年好似冇Meet & Greet... 兩老就係餐廳入面滿場飛.... 由於個個都讚Minnie 條裙靚~ (其實係幾elegant!!) 佢就好開心咁擺左好多S型pose~ hyper 程度大家平時絕對見唔到~ 搞到個場面好似去左佢地婚宴咁~

尋晚酒店都好多人擺酒結婚~~ 仲有三位壯士求婚tim~ 記得上年Muppet Lab 都係情人節首次出黎幫人求婚.. wa.. 貶下眼咁快一年~~! 唔知面向鏡頭位女士願唔願意出鏡~ 所以整朦個樣~ 如果你係當事人可以留個言拎相~ 我地記錄左你人生最重要的一刻!

同場加映：情人雨天滴答列車

圖: 靚太

黑色星期五特稿: 黑色世界回顧及展望 (2009年版)

今日係2009 年第一個黑色星期五~ (今年會有三個) 黎個特篇應應節吧~~~~! 今晚想講講香港迪士尼首個打出名堂ge 節日 -- 黑色世界

個標題搞到好似我代表緊HKDL 展望將來咁~ 當然所指ge 「展望」只係個人意見~ 但難保園方有管理層上黎睇到大家意見ga wo~~ 到底搞左兩年... 開始打響左個聲勢... 再搞落去會唔會已經脫離左一個迪士尼樂園應有ge 氣氛呢?? 定還是HKDL 有意創造一個因應市場需要... 同其他兄弟姊妹park 脫軌ge 獨有驚嚇Halloween??

第一年搞黑色世界已經可以見到園方用意~~ 英文名Haunted Halloween~ 簡潔講出event 主題... 唔係好似其他樂園咁叫not so scary... 亦唔係magical~ 而係haunted... 有真鬼出沒~~ characters 玩costume 都只係次要~ 令人毛骨悚然先係theme~ 中文Logo 就靚到冇野好講la~ 打正旗號話你知以Jack Skellington 做主角~ Jack 後面仲有棵Tim Burton 式枯樹~ 原來過去兩年黑色世界都同樹有關~

記唔記得第一年Hub 係一棵幽靈樹~? 第二年間Demon Jungle 更加係玩緊樹同藤tim la~~ 再睇睇2007 年黑衣臣宣傳照.... 同飛輪海果兩張比... 呢張靚好多多多多多~ 顯現出halloween 期間HKDL 日與夜的分別~

獨有人物Gate keeper~ 黑色世界前已經出現~ 唔得人驚之餘仲非常nice~ 鬼都有分好壞ge~~

07年另一張宣傳照

到08年就以飛輪海做代言人... 其實好難搵到一個東南亞都識得ge 藝人或組合... 又要識做幫你hard sell wo... 飛輪海其實都唔係一個好差ge 選擇黎ge... 但係對香港人黎講冇乜號召力... 其實香港人都對組合冇乜特別大ge 反應..... 如果下年代言人可以搵Disney Characters 黎做宣傳就好la~ 例如Jack~ 人人都識得la~ 最多係未睇過齣戲姐~

呢張我未post 過~

而呢張係2008年最有feel ge 宣傳照~ 比Demon Jungle 果張更靚~

難得一個好大型ge 記招~~

兩間鬼屋令到HKDL 真正擺脫小朋友樂園呢個形象~ 黑色世界期間突然guest 年齡層集中晒係18至30歲~~! 我好鐘意之前一篇報導講「當美國迪士尼樂園要家庭式樂趣，不要驚嚇；日本崇尚Kawaii風格；法國則有南瓜人及粉紅女巫兩位Icon人物，香港的市場便造就了自己成為唯一可加入驚嚇元素的樂園。 」唯一!!!

Demon Jungle 質素好參差... 有d 場景做得好detail.. 但係有d 就hea 到爆... 遮掩地方唔多令到guest 有心理準備.... 轉角位唔夠多亦估到驚嚇位.... scene 與scene 之間欠缺有說服力的過渡位.... 要讚ge 係有d 鬼隱藏係背景隱藏得好好~ 但係鬼屋唔只要用鬼嚇~ 要多d 機關keep 住嚇你先會驚~ 氣氛都係要用錢先做到~ 你budget 高定低.... 明眼人一眼就睇得出~

Haunted Hotel 故事完整... Scene 過渡得自然... 裝修極細緻~ 行入去好易說服到你身處一間鬧鬼酒店~ 多轉角位之餘有好多位牆中間可以放到隻鬼... 前面嚇完你轉個彎又再嚇過~ 加上有好多機關... 真係絕無冷場~!! 但另一方面... 08年版James 實驗室改左個無聊走廊.... 同故事冇關係亦見到有點兒粗製濫造~ 可以見到第二年唔係由原裝美國公司組裝.... 又係果句... 你駛左幾多錢... 明眼人一眼就睇得出~ 兩間鬼屋氣氛同驚嚇度相差太遠~!!

HH 已經出左兩年... 到底會唔會出第三次呢....? HKDL 會唔會願意駛多d 錢起個同HH 有得較量ge 新鬼屋呢??

如無意外Jack 同NBC 都會繼續做Halloween 主角~ 而且會越來越重比例~

GitP parade 相信亦都會再出場~ 06&07年果架米奇float 用左兩年就換... 到底今年parade 其他float 仲有冇得留低呢????

但Space Mountain: Ghost Galaxy 咁受年輕人歡迎~ (仲最多人排隊玩!!) 冇理由唔繼續再改版呱~?

探險路.... 分散人流去Aland 係好事黎... 但唔好再放霧出黎得唔得...? 一到夜場唔係人俾鬼圍... 係鬼俾人圍....

Halloween 期間見到人流谷晒係MS... Space Mountain @ Tland 同整個Aland.... Fantasyland 人流明顯較少~ HKDL 會唔會考慮加個小童版可愛版鬼屋係Fland 呢?? 例如以NBC 戲入面一幕幕經典場面起個Detail 鬼屋~

上面都有講~~ HH 已經用左兩年~ DJ 呢種驚嚇度同Detail 度實在唔夠.... 如果大家可以諗一個全新鬼屋故事~ 你又會點整呢間鬼屋呢?? 你覺得用「鬼」嚇你驚d 定係多d 機關同秘道驚d 呢?? 上年某份報導話加個中式主題鬼屋都唔係冇可能~ 你覺得HKDL 適唔適合起個中國鬼節為主題ge 鬼屋呢~?

其實我驚呢度講出黎會俾OP 拎到料黎抄橋~ (我亦都覺得有高層成日周圍巡場...) 大家如果介意ge 話可以留private~ 等我一次過send 信去HKDL 反映大家意見~ 冇意見就唔駛夾硬必出黎~~ 唔該晒~~!

圖: HKDL

容祖兒與VIP

容媽媽成日都出鏡~ 年紀大d 果位應該係婆婆呱.... 唔該各位... 請對事唔好對人.... 就算閣下唔鐘意容小姐... 都唔好係度發表... 唔想飛輪海事件係我個blog 重演~ 好無謂..... 唔該晒~

呢兩張圖係唔同ga.... 好多characters ar....

都收到風容小姐今日會入park 玩~ 但真係估唔到園方咁快就放相出黎~ 高效率~!! 仲有小泰山隻Baloo~

心願桃花園Times Guide + 是日開始新收費

嘩~ 今次呢份Guide 好靚ar~~ 雖然係用人d 圖.... 如果係靚ge 話用其他樂園d 圖又唔係話真係咁大問題ge~ 至怕用外國d 走晒樣ge 圖.. 揀果位眼光就好有問題~ (感謝LL 提供... 點擊放大)

我覺得.... Mickey Minnie 真係係時候要再設計過修改一下個look.... 開始覺得唔屬於呢個年代....

再睇睇呢份活動介紹~~ 中型節目都叫有野介紹得到~ 唔算差la~ 唔駛錢搞大型野~ 搞到個氣氛出黎都唔錯la~~ 下面仲有燈謎答案~ 呢下做得幾好!! 睇唔睇答案係你自由~

到底Meet & Greet 果段個「等等」、「雙雙對對結伴出現」仲有邊對情侶呢?? 其實HKDL 知唔知道Woody 同Jessie 只係朋友而唔係情侶??? Jessie 同Buzz 先至係一對??? 安排佢地兩個呢段期間出現la~~~ 唔好理Woody~
希望下年元宵／情人節可以繼續搞~

==========================================

今日開始HKDL 將會實施新票價收費~ 有人問點解某Forum 中我唔去理個罵戰post 任由佢地繼續爭論... 第一... 爭論個情況唔係咁嚴重... 只係唇槍舌劍又冇乜特別言語上過份攻擊成份... 亦冇講內部野... 冇理由delete~

再者依家香港迪士尼突然宣佈加價18%... 呀唔係... 係經濟轉差ge 時候香港迪士尼突然宣佈加價18%... 再正確d 講係經濟轉差ge 時候... 香港迪士尼係「快將收支平衡」ge 情況下突然宣佈加價18%~ 兼且欠缺一個得體ge 解釋.... 就呢件事黎講我覺得HKDL 輸左同Public 之間剛剛改善緊ge 關係... 如果連forum 都唔俾人討論... 唔通真係要人人上街抗議咩...?

要劃一收費本身唔係錯ga~ 但依家個額令到人覺得你掠水~ 如果我可以提供意見... 我會建議劃一票價到$330... 冇錯星期一至五係加左30蚊... 但係星期六日減左20蚊... 咁市民條氣就順左好多~ 因為你取左個中間數而唔係一味加價~!! 確實有減到價!! 其實一樣會俾人鬧~ 之不過當傳媒質問你都可以轉移視線~ 唔駛硬食~

反正劃一收費都係想香港市民覺得買AP 係抵過買單日票姐... $350 入兩次$700... $330 兩次都$660~ 兩個價同樣已經超過窮人pass $650~ 識計呢條數就自然會買pass~ 而由$350 減到$330 相比由$295 加到$350 更能夠吸引到香港人落搭.... 你要賺人錢都要首先說服人打開個銀包先拎到錢俾你ga~

至於星期六日減價會唔會令到原本已經多人ge weekend 更加迫爆...? 其實諗深一層就知冇直接關係ga la... 而且HKDL 咁做都係想多d 人姐....

早前小弟估園方劃一票價只係第一步... 而園方亦都透露左佢地第二步係推出同胞pass~ 我自己估同胞pass 平時日子都唔入得~ 只係針對國內幾個大假期.. CNY.. 什麼黃金週... 國慶之類~ 吸引佢地次次放長假都落黎咁解~ 已經有遊客覺得此舉有歧視成份~ 希望園方快d 推出其他優惠同票種補救~~! suppose 公佈得出黎應該有晒後面完整計畫~ 快d 挽回民心la~~! 至於對香港人ge 第二步~ 就要靜觀其變了~

有網友估WDC 同HKG 傾注資條件係要HKDL 收資平衡~ 所以HKDL 先要急急加價~ 又講得似層層~ 咁就解釋到點解政府會表態支持~ 但當中引申出黎ge 反效果可能要用好多時間先彌補到... 最後一句總結... 欲速則不達~ 希望HKDL 繼續加油~!

劃一票價之個人見解

對於HKDL 宣佈調整票價呢個做法... 園方今個星期宣佈下星期個價格改變... 太過急la~ 雖則今次對香港人影響比較遲~ 對於外國客黎講佢地一早plan 好晒行程你突然間話要俾多50蚊~ 外國遊客都冇選擇餘地la~ 唔通為左50蚊唔黎咩~? (對~ 個人認為呢個就係園方今次調整票價ge 原因~ 外地遊客唔會為加50蚊而唔黎~) 不過俾多d 時間通知感覺上會尊重佢地多d lor~
記唔記得呢位係邊位~?

何陳美虹~ 前威尼斯人旅遊市場發展高級副總裁~ 上年11月黎左HKDL 做旅遊推廣總經理~ 當時明報對呢件事ge 報導~

「何太主要工作係要提高樂園的入場人次、酒店入住率，仲要拓展新業務，同時會統領埋旅遊市務同會議、展覽、企業會議同獎勵旅遊嘅業務，仲要睇埋樂園訂房中心。」

提高入場人次~ 如果話HKDL 今次舉動兵行險著~ 咁首當其衝何太更加係踩緊鋼線tim~! 因為HKDL 入場人次下跌即係佢失職~ 我唔知何太有冇參與過討論呢個新措施~ 亦可能成個idea 係出自佢都唔定~ 不過可以肯定佢份工會受呢個措施影響~ 所以估計園方今次非常有把握加價後入場人數不跌反升~ 原因?? 多左AP lor~
到底劃一票價對迪士尼有幾大影響呢~? 其實未必係大家想像中咁負面~

==============作個紀錄==============

香港迪士尼樂園公布由 2 月 9 日起整合門票價格，門票價格整合劃一後，按日期分類則只有只有「指定日子」及「特別日子」兩種，而兩種日子按年齡分類的售價一樣，即整個制度只存在 3 種票價，分別是：
成人：港幣 350 元
小童：港幣 250 元
長者：港幣 170 元

比較舊有票制（參考下面）就會發覺成人及小童的新票價跟舊票制中「指定日子」及「特別日子」的價格一樣，而長者的新票價則跟舊票制中「平日」的價格一樣。
香港迪士尼樂園現時至 2009 年 2 月 8 日的門票價格：

成人：港幣 295 元（「平日」）/ 港幣 350 元（「指定日子」及「特別日子」）
小童：港幣 210 元（「平日」）/ 港幣 350 元（「指定日子」及「特別日子」）
長者：港幣 170元（「平日」）/ 港幣 200 元（「指定日子」及「特別日子」）
為了使香港居民適應新票制，樂園提供優惠予香港居民以現時票制的售價購買「平日」門票至 6 月 30 日

==============紀錄完畢==============

外國遊客俾得咁多錢黎香港冇理由會為左果50蚊過門而不入~ (冇野玩先係主因!) 呢班人係最受影響但最冇得反抗ge 一班~ 而佢地能夠有經濟能力出外旅遊... 都唔會睇得果50蚊咁重要~

6月30號後香港居民就要接受新票價~ 但7~8月暑假指定日子都要350蚊~ 言則香港居民真正受影響係9月~ 9月開始打後半年將會有連續三個大型活動~ 有特別野玩再加埋宣傳得宜ge 話HKDL 唔駛愁冇本地客支持~ 大前提係d 活動都要有返咁上下規模~ 呢個時候開始AP 就會好受歡迎~

其實都正路~ 你試下CNY 後叫人申請AP~ 睬你都傻~ 上半年明顯冇咁精彩~ 蝕左半年~!

園方應該好清楚係本地人眼中OP 同HKDL 係冇乜分別~ 話就話遲d~ 但始終半年後個都殺到埋香港人身~ HKDL 或者已經有把握甚至有計畫半年後令到香港人接受新票價la~ 有乜方法可以半年內扭轉香港人睇法? 更精彩活動~? 公佈整個擴建計畫~? 提供更加多優惠?? 冇頭緒~ 不過可以肯定「AP 價不變」係一條引水道~

前兩年Halloween 都出夜票~ 我覺得今年都會再出~ 假設今年繼續$198~ 咁就更值得買la ; 又假設連夜票都同時增加18%~ $235.... 新票價下夜票都係加三十幾蚊~

點解園方咁早就block 定2009 年黑色世界星期五唔俾窮人pass 入呢~? 點解HKDL 調整票價政府會表示支持?? 可能有d 野係佢地好清楚~ 可能有野plan 左但未公佈~ 我地外面ge 人睇唔到葫蘆入面賣緊咩藥~

冇理由佢地明知依家呢個時勢加價市民反應會更大... 都一意孤行~ 話就話新措施下令到更多人轉移做AP~ 入場人數有個保障~ 但實質收入會有幾大升幅就真係唔多清楚~ 我覺得劃一票價可能只係第一步~ 之後會推出其他優惠「補償」~

如果整件事只係單純為提升入場人次~ 如何令到更多香港人屈服做AP?? 相信劇情發展會幾吸引~

IASW 兩個新場景曝光

等左咁耐.... 加州小小世界終於都將會係今日重開la~~ 不過如果唔係Annual Pass Holder ... 就要等多日二月六日先玩得la~~~

依家加州迪士尼都仲未開~ 要等外國網友d 相就要等聽朝la~~ 不過外國網post 左幾張率先曝光相~ 見到兩個佢地獨有ge 場景!!!

Alice 同White Rabbit... 歐洲場景~ Alice 做得好靚ar~~~ 不過White Rabbit 就... (外國人都話我地隻Stitch 樣衰~)

Cinderella 同兩位老鼠朋友~ 真係同我地唔同~ 佢地冇Prince Charming~ 傭人look 都非常之有特色~

聽日記得睇update~~ 外國的月光特別圓?? 兩邊都有獨家場景先雙贏~ 期待睇晒全個attraction~

圖: spokkerjones

福到滿城賀金牛- 傳媒日

學友呀學友~ 我地又冇緣見面la....

Bolt 個身冇咁幼ga~ 肥少少先得意ga ma~~! IASW 條路夠晒闊容納班記者ar~

如果學友同我握手~ 我一定唔會坐低~!

佢個Name Tag~ 哈哈~

相: 蘋報
順便加埋官方相~ 最尾一張好特別~ 兩邊都係guest 但係Characters 同Dancers 企正大街影大合照~ 幾特別~

相: HKDL

================================

今年CNY 雖然米奇家族位位成員都有新衫著~ 但唔係位位都可以影到ga~ 財神Goofy 同埋Minnie 都冇得影呢個look~ 冇得影唔緊要~ 有官圖ma~~~ 睇睇全圖先~ 呢個景好ar~ 米奇後面有個大米奇頭... 中間直望到castle~

再放大黎睇睇~~ 呢位出得太多~

Goofy ar~~ 如果可以同到佢合照就好~ 好搞笑好傻ar 佢個財神樣~~ 話個秘密你地知~ 我對d 性格傻更更ge 人物係完全冇招架能力~ 所以我越來越鐘意Goofy la~ 但請注意傻更更唔等如Kai~ 後者我會一巴車埋去~ 哈哈~

Minnie 成套衫都好detail~ 靚過上年好多ar~ 希望將來有機會影~~

Parade 排練情況~ 留意兩邊~ 係未開park ga~ 好認真講一句.... 其實呢三架車做得一d 都唔差~ 上面部分design 得咁單調應該係有原因ga~ 或者係想兩邊所有觀眾都睇到車上人物~ 又或者呢個簡單設計可以令到架車有更多其他用途~ 唔清楚~ 將來就會知~

圖: 香港迪士尼樂園渡假區