香港迪士尼「米奇幻想曲」的故事

繼之前講過兩個Fantasyland ge 故事(Sleeping Beauty 同 Winnie the Pooh) 後~ 今日呢篇將會講香港迪士尼樂園幻想世界第三個故事~ 米奇幻想曲~ PhilharMagic 係咁多個attraction 中較唔顯眼的一個~ 入口有幾棵樹遮住~ 我第一次行過真係估唔到呢度原來係一個attraction.. (更加估唔到原來入面係咁大~)

入左轉閘.... 呢個時候通常大家都會掛住拎3D 眼鏡而冇留意到其他事物... (呢個亦係一般人當Disneyland 係遊樂場咁玩ge 通病~) 抬頭望望見到有幅壁畫... Ye Olde Fantasyland Concert Hall .... 意即「歷史悠久的幻想世界音樂廳」~ 主體係一幅中世紀歐洲小鎮圖~

睇清楚中間呢座建築物~~!!!!

原來幻想世界音樂廳真係有咁耐歷史~ 所以經過時間沖刷~ 依家個牆身同原本都有d 分別~ 明顯修復左好多次搞到一撻撻~ 但係上面個鐘仍然運作正常~

到底外面藍色布幕之下係乜黎呢??? Concept Art 解答左大家~ (oh~~ my Pinocchio~! 快d 加返落去la~ detail 度又再加分~!!!)

一個咁耐歷史ge 音樂廳當然有過唔少演出~ waiting area 度大家就可以見到部分曾經係度演出過ge concert~

最新演出就係米奇幻想曲~ 雖然大家睇過之後都會發現PhilharMagic 其實係Donald 做主角而唔係Mickey~ 但成件事原本係Mickey 做指揮ga ma~ 因為Donald 手多多搞頂巫師帽先引起一陣騷動~ 所以poster 同attraction 個名都係以Mickey 做主角同命名~

大門上刻有米奇肖像~ 有理由相信... 其實呢間音樂廳老闆係米奇~ 否則點會放佢個樣ge 浮雕上去??

門上面有兩組音符~ 同Mickey 肖像下面條絲帶上ge 音符排列一樣~ 識得睇譜的人不難發現呢首歌係Be Our Guest 三句旋律~ (Be our guest! Be our guest! Put our service to the test)

以下呢幾張圖係PhilharMagic ge 畫面~ 有個問題要問問大家~ Goofy 係舞台監督... Minnie 係接待員同MC... Mickey 係指揮~ 咁到底Donald 係呢個演出入面擔任咩角色呢???

記唔記得一開場Minnie 敲門搵Mickey 同佢講Donald 唔見左~ 即係suppose Donald 係有個工作崗位~ Minnie 唔見佢先咁緊張~

而當Goofy 拉開布幕... 台前個箱見到Donald 伸左對腳出黎~ 原來佢訓左係個箱入面~!! Mickey 叮囑Donald 兩件事~ "Don't forget the orchestra.. and don't touch my hat!"

之後Donald 係個箱入面起勢挖d 樂器出黎~ 原來佢訓果個箱入面係裝滿樂器ge... 由1) Donald 訓ge 地方... 2) Mickey 句說話.... 3) Donald 意識到開場後的反應.... 可以得知Donald 工作崗位係同樂器有關~

其實WDI 好細心地將呢個故事放左係PhilharMagic 個extended waiting area 度~ 但呢個位唔係隨便開放~ 除左近日VIP 活動中Donald 會係度M&G 外~ 就要等到人多ge 日子~ 當PhilharMagic ge 等候人數要等多過一場~ 先會開呢個等候區~

而呢個等候區~ 就係Donald ge 工作崗位~ 見唔見到櫈上面放左Donald 頂水手帽??? 又睇下你地有冇發現... 其實PhilharMagic 入面... Donald 一直都冇戴到佢頂水手帽~ 留低左係度ma~~ 可能係因為趕住開show 所以放低唔記得拎~

佢一個負責預備晒所有樂器~ 連日趕工.... 所以當任務一完成就係台上面唔覺意訓著左...

個工作坊有好多樂器... 零件.... 仲有d 工具...

睇睇呢個區域的Concept Art~ (更detail!!) 見到board 上面有Hurry 個字~ 頂水手帽掛左係右邊窗旁~ 椅背貼住Gone backstage~

咦....? Donald 好似好想俾人知道牆上呢張cert 咁wo~~ 有咩咁巴閉先??

原來係Toon Town University 所頒布ge 證書~~~ Donald 修讀左個樂器維修保養課程!! (據聞原本的計畫中... Toon Town 同PhilharMagic 只係相隔一條鐵路~ 建於幻想世界火車站後方~ 所以我地個幻想世界火車站外觀都有Toon Town 特色~)

得la得la~ 知你叻仔la~

其實講呢個故事係由VIP Donald 係呢個位出Meet & Greet 開始~ 小弟一直都覺得WDI 放每樣物品都係有原因support~ 點解要揀係呢個位出??? 呢個位同Donald 有乜關係...? 到見到blog 友們講vip meet & greet.... 但係都冇提出過對呢個等候區ge 疑問... 甚至冇一張相係影晒成個area.... 只係影donald 同張卡.... 太可惜la!

希望大家可以細心欣賞HKDL 每一小處~ WDI 放左好多心思落去~ 諗通果下個成功感係比拎到MM 拎到贈品同儲齊一套貼紙大得多ga~ (係大好多好多倍~!)

其實Merlin's Treasures 同得PhilharMagic 相連~ 都代表呢間英國鄉郊小屋同attraction 有dd 關係~ 大家入去搵搵有冇d 得意野~ 或者你會搵到我搵唔到ge point tim~~ 加油!!

係咪覺得幻想工程師好厲害呢??? 香港迪士尼ge 細緻程度受到好多外國fans 稱讚~~ 只係香港人唔識得寶~ 以為多野玩~ 多刺激野就等如一個好ge 樂園~ 迪士尼提供好多種玩法俾guests~ 唔只係玩機動遊戲或者儲貼紙儲紀念品~ 慢慢發掘當中ge 故事都係迪士尼的一項遊樂設施!! 呢樣先係其他park 學唔到ge 野~~

圖: Lee MacDonald, 靚太, Ah Man, Disney, William