Steve Davison 介紹World of Color

尋日果篇我問過大家認唔認得一個人... show producer steve davison~

呢個咪就係Summer Nightastic! 記者會入面present 新煙花show 果位手舞足蹈的仁兄~~ 今次.... World of Color 都係由佢負責present~! TDL ge show... 小弟係冇心機睇... DLR 的show 甚至只係預告的presentation.. 我都係一睇再睇~! 尤其Steve Davison 講解非常清晰~ 值得一看~! (lightsofwinter 提供)

第一段只係講World of Color 呢個show 係要向Walt Disney 多年前制作的同名卡通致敬~ 入面將會用返果首歌為主旋律~ (不過係新版~) 同埋d 新技術.. 會有火球!!! 勁過我地Disney in the Stars~!

一開始會用Tinker Bell 帶大家進入World of Color 呢個世界~ 之後會由同樣係精靈Spring Sprite 過渡到Pocahontas~

Pocahontas 後會係Alice in Wonderland~ Davison 多次重申佢地今次呢個show 原意唔係要整一個露天大型theater~ 所以唔好以為佢地會exactly 將動畫片段炒埋一碟~ 有好多都係為呢個show 重新繪畫~

Under the Sea 就係Ariel... Nemo 等等的世界... 之後由海飛上天~ 記得尋日Wall．E 張concept art 嗎? 原來天空仲有UP 同Toy Story~ 好update ge show~ (UP 都未算最update~) 最尾用Aladdin & Jasmine 帶入下一個場景..... the color of fear

就係呢個scene 出火球~! 而最update 的角色就係呢度出現... the Princess and the frog 的壞蛋~ Dr. Facilier... 連埋其他壞蛋出場.... 之後有Lion King 入面動物逃亡.... 再入world of tears scene... 愛可以戰勝一切~ (仲包括friendship)

finale 所有出過場ge 人物都會再次出黎~ Tinker Bell 再出黎寫上Walt Disney 名句~ If you can dream it, you can do it! 完結~!!!

聽完有d 茫然.... 到底佢地會點樣連繫每個scene 呢?? 今次呢個presentation 就講左其中一段Demo~ (又有歌聽!!!) 就係第三段4:00 開始講storyboard~ 由Spring Sprite (其實我估係TinkerBell 帶出Spring Sprite~) 自然地過渡去pocahontas..

Fantasia 2000 中Spring Sprite 就係負責創造大自然的女神~ 佢係水底慢慢露出~ 經過前面... 有水噴出示意花開~ 佢再飛去後面大水幕.... 立即變成森林~ 見到個scene 遠處有個waterfalls... 水慢慢流到台中間... Pocahontas 唱出第一句歌詞~ Just around the riverbend~ 後面係pocahontas 坐住木筏的動畫... 前面會配合動畫湧出水模擬激流~! 呢段已經正! 自己睇埋佢~ (只講前面因為讚嘆佢地過渡得好smooth~)

所以新Show 新event 新attraction 應該要由有份設計的人黎介紹~ 上次davison 繪形繪聲介紹magical... 到最後出黎都唔係果回事... 但係就算睇返present 段片仍然會覺得好正~

Pocahontas 段音樂好正!! 請管弦樂團演奏的~ 正正鍾意佢地咁認真!! 正正係因為佢地做事一絲不苟先可以打抵其他theme park~ 短視的香港市民同議員係唔會明白Disney d 設計費點解會咁貴~! 因為Disney 只係Demo 都要堅持請大型管弦樂團~ 似乎將會又係一個Disneyland 的正show~ (都將會成為另一個經典~)

唔好問點解香港迪士尼冇正野~ 因為香港人急功近利.... HKDL 只可以起平價野~ (其實諗諗下三個新land 搞到成個park layout 奇奇怪怪... 冇規劃的建築唔係正正夠晒香港本土特色嗎??) 睇開呢個blog 的你... 又會唔會係呢班短視的人一份子?? 要HKDL 將來有正野... 請大家改變普遍香港人價值觀先~

HKDL 迪欣湖既然唔做得水上樂園~ (因為d 水有用~ 要黎灌溉整個resort 花草樹木~) 咁可唔可以改做一個night show?? 不過得一個show 又隔涉都唔知收唔收錢好.... 但係咁大個湖就係用黎儲水... 幫唔到你公司增值都係放左係度冇用~ 或者第二期真係整Disney Sea 咪夠晒水俾佢地用~

我覺得Davison 呢種passion 係HKDL 好需要.... 任憑你再高職位再有權... 都唔及由零開始構思... 一步一步實現... 整好完成品再受人稱讚... 最後成為classic 寫下歷史咁有成功感~ show producer 可以好雀躍地話俾你知黎緊個show 每個細節~ 阿金生出黎講野口窒窒... 連自己都說服唔到自己去信公司將來會有好野... 點說服人??? 點解seasonal event d 內容唔係由Tom 黎講?? (雪亮聖誕都有佢地介紹!!) 點解擴建plan 唔係搵WDI present??

圖: Disney, Mintcrocodile, dlfreak

明天回comment~ 減產