小小世界貼紙 - 各地小朋友

用左幾日時間去補post 返HKDL 咁多set 貼紙出黎~ 我估大家都好滿足~ 請大家注意~ 所有貼紙都係網友send 俾我... 大家都應該知我係唔儲呢d 野.... 所以唔好問我交唔交換... 我唔知用乜同你交換... (興趣亦不大...)

聽貼紙愛好者講... 小小世界呢套貼紙珍貴度同儲齊一套ge 難度都拍得住米奇80歲生日set 貼紙~ 我估小小世界係難在款多姐~ 同埋... 我睇左好多次以下小朋友造型... 如果唔係兩張拍埋比較... 我真係會唔記得自己邊張儲左邊張未儲.... 更莫講話total 一套有幾多張..... (有人話attraction 白底果set 都唔難儲... 因為以前CM 係一整版咁拎... 唔怪得大家都知道一set 有幾多款~)

以下係一套33張黎自世界不同各地ge 小朋友著上當地傳統服飾ge 造型~ 連埋之前12位迪士尼朋友~ total 呢set 係有45張... (好癲.... 岩晒你地~) 仲有三張係開幕派... 有機會後補吧~ 點擊放大

有人話我知上次迪士尼朋友得12款而唔係38款... 係因為HKDL 冇圖可以印... 如果佢地有圖應該會出齊38個Disney Characters~ 因為小小世界.. 一個都不能少~ 聽到都有少少感動~
小小世界兩周年... 即係代表HKDL 兩年冇新設施開幕~ 唉..... 希望工程快d 完成~ 係wo~ 關於五周年... 到依家兩個theater 都好似冇聲氣會轉show wo~ 唔通要等到10周年??
睇返呢個blog 果set Mickey 80大壽貼紙... 起晒格... 重post 過先~