元宵special - 四對情侶出黎Meet & Greet

又黎講講歷史... 其實上年係我地有心願桃花園之前... HKDL 係元宵當日都會俾幾對情侶出黎~ 到上年加左個心願桃花園... 迫住要空左王子個檔期「誠邀」佢地過黎影相... 大家都知道王子同將軍係幾咁繁忙ga la~ 可能上年又冇預期咁受歡迎~ 所以今年HKDL cut 左event~ 回歸返只此一日ge 活動~

Cinderella 同Charming~

Aurora 同Phillip~ 呢個角度正!! Sleeping Beauty 同佢個王子當然要係返自己座Castle 前面拍照留念la~~!!

小弟最愛的Beauty and the Beast~ 以Beast 樣貌出黎而唔係Prince Adam~ 希望有朝一日我地唔只係Golden Mickeys 先見到Beast 同Adam la~ 反正都已經長駐左係香港... 但就被困係Theater 入面.....

中國節日... 冇理由有其他公主王子都唔俾木蘭同李將軍團圓ar??? 新年同元宵佳節... 李將軍都唔駛東征西討~ 返黎陪Mulan 一日咁大把~

長期身處外地... 李將軍變得唔慣講廣東話!!! 不過對比上次見佢... 高大威猛左又黑左~!!

一年見得一次理應會好sweet~ 但你地睇下... 幾pair 情侶得Belle 同Beast 係有情侶ge 感覺... 其他三對企到可以攝到人係中間.... 都係怪HKDL 平日嚴禁王子同公主團聚... 搞到依家佢地個氣氛勁尷尬..... 木蘭同將軍真係有禮到呢...
同場加映~ 鼓手Mickey 準備出場前威風拍照~~!

虎虎生福正式完結!!! 多謝各位一路以黎留意住CNY 更新~ 亦都多謝各位演藝人員~ 最重要係新年幾日冒住大雨出黎Parade 而受傷ge Dancers~!

圖: Princess 第一大fan Cinderella
張張都望鏡頭~ 超勁!!