Chef Mickey 出現在Chef Mickey

04-Mar-2012

米奇廚師餐廳同翠樂庭餐廳兩間Buffet 最大分別就係後者會有characters 出黎影相~ 雖然Hollywood Hotel 大堂都會有迪士尼朋友同大家見面~ 但係始終覺得翠樂庭係比較有奇妙ge 感覺~

終於... 米奇廚師都有迪士尼朋友~ 就係廚師米奇~ 剛剛過去ge weekend... 園方以測試形式安排廚師米奇出黎餐廳~ 俾一個surprise 大家~ 係冇公佈冇通知ge 情況睇下餐廳顧客見到米奇出現個反應會係點~ 聽聞反應都唔差~

到底大家能唔能夠響將來見到廚師米奇甚至其他以廚師look 出現ge 迪士尼朋友係Chef Mickey 度出現呢?? 最後決定都係園方度~ 但係結果好快就會知~ 你又估下.. Chef Mickey 會唔會加價呢?

 美國間Chef Mickey's 會有米奇家族廚師look 出黎.. 希望依家HKDL 安排Mickey 驚喜式出現只係第一步~ 畢竟呢度始終係Disneyland Resort~ 酒店比樂園較欠缺Character~



迪士尼.. 唔只得park ga~~ 不過因為園方一直都冇投放太多資源係酒店~ 所以大家都唔太理會~ 希望HKDL 會再加多d magic 去營運兩間酒店~ 其實入resort ge 賓客都唔一定重點入park ga~ 假如可以放多d 資源係酒店活動.. 令到酒店都係吸引遊客黎resort ge 目的~ 應該可以賺得更多~

=======================================================

今年三月初ge 時候米奇以廚師造形出現過係Hollywood Hotel 米奇廚師餐廳~ 當時係測試性質想知道放Mickey 係呢間餐廳度ge 可行性~ 而園方經過整整三個月研究之後終於都有左結果~ 就係正式加入Chef Mickey~

米奇廚師約定你，共享充滿米奇色彩的自助餐。米奇廚師走訪世界各地，悉心搜羅他至愛的精選美食與你分享。你可置身迪士尼的動畫世界，一睹米奇廚師的風采，共度奇妙時光並合照留念，小童更可獲贈米奇廚師親筆簽名廚師帽一份，盡興而歸！



http://park.hongkongdisneyland.com/hkdl/zh_HK/special/listing?name=CharacterDiningOfferPage

但官網Mickey 個廚師look 同三月初出黎個look 係唔同wo~ 咁到底最後會以邊個look 出現呢? 係官網有錯~ 定係紅色廚師衫會唔會係一日限定版? 如果隔住隔住出唔同廚師衫就好la~

=================================================================

Chef Mickey 已經出現左la~ 原來真係官圖果個look wo~ oh... 咁上面見到果個紅色大廚米奇會幾時先見到呢? 會唔會再係酒店出現先??

===================================================

HKDL Facebook page 為呢個buffet 新experience 宣傳~ 提供埋原因俾你~ 就係慶祝父親節~ 雖然唔知有咩關係~ 不過如果想同屋企人慶祝父親節又唔知去邊ge 話~ 都可以考慮黎米奇廚師餐廳~ 我不嬲都覺得米奇廚師餐廳係比翠樂庭好食~ 只不過係冇Character~ 依家有埋Mickey 就更加好la~