話說幾個月前小Blog 提到幾篇傳聞... 當中包括預告Monsters University 會係今年重點出擊角色... 商品設計大革新等.. 幾個月過後可見到呢幾個謎底慢慢揭露出黎... 仲有一篇大家都比較想知道嘅事.... 「有得必有失」係點解?
2014年香港迪士尼將會有首個Night Parade. 呢個係得. 隨之而黎會有咩事發生??
有說煙花會係當中一個失, 呢個要追溯返開幕初期嘅傳說... HKDL 曾經準備好推出Night Parade. 但因為當年入場人數未如理想.. 煙花同夜間巡遊假若同時存在嘅話收支會更難平衡... 所以兩個只能活一個... 最後留低嘅係大家每晚都睇得到嘅璀璨煙花...
亦都因為咁.. 當今次再推出夜間巡遊... 自然令人聯想到煙花會從此消失. 小弟愚昧地認為停煙花原因更大機會係來自Fantasyland Station 後面塊地清空用作擴建之用, 多過因為Night Parade 出現, 因為香港迪士尼入場人數已經唔可能同七年前情況相提並論. 就算係停煙花, 可能只係停weekday. 到weekend 人流較多時就會上演, 好似Disneyland Resort 咁...
要呢一刻核實此傳聞真偽.. 仍然言之過早... 但有更迫切性嘅「失」將要發生... 有消息指出夜光鬼魅巡遊將會喺今年作最後一年表演.
黑色世界開國功臣之一嘅夜光鬼魅巡遊係2006年「香港迪士尼樂園怪誕節」當中「怪誕服飾巡禮」嘅伸延版. 當年喺Halloween 期間首次出現嘅Nightmare Before Christmas 商品系列極速被搶購一空... 造就Jack Skellington 成為2007年黑色世界主角.
由於Night Parade 會同Glow in the Park Halloween Parade 撞時間... 已經第七年出show 嘅GitP 要繼續留低似乎係一件極困難嘅事...
夜光鬼魅巡遊小知識:
你知道嗎? 聽左咁多年Ba-ha-ha... Jack Skellington 把聲其實係王祖藍黎ga. 今年不妨留意一下.
沒有留言:
發佈留言