Summer 2013 - 怪獸大學行政大樓

09/06/2013

今日Times Guide 更新, 入面已經見到下星期Summer Event 個內容~ 亦都有首張官圖曝光~ 就係改Art of Animation 同Animation Academy 座building 做Monsters University




為左配合今次電影宣傳... 樂園入面都會見到MU 版毛毛同大眼仔



而今次都會有得售賣學生證同畢業證書... 下?? 售賣?? 為左將來有更多見到怪獸公司嘅機會~ 我會買~!

近日樂園商品部推出嘅MU 商品其實都好好賣~ 又做過一個好簡單嘅observation... d 衫好受歡迎~ 不過確實好靚, 又有學院feel~ 有兩件平時著出街都得~ (HKDL 有好多衫都係勁小朋友同花俏... 唔會敢著住出街.. 所以都唔會幫你買...)

所謂的怪獸大學行政大樓現狀~ 星期四就有得入去.



相信毛毛同大眼仔會喺呢度同大家Meet and Greet

其他decoration~ 似一個大學新生營咁...

當然唔少得poster

準備入學啦~ 今個星期尾開始就可以入去辦入學手續~

12/06/2013

聽日可以入去辦入學手續啦~ 所以外牆Decoration 已經ready 好!

來~~ 同年輕版Sulley 同Mike 合照吧! 等埋米奇水花巡遊, 夏日活動就正式開始




有多款學生證供大家選擇

賓客甫進樂園，可先到美國小鎮大街的怪獸大學行政大樓拍攝怪獸證件照，只需把樂園門票或奇妙處處通會員卡放入怪獸大學學生證照相處的讀卡器，拍下最驚嚇的個人照片，再到小鎮沖印店從四款設計不同的學生證中，揀選心水至愛，便即可領取怪獸大學的個人學生證；賓客更可以學生證的編號登入香港迪士尼樂園官方網站，列印怪獸大學畢業證書。



而行政大樓入面等影學生相條隊都算整得唔錯, 起碼影完相睇返之後唔覺得呢度係AOA, 可能有人認為呢個改裝對原本AOA 擺設原封不動只係外包decoration, 但呢個只係關閉一星期嘅修飾, 唔似得宇宙深寒整左三個星期先改裝完成. 今個event 算係咁.



商品官圖, 今次d tee 的確係正過平時好多!

我覺得Classic 果張學生證會最受歡迎... 整個HKDL logo 喺面.. 成件事就假左~

過左一個落雨Weekend, 睇得呢個blog 嘅熱情fans 應該有好多人都已經入左學~ 補post 返堆相做record

以一個seasonal attraction 黎講都算做得detail~ 但同Halloween 鬼屋比就梗係仲差少少~ d 書太紙盒.. 好似TVB 劇集D 法律書咁...

都幾幽默