This is Mr. B: 黑色世界2008 探險世界decoration

今日Adventureland 擺放左幾舊同黑色世界有關ge ... 擺設 / 裝飾物...

今年Aland 都會有Meet & greet? 如果係for Meet & Greet 咁呢d 背景係來自咩作品呢~?~? 隻老虎個style 似係Aladdin 寶藏個入口.... 風車個style 都尚可以當係NBC.... 但隻猙獰ge 紅色魔鬼屬於邊齣卡通ga????

又如果呢批decor 唔係for meet & greet~ 只係留俾星期五六「森魔探險路」... 睇下新聞稿先....
僥倖逃出的賓客，還要面對「森魔探險路」。這條路，日間是萬聖節主題拍照「黑」點，但每逢星期五、六的夜晚，就會變得更陰森莫測；在重重白霧包圍下，一早埋伏的黑色守衛、喪屍、海盗和邪惡的南瓜人等會伺機出動；賓客要逃生，必定一步一驚心。

咁架風車應該會係俾黑色守衛~~ 但仍然覺得老虎係賈方~ 隻鬼... 會唔會只係單純裝飾?? (留意佢地對眼都好似會發光咁)

真相..... 還有八日揭開!!

--------------------------------------------------

17/09/2008

原來尋日Aland 仲有一個刻上RIP ge 影相位出現左~ 就係打鼓位前面~!!

中文字真係有點兒怪.... 呢個位應該係俾喪屍~ 尋日果個破爛風車都有少少似黑色守衛個look... 衣衫襤褸~ (大家見唔見到有個好揚ge speaker 係左邊??)

八爪魚鬚?? 仲要有木地板同木箱~~ 仲唔係俾海盜~? 鬼海盜~~!!! 唔知會唔會俾Davy Jones 出黎呢~?~? 其實呢個位揀得幾好~ 咁岩後面爆水上黎ge 話真係match 晒個情景~

南瓜~~ 仲唔係南瓜人!? 佢地好多位ar~ 魔盜王果時個骷髏骨位又有.... (南瓜上面有個黑色世界先會出現的指示牌~)

後面仲有成堆南瓜~!!! 亦都即係話... 上年玩捉南瓜人遊戲會唔會已成為歷史~~ 今年南瓜人會乖乖地企定定俾你影~?~? (有人話今年南瓜人都唔會企定定~)

謎樣的綠色膠布.... 仲有果盞紅色燈.... 係探險世界通往幻想世界的出入口... 會唔會係「在重重白霧包圍下...」果部噴霧器??? 其實聽聞仲多左好多個箱~ 有一個小朋友咁高~ 唔知有乜用呢~

某d 相太黑有雜點~ save 低睇就得~ 仲有Emporium 亦有Halloween decor 了~

誠徵探險世界的update 相~~ 大家一起合力緊貼樂園最新動態~~!!
黑色大門.... 七日後再次打開!!

-------------------------------------------

20/09/2008

又多左兩件了~ 一隻係石像....

大家見到呢個面目咁猙獰ge 魔鬼石像ge 時候會諗起咩?? The Hunchback of Notre Dame??? 聽聞呢個石像下半截個台係用其他Decor 果種硬物料製造... 但係個像就係用左軟物料黎造..... 唔通............

仲有一隻係JRC 等候區上面.... 一隻好似想飛落黎攻擊你ge 南瓜人.....

唔知放晒出黎未呢!?!? 嘩~~~~ 真係好震撼!! 今年黑色世界Aland 咁重halloween 氣氛~ 其他兩個land 都唔知點鬥~ 人流一定湧晒入去Aland~~! 哈哈哈~

-----------------------------------

21/09/2008

今次迎樂路兩邊旗幟都換埋Nightmare Before Christmas 主題~~! 都真係幾重視黑色世界wo~~! (其實係應該換~~!! 只係平時唔換... anniversary 都至起碼搞一搞呢d 旗la~) 分左橙色同紫色兩款~ 兩隻色都幾halloween feel~ (感謝網友提供)

兩旁「下次見!」張poster 都首次換上Mickey 以外ge 人物~~! Jack Skellington 超級勁!!!!!! Halloween 連老闆米奇都要讓路俾佢~!!

售票處至Main Street 燈柱都換左裝飾!!! 南瓜Mickey~ Jack + Sally~ NBC 再次贏左~

城堡下面都換左旗~~!!

Aland 裝飾差唔多搞掂晒~ 係時候到Main Street~!!!!!! 唔知今年城堡前Hub 同check 袋位會放咩呢~? 最Eye Catching ge 位置黎~ 一定會好正!!

誠徵Main Street Halloween Decor 更新照~ GITP 首場靚相~!! 謝謝!!

-----------------------------------------

22/09/2008

越來越近黑色世界~ 越來越多裝飾~ 每日都有新野睇~~! 每日都要靠大家影相~~ 一齊緊貼住樂園每一樣細微變化~ 係咪覺得好不可思議~? 哈哈~ 再一次多謝咁多位一返到屋企就online send 相俾小弟update blog 的disney fans~~! 無限感激~ 不過相係唔會嫌多~ 所以小弟仍然會繼續誠徵update 圖~ 多多唔拘~~!
Hub 終於出現了今次的裝飾~~!! 一個活動最重要都係呢個位!! 又係Jack~~ 又係NBC~ 黎個不同角度睇睇今次個大裝飾品先~~!!! 一個大裝飾絕對頂到果個咩咩米奇八面睇la 大佬~ (感謝網友們提供圖片)

南瓜Jack + 南瓜Sally~ 很可惜並不是我們獨有~ 美國都有呢個look~ 畢竟Halloween match Disney ge 作品唔係好多套~~~

到Fantasyland~ 今年Halloween 精品當中... Pooh Pooh 家族加入扮鬼扮馬行列~ 所以佢間shop 都有特別decor~ (這是在預告下年黑暗力量即將佔據幻想世界嗎!? 前年Main Street 細搞到上年做主場.... 上年Aland 得decor 今年又變主力~) 左邊隻Pumpkin Pooh 好搞笑~! 對眼得一點!! XD