黑色世界2008 - 印刷品

黑色世界聽日開始了~~~ 有邊位網友係決定聽日入園ga~?~? Circle K 便利店依家有得免費拎一張有關黑色世界ge 宣傳單張了~ 睇睇個封面先~ 係城堡來的~~ (點擊放大)

揭開內頁.... 只需港幣$198... 好Hard Sell~!! 用票價吸引人~!! 不過我有friend 都覺得198 還是太貴了~ 希望佢地會諗得通買AP~ 又多d 人陪我去玩~ (點擊放大)

夠膽就再揭開~!!! 入面係黑色世界所有活動一覽~!! 呢張冇得click~ 因為小弟逐格放俾你睇~

CM 試玩後評價高過HH~ 咁就好了~ 一直都怕DJ 唔及HH 高科技唔及HH detail~ (兩間鬼屋性質&感覺截然不同~ 嚇你ge 方式都唔同~) 不過都係要等大家玩左返黎俾評語~~

可憐的庫依拉~ 得賈方留得低~~!

留意呢句~ 為你奏出懾人心魄的最終樂章!!!!! 呀~~~~ 換尾float 隻audio~?!?? 我好鐘意上次果隻wo~~

一身全新萬聖節服飾的.......... 即係唔只Mickey Minnie 有新衫~ (官網冇「全新」呢兩隻字ga~~! 都算係新料呱~) 應該個個都有新衫著呱~~

發唔發覺今次Donald 款公仔好耐都未放出黎~? 不過鴨咀仍然冇改善~~~

----------------------------------

29/09/2008

實在抱歉~ 隔左咁耐先post Guide Map 出黎~ 身處外地的朋友今日可以睇到呢份新Guide Map 了~ 封面是Jack~ 正常的~ 因為今年的主題是Nightmare Before Christmas~ 不過有個疑問~ 六期Times Guide... 我地之前都諗緊會搵邊六個人物出黎~ 估係Jack.. Sally.. Dr. Finkelstein ... Mayor... Oogie Boogie 同埋三個細路.... 咁依家Guide Map 俾左Jack~ 咁其餘四期Times Guide 會係咩封面呢~~? 好緊張!! (點擊放大)

入面幅map 有咩改變都估到了吧~? 有Jack 頭的標誌就是今次黑色世界活動的所在地~ 有隻鬼樣就係拍照位置... 不過Aland 新地就冇畫到出黎~ 有點失望~ 仲要個吸煙區畫正係中間~ 我爭d 因為呢個吸煙區符號搞到唔敢行近去DJ~ (點擊放大)

每次見到HKDL 張map 都覺得有d 醜.... No. 2 都仲可以算係attraction... No. 5 & 6 有乜可能係Attraction 黎ga!?

-------------------------------------------------

30/09/2008

活動開始左未夠一星期~ 出左一本黑色指南~ 入面分左兩part~ 前面主要係簡單介紹今次黑色世界ge 活動~ 不過就真係好簡單~

如果呢份指南可以加多一版map 係前面會User-friendly 好多~ 假設你係第一次入去~ 又唔知道d halloween 設施係邊度~ 你拎左本指南想搵間鬼屋又要拎份guide map 出黎； 睇到guide map 有個設施唔知乜黎~ 又要拎呢本指南出黎睇簡介~ 既然係咁不如合埋一齊~

反而商品catalogue 可以另外印一份~ 同埋今年冇poster~ 對於我要scan catalogue 黎講呢個釘裝係非常方便~ 不過似乎其他fans 想要poster~ 唔緊要la~ 我放上黎送俾大家~~ (點擊放大)

今日post 左NBC ge 精品先la~ 其實我覺得今年d 精品冇上年咁出色~ 一黎有部分係上年甚至前年都有得賣ge~ 二黎就係我個人好鐘意上年d 迪士尼人物面具~ 好搞笑~ 而今年... HKDL 似乎走返入個框框裡面限死晒自己精品種類~ Anyway..... NBC 呢邊我比較鐘意南瓜人毛公仔同棺材pin~ (點擊放大)

到米奇同維尼家族了~ 今年批精品雖然係同美國一樣~ 不過都俾到驚喜我~ 老闆老闆娘d 精品一向都唔會買~ 今年向Pooh Pooh 埋手又做得幾好wo~ 得Pooh Pooh 係比較簡單~ 但如果佢個頭上面有南瓜「定」更會令人愛不釋手~ 但係我更加鐘意Piglet 同Eeyore 個裝扮~ 吸血彊屍同巫師打扮~ 好得意~!

同埋Chip 'n' Dale 個look 都好得意ar~~! (點擊放大)

唔知係咪大家踩Donald 毛公仔踩得太勁~ 今次Donald 得一種Plush Keychain~ 希望X'mas Donald 可以以另一個面目出黎同大家見見面la~~

哈哈~ 黑色世界雖然岩岩開始~ 但係都係時候估下今年雪亮聖誕會有咩玩la~~

-------------------------------

27/10/2008

今個星期五開始黑色世界活動~ 入園見到有新Times Guide~ 係Sally @ NBC~ 各位仲有keep 到上年Times Guide ge 話會發現... 上年主題係壞蛋~~!! 今年主題先係NBC~
其實都有跡可尋~ 前年小試牛刀搞怪誕節... Jack 商品短期內被搶購一空~ 造就上年夜光鬼魅巡遊由Jack 帶領出場.... 全球哄動!! 呢位福將幫HKDL 扭轉命運~~! 今年梗係由佢做主人la~
一連六期Times Guide~ (由右至左)希望唔會重覆用一張圖「多」色印刷la~
Week 1: Sally
Week 2: Halloween Town Mayor
Week 3: Dr. Finkelstein
Week 4: Oogie Boogie
Week 5: Zero 呀~
Week 6: Jack

如果今年繼續都係成功~ 咁下年會唔會再繼續由NBC 做黑色世界ge 主人呢???

要聲名大噪實不是一件難事~ 起外國DL 冇ge 野咪得~~!! 我信起Halloween Town 可以引到班外國人流更多口水~~!! 戶外Halloween Town 有難度咪起室內~! 好似依家兩間鬼屋咁之麻~ 錢可以解決到ge 問題唔係問題~ 冇錢先係一個問題~

其實今年得一個隱憂~ 就係人流管制~ 如果人流控制得好~ 今年黑色世界口碑會比上年更好~

------------------------------------------------

01/11/2008