夜光鬼魅巡遊構想圖

第一萬篇回應出現了~ 是Shadow!! 請與我地工作人員聯絡~ 領取獎品 －「多謝」一句!! 哈~ 第十萬名同第廿萬名人次同樣都係得到我句多謝~ (第十萬名仲得到我的愛~! 不過佢唔要之麻~ 哈哈哈~ )

好的~ 等我放Glow in the park Halloween Parade 批concept art 出黎先~ 又係爭左一張~ 就係Maleficent 果架車ge concept art~ 唔知係咪因為改公主車所以冇出過~ 還是只係我集郵未集到呢張~ 唔緊要la~ 睇左其餘呢幾張先~ (國際級theme park 就是Detail~! 連parade concept arts 都畫到一幅幅油畫咁~)

Jack 呢架為HKDL 吐氣揚眉ar~~ 全球矚目的float~

駛唔駛再講一次Jack d 威水史俾新來的讀者知~? 2006年HKDL 小試牛刀搞halloween 玩可愛風~ (即係得一架float 果年)~ 與此同時Jack Skellington ge 商品大受歡迎~ 部分甚至一星期內已經清左貨~ 園方都估唔到Jack 有咁大號召力~ 所以往後兩年都見到NBC 成為左黑色世界主人家~ 2007年出現左以Jack 帶領的全新夜光parade~ 超大size 加郁動幅度大令到好多外國人都流晒口水~!! (關於Halloween merchandise... 年年都超快就清晒貨~ 大家唔好十月先問仲有冇得賣or 返貨~ 賣晒就冇ga la~)

2008年NBC 力量繼續擴大到整條大街decor 甚至閘口~ HKDL halloween 鼓氣勢無一個DL 能及~! 三年就過晒其他DL 頭~ (始終都覺得要多謝OP.. 冇佢ge 話HKDL 唔會咁爭氣~) 唔知2009 年NBC 仲會唔會繼續擴大呢??

Dr. Finkelstein 呢架車我覺得都好正~ 2007年睇果陣... 我以為車頭果個無頭公仔係Sally 黎~ (因為2007年Sally 跟博士車後面~ 08年先爬頭走左上黎~) 車身有好多機械部分~ 幾隻鹿可以上下郁~ 車頭四個頭骨會轉動... 博士輪椅同頭會轉動~ 頭蓋亦能打開... 助手坐住ge 球體亦能夠轉動~ 車身仲有好多古怪實驗品~ 成個parade 最detail 就係呢架車~

壞蛋float~ 呢架車好有氣勢~ (唔講活生生characters) 車上全部角色雕塑都好猙獰~ 尤其迦納拔~ (注意隻手擺法同完成品有分別) 車上characters 每次會出三位~ 但個combination 就次次都唔同~ 其實唔一定要企係float 上面ge~ 係下面同guest 有近距離接觸仲好~ halloween ma~ 壞蛋洶群而出會更熱鬧~

後面兩架float 都detail 的~ 不過主要氣氛是靠dancers~ 尤其係舞會d 衫做得超靚~~! 好有haunted mansion feel~ 不過唔知係咪因為本身設計果陣有藤... 個feel 太黑暗.... 先冇得作多用途parade float~ (X'mas 放班公主王子上去就好la~) HKDL 應該好似美國咁整幾架多用途float~ d decor 外加~ 一年出得個零月太唔化算la~ Rainy Day Express 又係長期放係度... 好浪費~

第一次出現彈彈人~ 而且架車都做到溶岩個效果~ 不錯不錯~ 但唔夠halloween feel lor~

放多次尾float~ 這就是2007年的夜光鬼魅巡遊~ 上年新出果隻鬼盜船~ 就呢.... 哈哈~ 吊下你地癮先~

外國雜誌話今年都會再出~ 唔知會唔會有新車呢~? 有消息指出.... HKDL Halloween 個勢一年比一年強... Glow in the Park 有機成為開幕以黎首個到達十架車的巡遊表演~!! 還是要期待一下吧~

(2010年11月6號回應: 依家睇返最尾果句好心酸... 個消息冇成為事實~ 可能就係要轉虧為盈ge 代價~)
圖: HKDL