睇完後大致對小弟黎講冇乜大surprise~ 但如果大家一直都冇留意住事情發展就可能有~ 之前個facebook group 小弟都有講呢三個theme ~ 有少少唔同ge 係第三個land 個theme... 海盜區域真係冇左~ 用返海盜區域後所構思的冰川區域~
但其實報導入面所提到ge sources.... 唔知係邊個呢~ (希望唔會係from facebook我講果堆字)~ 如果正是閣下或知內情的人睇到呢篇blog~ 跪求你同我聯絡~ 免得最尾原來來源係我自己就樣衰爆~ 謝謝你!! 報導入面係用sourceS! 唔只一個~! 可能我多心姐~ 一早認左衰仔先~ 最尾唔係ge 話唔好鬧我~ 哈哈
唔copy 篇報導了~ 費事搬字過「址」
三個land 主題都玩了無人煙... 冒險同原野feel~ 第一個land 主題會係西部區域~ 以百幾年前加拿大小鎮 - 道森市為藍本.... 當年有好多淘金者慕名黎到呢個小鎮想掘金發達.... 隨住越來越多人黎... 令到呢個小鎮越來越繁榮... 但係不斷伐木採石令到住係森林同山洞ge 動物長期受滋擾兼家園盡毀.... 終於都忍唔住要向人類反擊!! 睇到故事大約應該估到以上係一座以礦場為主題的過山車~ 會有好多Animatronic 動物~ 外國網站亦透露過呢個land 另會有一個水上遊樂設施~ 唔知係乜黎呢~
第二個land 係極地探險~ 原本諗住呢個land 已經冇左~ 變左做上面礦場theme~ SCMP 個source 話仲有~ 咁就太好了~ 不過冇左Pirateland 就不太開心... (從另一角度... 可能JimHill 話海盜區俾左上海迪士尼已經係事實...) 遊客入到呢個land 會發現氣溫急降... 仲會落真雪!!
咁咪好晒電??? 所以推測呢個land 一係唔係大land 可以全室內~ 一係得部分係室內... 見到眼前雪山而現實三十幾度都幾唔岩feel~ 唔知佢地會點整呢個land 而又可以唔俾環保團體嘈呢~
上年傳出果陣仲估會唔會有Narnia dark ride.. 但依家都唔再拍落去~ 真係唔知有乜特別野~ 只係知呢個land 有座大雪山~ 雪山入面係另一座以北極列車為主題的設施~ 之前聽講呢個都會係一個過山車~ (以AK Everest 為藍本) 但好耐之前傳出.... 可能有變~ 唔知係咪成個land 就係係座雪山入面呢~? 咁起高d 好~! HKDL 已經唔夠人地多地~
依家計計~ 如果雪山係過山車~ 連埋Space Mountain~ 擴建後ge HKDL 或者有最少三座過山車了~
最後一個land 係全新故事同技術的Haunted Mansion~ 當然唔再叫HM~ 呢個版本厲害了!! 會好似Pooh's Hunny Hunt 咁無軌形式~ 你估唔到佢會點行~ 玩一次亦睇唔得晒成間鬼屋ga~ 排多兩次la~
故事內容方面... JimHill 有提到會用TDS TOT 白頭佬~ 大家都知佢鐘意儲騎呢古董... 咁岩儲左件受咀咒的古物而發生一連串靈異事件~ 部分古董會由Adventurers Club 運黎ma~ 記唔記得??
SCMP 就話係講一班探險家到達一個從未有外人踏足ge 地方.... 完了~! 大膽將兩個故事合埋吧~ 咁就會係一個古物收藏家去到一個從未有外人踏足ge 遺蹟... 執到件受咀咒古物... 帶返屋企後所引發的一連串靈異事件~ 吸引!! (實質情節未必係咁~)
報導中仲提到原來雙方上年三月已經討論擴建... 到十一月劉太過去WDI 都聽左佢地present 一次三個新land~ 有相為證tim~ 咁就叫有明有暗~!!!!
佢話之前政府覺得擴建plan 好平凡又令人提唔起興趣~ (佢應該係講緊Pirateland~) 但係又唔知點向WDI 反映佢想要咩wo.... 依家呢三個land 大致上都唔會有太大改變~ 雖然仍然未100%落實~ 但解散得WDI 應該都可以證明唔係theme ge 問題la~ 咁大間公司如果唔係走投無路都唔會自願傳出d 不利自己形象ge 消息~ 講到尾都係錢ge 問題~ 唔該快d 傾掂佢~~!!
最後要提一提~ 睇左篇報導都知冇咁detail~ 上面個plan 係由各地網友提供俾小弟~ 查返Email... 2008年二月已經開始傳出ga la~ 過左咁耐可能故事內容有更改都唔出奇~ HM 一段.... 我只係講過估唔到佢點行~ 但冇講過佢有幾條路~ 憑呢點估應該呢d 料係內部傳出ge~
經過呢件事之後~ 小弟學懂了說玄話!!! 講完一大輪野後話俾你知其實有可能唔係咁~ 風水命理並非精密科學!! 再下一步應該會學識官腔~ 日日都講同一番說話~ 「以香港市民利益為大前提~」「適當使用公帑」
大家自行選擇信唔信la~ 俾政府呃左咁多次~ 唔好話你地~ 我都唔係好信~ 次次有希望就被打沉~
沒有留言:
發佈留言