香港迪士尼宣傳片 (優秀篇)

香港迪士尼開幕將近四年.... 呢幾年除左係電視上有賣下廣告之外都會見到係網上面有更加多ge 宣傳片~ 其實部分拍得好高水準~ 今日黎個小結算~ 向大家推介幾個我覺得值得讚ge 片段.....

小弟唔係專業廣告人~ 純粹係以一個Disneyland 愛好者身份去評以下廣告... 商業決定可能有好多我地估唔到ge 細節同難處~ 但我覺得反正依家兩頭唔到岸.. 不如回歸返Disneyland 應有風格起碼主題同brand 都突出d~

1. 開幕廣告

呢段一定係四年黎拍得最好ge 一條片... 好可惜只係最尾一個畫面少少ge 瑕疵令到d 人話呢個廣告鬧鬼... 無聊!!! (只係衫摺痕黎... 至於點解會突然出現.. 因為前面全個畫面靜態後面突然郁返~ 反而同意個小妹妹揀錯人... 搵個多d 笑容ge 都得呱...)

so far 呢個拍得最magical... 用左好多電腦效果串連樂園不同角落... 話俾你知每一分鐘都有好多個奇妙ge 事同一時間係Disneyland 不同角落發生緊... 每次一睇到呢條片我好自然會學Narrator 個tone 跟住讀第一句.... (廣東版個配音唔掂!!)

睇返呢條片視覺效果係由法國公司負責~ 所以入面都用左好多DLP ge 場景... 例如main street.. space mountain... discoveryland 等等~! 但全個畫面都係亞洲人~ 估計成個廣告大部分都係key 出黎.... (得Liki 係真..) 成本應該好高~! 我亦相信唔係HKDL 班人構思~

2. 馳車天地開幕廣告

一個已經唔會再見到ge 手法~! 一開始係現實世界... 突然進入夢境... 發現原來自己身處Disneyland~ Disneyland 將夢境變成現實~ 好classic ge 拍法~ (亦都係最有Disney feel 的拍法)

同依家史迪仔果d 風格唔同... 近年果d 廣告冇進入到「幻想」而直接跳左入Disneyland~ 帶唔出你個park 係sell 緊dream~! 亦都因為skip 左發夢呢個step... HKDL 個brand 變得好模糊~ 將現實世界帶入Disneyland~ 同一個遊樂場冇分別~ 太寫實....
留意23秒小朋友個表情~ 夢想成真ge 驚訝表情~

3. 農曆新年廣告

同上面馳車同一條方程式~ 都係現實－>幻想－>Disneyland－>夢想成真.. 唔好睇少slow motion ge 力量~ 可以谷到magical 氣氛出黎~! 依家廣告真係太過寫實... 其實宣傳片可以放多d 幻想空間... 你有幾可係Disneyland 見到Mickey 拖住guest 由城堡行出黎?

4. 首年Sparkling Christmas 廣告

只係同HKDL 三個電視廣告比較~ (註: 呢篇只係HKDL 同自己比..... 每一篇都有回應講TDL.. 我唔知點解每一個topic 都搵到位攝去TDL.......) 

整個廣告個氣氛係寧靜同溫暖... 第二年個手法好似~ 不過感覺完全唔同~ 第一年家庭朋友情侶每一個人都好warm~ 第二年focus 係情侶 (仲要係蘊釀中) 冇左溫暖變左浪漫... 兩年TVC 都有出現characters~ 就係呢個位都分到高低~ Daisy 同Aurora~ 大家可唔可以指出當中分別??? (08年Sparkling Christmas 遲d 先放上黎~)

Experience!!!! 第一年Daisy 出現果幕... 同Guests 一齊踢腳一齊玩緊~~ 第二年以旁觀者角度睇Aurora 跳舞!! 又係好寫實將Disneyland 包裝成一個普通遊樂場... 唔係話第二年拍得好差~ 不過同第一年比真係差左dd~ (好彩網上完整版幫電視版加返唔少分~)

我記得第一年Sparkling Christmas 都有另一段1分鐘片係外國播... 記憶中都有story... 不過搵唔返~ 有ge 請話我知~ 而05,06年X'mas 係用加州廣告~ 唔放上黎la~

5. Summer Blast 廣告

呢個手法好有活力好豐富咁係短短幾十秒廣告話俾人知有乜玩~~! 唔需要花心機諗橋... 只係密集式播晒d 片段出黎就得~ 但係必須要有幾項全新「遊樂設施」先可以用呢個方法~ 以下呢條片我覺得好過今年Stitch ge 廣告.... 亦都係網上僅存冇飛輪海ge 版本~!! 請慢慢欣賞~!! (上呢間廣告公司官網睇... 原來第一年Sparkling Christmas.. 即係我尋日讚果個~ 係出自同一間公司wo~)

6. 2007 黑色世界介紹

同上面個手法非常近似~ 一次過介紹晒成個event 內容... 同樣如果得一樣新野ge 話都好難可以用到呢個方法介紹... Eason... 應該係HKDL 第一個代言人被賦予角色~!? 並唔係以陳奕迅身份介紹~ 而佢ge 表現亦都非常恰當!! 黑衣臣有d Tim Burton 電影角色ge 影子... 好dark 好怪誕~!!

當年第一年黑色世界HKDL 簡直係用盡黑衣臣作宣傳~ TVB 個黑色奇遇... 仲有呢兩條網上片段.... 官網入面大街酒店ge 介紹聲帶.... 個人覺得呢個宣傳係有效ge~ 市民未必知道HKDL halloween event真正內容但係都知道代言人係eason... 好可惜HKDL 捉到鹿唔識脫角... (突出左代言人反而突出唔到自己event... well.... 針無兩頭利~ 起碼令到人知你搞halloween 先la 係咪~?).... TVC 播d 唔關事ge 版本....

7. 大街酒店劇情介紹

如果第一年TVC 播出呢條片ge 修剪版本... 而唔係180 度轉頭廣告... 黑色世界個朵會更響~ 到依家仍然有人問迪士尼halloween 鬼屋係咪小朋友玩係咪唔恐怖??... 兩年TVC 想玩嚇人又要玩幽默... 30秒做到咁多野咩?? 最終搞到兩頭唔到岸..... 如果TVB 黑色奇遇半個鐘節目入面俾分半鐘播呢條片.... 黑色世界條路會俾依家更順..... 所以咪話捉到鹿都唔識脫角.....

唔好話用呢條片做乜pre-show room 播... 只要TVC 講左個故事其實已經係pre 左show 仲可以吸引到人入~! HKDL 明明兩年個TVC 入面都出現晒鬼屋入面ge scene... 點解唔順便用故事包裝?? 當拍電影trailer 咁三間鬼屋介紹片段都分別用黎做電視廣告~ 夠晒~!  講故仔會更易入屋...

題外話.....

Haunted Hotel 雖然係seasonal attraction... 但重金請美國公司做~! 唔好話香港另一個park d 鬼屋冇得比... 就連HKDL 入面有好多所謂attraction 都冇得比.... 玩多幾年先la~~ (但可唔可以唔好越改越cheap?? 保留返原版精髓... 唔該HKDL~)

8. 小小世界宣傳DVD

同HMV 合作的非賣品IASW DVD 算係正到冇野好講~! IASW 好唔好玩仍然見仁見智.... 但難得HKDL 出左一段過6分鐘ge 宣傳片只係介紹一個attraction... 可見IASW 對HKDL 幾咁重要~ (當然係~ 開幕後第一個E-Ticket wo~)

基本上從頭到尾由內到外... 我地個版本所有特別野都俾佢介紹晒... 好過TVB 個情牽小小世界多多聲.... 最正就係有WDI 訪問同工程畫面睇~!! 希望之後ge 新lands 都會出呢d 片~~!!

但係HKDL 有好多令我慘不忍睹ge 宣傳片.... 有機會介紹.....