擴建資訊 (8月號)

各位讀者.... 請熱烈歡迎.... 火車重開!!!!!!!!!!!

今個月香港迪士尼樂園鐵路終於都重開返完整一圈~ 但係隨即見到官方網頁更新... 遲d 會再一次關閉.... 所以今個月請大家無論如何都搭一次火車~ 親眼見證一次~~ 包保你會好興奮!!!

平時都係上樹屋睇~ 多謝幻想工程師將我地個鐵路起係樂園中間~ 睇睇山谷到底搞緊d 咩.... 係樹屋上面見到挖坑ge 地方... 原來冇想像中咁深~ 但範圍好大~ (其實三個新園區夾埋真係唔細~)

呢個就係我地之前見到起緊果幢建築物~ 同旁邊果座一樣高~ 但係仲未知呢座建築物有乜用~

我仍然估係座山~~ 得佢先需要起咁高~ 亦都可以見到挖坑果度係想整成點~ 冇高低又點算過山車??

上面第一張相發現可疑物.... 放大睇睇.... 石??

天呀!!!! 原來咁快就已經有座山ge 外貌出左黎~~!! 就咁睇一舊咁細ge 睇唔到佢de唔detail~ 不過開心ge 係見到佢搞緊~ 似乎太早了吧?? 應該只係sample 黎~

火車繼續行駛~ 原來山谷低處未算低~~ 呢邊再有一個深坑~ 陣間大家睇片就會見到晒整個山谷地勢~

較深果個坑好明顯係濺水至轉入火藥庫果一段路~ 睇片會驚嘆... Grizzly Gulch 真係好大!!!! 片段中都見到佢地挖左地起火藥庫~

鐵馬欄住ge 地方似乎係山谷同莊園ge 分界線~ 莊園係最遲向屋宇署提交申請ge 園區~ 進度如何??

原來乜都未開始~

有一支支樁柱係度~ 但每條柱之間個密度.... 應該只係暫時放係度未安裝~ 有人話見到呢邊開始整緊個火車站.... 我睇相就唔多見~ 

到TSL~ 巴黎個TSPL 已經搞掂晒~ 等我再update part 2~ 依家睇睇香港個地盤~ 進度其實比想像中快好多~ 唔好再睇上年張map~ 果張臨時畫出黎hea 政府~ D23 個模型先係最終擺位~ 相中呢個圓形... 係Parachute Drop 主軸底部~

呢邊見到有個建築物ge 地基係度~ 雖然個地基遮住左~ 但係都見到相ge 右方係有個圓形地基~ 呢個就係Slinky Dog ZigZag Spin~ 等侯區係一個紙盒~ 依家大家見到果個建築物就係個紙盒~

再次睇睇D23 個模形~ 再幻想返火車行駛方向所經過ge 地方次序... 冇錯由左至右係見到Parachute Drop -> Slinky Dog -> RC.. 最後再有一座建築物~ 唔知係商店小食店定廁所~

 

所以呢個位係RC Racer 底部la~~

Toy Story Land 全景~

呢度係之前火車開半程原因~ 佢地要起通往新園區ge 火車橋入口~ 不過... 原來個land 冇凹到落去.... 咁.... Fantasyland 應該會見到降傘同U 形... 今次弊.....

火車橋另一邊係HKDL 最常用方法遮住.... 其實咁遮法好樣衰....

呢篇最正ge 係呢個.... 火車背後工程片段完整曝光~~!!! 準備叫出黎~~!

希望九月仲會有野睇~~!

請大家影相拍片果陣要注意~~~ 唔好離開座位~ 唔好伸到咁出~ 亦都唔好為難火車上面ge CM~ (我諗到可能會出現爭車尾搭ge 情況... 其實成架車都見到~唔係影相ge 話其實你坐後排~ 向後望都會睇得好清楚) 如果唔係可能基於「安全」理由~ 園方不得不作出相應對策~~ 乖D la~