怪獸大廚訓練班

星級款待2013 已經進行左一半~ 之前介紹左三個付款活動~ 有值得讚嘅地方~ 亦有需要改善嘅地方~ 今次介紹怪獸大廚~

為大家介紹我的新御用Model - 肥魚魚~ 希望星媽會恩准我簽佢為旗下藝人!!



綜合評價~ 呢個活動都有D 做得唔係咁好嘅地方~ 喺報名時候都略嫌欠缺效率同查詢預約時得到錯誤資料~ 不過並唔係大問題.. 相比起公主晚宴~ 呢個活動整體評價高好多~

黎到Studio Lounge 呢度~ 有兩位姐姐同好多Kodak 哥哥姐姐在場捕捉小廚師每一刻~ 而開始前都會講講怪獸公司個故事



而每位小廚師都會獲分配到以下物品~ 包括大眼仔米高圍裙一條, Monsters Inc. 廚師帽一頂, 手套一對, 唧袋兩個 (一個唧毛毛D 毛, 一個唧朱古力), 曲奇四塊 (做錯左都唔緊要~ 有second chance!), 同若干隻眼....

為安全理由呢個活動係唔會有明火同高溫烹調部分~ 曲奇已做好~ 各位爸爸媽媽可以放心~ 大廚姐姐耐心教授唧cream 技巧~



小朋友好專注聽書~!



姐姐整得咁靚~ 到小朋友動手自己做~



到呢一刻為止我都覺得今年Star Guest 兩個主題當中.. Monsters Inc. 都係遠比Princess 有趣~ 似乎怪獸公司喺HKDL 仲有得發展~ (亦希望公主可以搞得好D)




睇睇我地肥魚完成品~ 同姐姐Sample 有出入~ 不過小朋友盡量發揮自己想像力係好事~



整完就可以過去Chef Mickey 等毛毛出現~ 同佢影相~!

毛毛與七眼仔

影完影就可以開始食Buffet~ 其實呢個訓練班都幾抵~ 包左Studio Lounge 整野食.. 同毛毛影相~ 包左一張相同埋Buffet~ $798 一大一細呢個價錢都幾合理~



肥魚的畢業證書~

post 多張官網圖~

同場加映Cinderfaiyu~ 絕版玻璃鞋~

編者的話: 請勿私下聯繫呢位小模, 如有查詢, 歡迎聯絡B氏小模介紹所, Bsan.mailbox@gmail.com , 多謝合作