呢個blog 都有一段時間冇更新到, 唔係因為小弟懶, 而係因為近呢半年香港迪士尼都冇乜特別消息可以為大家報導, 而由於Facebook page 嘅滲透性, 基於版權問題﹐ 小弟都唔係好想喺個blog 度copy 太多其他外國網嘅相片, 所以有關外國嘅資訊就留返係Facebook page 度講, 反正我盡量會以相片形式為大家報導, 因為大家可以click 入相簿重溫.
相隔Frozen 已經上映左多過半年嘅時間, 過去呢半年我地可以見到呢齣電影喺全球各地造成幾大嘅影響力, 亦都見識到原來迪士尼嘅商品係可以被搶購到呢個程度.
剛剛過去呢個weekend, WDW 為Frozen 搞左個Summer Fun 活動, 全個活動嘅內容當然係以呢齣電影為主題, 亦都有各位小朋友最鍾意嘅sing-along 環節...
喺度講嘅原因, 係個人覺得Frozen 喺亞洲嘅人氣並不比美國甚至世界其他地方為低, 我估香港迪士尼係絕對有能力安排電影中嘅人物以不同方式出場.
最令小弟覺得嘖嘖稱奇嘅事係, 近日樂園商品部為今年夏天嘅商品推廣印刷新嘅小冊子, 以Frozen 為重點宣傳項目. 呢件事喺香港迪士尼黎講係一件並唔常目, 甚至可以話係罕見嘅事. 以大家所認識嘅香港迪士尼, Character 嘅出現機會係同佢嘅商品銷售度有莫大嘅關係. 依家Character 雖然仲未真正出黎Meet & Greet, 但因為佢地已經喺商品同餐飲方面突然急增曝光率, 唔知下一個出場嘅形式..... 會唔會真係face character 呢?
1 則留言:
如果真係有 M&G, 我個女一定最興奮!!!
發佈留言