網上流傳五年計劃內容

之前打過幾篇詳盡版俾左呢個blog 班vip 睇~ (要分三次先講得晒) 咁今次打個精簡版出黎俾其餘各位睇下~
首先睇左呢張圖先~ (作者不明) 會見到第二期完成同埋第三期填海個範圍~ 但2008~2013個計劃並不包括第二期發展~ 都莫講話第三期~ 留意欣澳站

欣澳站對開海面傳聞會起DownTown Disney (可信度 90%) 呢張圖真係唔知邊度傳出黎 (我估係政府)~ 但又確實show 到欣澳站出面會有野起~! 亦有人話DTD 會起係迎樂路兩旁~ 但度下個位~ 欣澳個範圍都好大下~ 非迎樂路可比~ 所以一係唔好整~ 一整就要達到世界級水平~!
海盜區域 (可信度 99%) WDC 財政年報都出埋concept art~ 而且全球得香港未有PotC~ 所以不需要懷疑~ 呢個區域係屬於HKDL~!! 但仲有1% 係注資不成功令到冇錢擴建而被迫擱置~ 睇睇張圖~ 其實不難發現HKDL 有好多野都跟足DL 咁起~ 而新海盜區域就等如DL 個New Orleans Square~ 當中都有兩個大型E-Ticket dark ride~ (點擊放大)

加勒比海盜：魔盜王 (可信度 99%) 傳聞會係第一個base on 電影情節而起ge PotC~ 當中主要電影角色都會出現~

幽靈公館 (可信度 99%) 最搞笑係港版HM 都會轉做海盜theme~ 全新storyline~ 全新技術~ 全球獨有區域及設施~ 只在香港迪士尼!

Fantasmic! (可信度 70%) 一個大型戶外夜間水上煙火匯演~ (位置係上面concept art 中個湖) 呢個可信度比較低原因係海盜區域已經有兩個大型兼全球獨有設施~ 再整多個大型show~ 咁呢個新區域就玩晒ga la~ 所有遊客都會慕呢個區域之名而黎~! HKDL 一定會威晒~ 純粹想講出呢個show 出現機會比上面兩個ride 較低咁解.. (同埋唔敢想像天下間有咁筍ge 事)

小飛俠天空之旅 (可信度 80%) 會建於幻想世界後排~ 小小世界左方位置~ 呢個設施由樂園一開幕就傳到依家~ PPF 個設計同普通dark ride 好唔同~ 係吊車形式~ 比其他dark ride 更具特色~ 所以會起係HKDL 機會都比其他dark ride 高!

小魚仙dark ride (可信度 60%) 同樣起於小小世界左方~ 呢塊地可以起到至少兩個dark ride~ 其實tLM 係一個擱置左十幾年ge 計畫~ 之前都傳出會係HKDL 同DLP 之爭~ 但DCA 後來高調宣佈加入呢個dark ride~ 唔知HKDL 仲會唔會起~ 今次plan 未必一定有小魚仙份~ 但Fland 應該唔只宣佈起PPF 一個咁少

Star Tour 2.0 (可信度 50%) 請不要以為得50% 就好低~ HKDL 明日世界一直都比其他樂園缺少一個大影院~ 而Tland 最經典莫過於Star Tour~ 但香港可能會改以其他Theater 代替ST~ 咁岩傳出美國下年會將ST 升級~ 如果將來HKDL 有的話應該會直接起新版~ 位置估計會係馳車與巴斯光年中間個位穿過鐵路進入一塊仍未被開發ge  土地~

講出黎係想大家大約知道依家WDC 同HKG 傾注資~ 到底d 錢將會點用~ 但要再重申一次~ 一黎以上資料唔係100%可信~ 就算可信~ 但最終個注資數目都會影響到擴建規模~ 或者唔夠錢起唔晒cut 左一個ride 都唔定~ 當參考吧~