第三間酒店資訊

尋日英文虎報The Standard 刊登左關於HKDL Halloween ge 一篇報導~ 雖然呢篇報導比起其他報章雜誌似乎顯得有d 慢左少少~ 但係就透露左一則其他媒體冇報導過ge 消息~

Together with a new hotel, to be built with a partner, Disneyland will be offering fresh experiences for visitors through a series of service upgrades and infrastructure projects over the next few years.

第三間酒店會係同其他財團合營~!? 好想知道個theme 係乜野~ 但金總話新酒店會係三星級同主攻大陸客...... 呢間新酒店... 會唔會係同國內財團合辦...? 賓館之類??? 一記起金總話三星級酒店就覺得擔心.... 簡直係搵HKDL 黎玩....

希望三星級之說係之前未confirm 有財團合作ge 版本.... 因為HKDL 獨力起冇咁多錢先起三星級... 依家有Partner share 個cost 可以提升返少少~

好似其他park 都有合作搞酒店例子~ 有冇人可以介紹返??

黑巫婆的士高

Tomorrowland 用返summer 巴斯光年個DJ台... 再係出面搭多個台... 變成Halloween 黑巫婆的士高.... 呢個idea 其實就... 幾廢~ 但勝在show 後有meet & greet 時間~ 而且仲有得同Maleficent 合照~ 但聽講好似係要Dancer 拉你上台先有得合照~ 唔知真定假呢~~~ 可能主打唔係要俾你同Maleficent 影相~ 驚人人都上台阻住d 時間???

同埋dancer 造型都做得幾靚~ (講緊女角~) 個台亦有心思~ Maleficent 套衫都係登台用~ 勁閃!!! 雖然係讚左咁多點... 但總括黎講呢個show 都係廢.... 同鬼鎮大街比根本冇得比.. 最奇怪係呢個show 冇故事... MC 竟然叫班魔鬼做Dancers.... 如果故事設定係魔界開P 咁都仲好.... 得個跳字.....

睇片~~ 會拍完整版ge 人真係唔多~~ 係我ge 話睇到一半都已經離場~~

但可以Maleficent M&G 真係幾正ge~~!! 仲有兩個壞蛋~

DJ 台後面亦由iCafe 變身成整鬼化妝間.... 呢個名令人誤會TL 今年有間鬼屋.... 有人問個化妝間恐唔恐怖... 除左MS 同AL 兩間鬼屋外...TL 間鬼屋係邊度等等..... 似乎...... 玩鬼屋真係香港人Halloween 必要ge 活動~~! 希望下年會再有新鬼屋出現!!!!

Space Mountain Ghost Galaxy... 新意欠奉~ 但一定要有佢份~~!

圖: HKDL, HKDL Source, 靚太

鬼鎮大街 + 群魔起舞

今年黑色世界重點有兩項~ 第一個就係之前已經介紹過ge 魔咒焚城煙火表演~ 我自己個人ge 睇法已經係上一篇度講過~ 係一個好好ge 嘗試~ 故事都算有少少野講~ 希望下年會更著重係煙花果方面~ 投影個效果係Bonus 黎~

第二個重點都係美國小鎮大街~ 到夜場時間呢度就會變成一個鬼鎮~ 過往一d 死去ge 冤魂都會被召喚返上黎同大家見面~ 佢地會不自覺做返生前做ge 事~ 似乎個個角色都有自己背景同故事~ 有d 仲顯露到唔同ge 性格~ 呢樣係值得讚HKDL ge 地方~ 有深度ge 街鬼~ 總之佢地就會係大街度遊蕩~

而且仲要讚ge 係... 呢堆為數近半百ge 冤魂.... 全部衫都好靚~~! 完全係大街酒店果種優雅氣派~~ 其實如果今年唔係Maleficent 做主角... 而係將大街酒店個故事延續到鬼屋外~ 個故事性可能會更強~ 總之就要讚設計服裝果位~~! 做得好好!!!!

到咁上下就會聽到Maleficent 叫佢地起舞.... 雖然唔係長show~ 但動員好多~ 個氣勢都幾強~~!!

呢個show 同Hub 隻AA 魔龍係今年小弟覺得值得入樂園一睇ge 部分~ HKDL... 加油!!!!!!
多謝網友幫我入去大街逐隻鬼影~ 其實佢地個個走黎走去.... d 裝束又差唔多~ 真係幾難記得邊隻影左邊隻未影~ 所以都好感激佢幫手做一個紀錄~ 大家一齊睇d 衫有幾咁華麗同detail~

呢條裙..... 有d 似Victoria.....

濃煙一出.... 就要跳舞~!

其實我一直都想Main Street 有個細ge show 仔~ 又或者唔駛要show... 只係加d 著住19世紀裝束ge 市民出黎行下街同人傾下計影下相~ 就可以令到Main Street 充滿生氣~ 但依家竟然係Halloween 以鬼魂姿態實現我ge 想法~
依家HKDL 條大街個theme 好強~ 但係說服唔到遊客眼前個景象係真實~ 因為太靜~ 咁就代入唔到你個故事~ 就連the Dapper Dans 都冇埋~ 單憑隊Band 好似唔多足夠~ 除非叫佢地一日吹夠10個鐘~ 如果各方面容許 (資金應該係最主要因素~) 搵返d 「市民」出黎就好~
圖: HKDL

黑色世界2010 - 印刷品

商品小冊子

上年幾個大型活動都冇出到商品小冊子~ 今次黑色世界終於都出~ 雖然唔係有好多新貨~ 但係就再次出版小冊子~ 入面仲送兩款poster~ 呢個都係迪士尼fans 會儲ge 紀念品黎~~ 希望園方以後都會出~ (果然五周年商品仲未見影... 要等到一月!?)
有兩個系列~ 第一個係NBC~

仲記得上年有出過一個靈柩版Jack 大pin~ 今年出南瓜人版~ 下年可唔可以出Sally??

我個人比較鍾意左上角扮Jack 西裝件Tee~ 同埋Maleficent 角ge 頭飾~

錢箱造型幾別緻~ (亦都做得好似~) 而我比較感興趣ge 係餐具系列中三角碟同埋Salt & Pepper 套裝~

呢版就冇野吸引到我~

另一邊係米奇家族~ (仲以為今年以Maleficent 做主角~ 可以帶動一下壞蛋角色商品~ 順便測試邊個壞蛋較受歡迎~ 點知樂園都係唔做~)

出黎出去都係差唔多咁ge 款.... 真係冇乜吸引力... 如果相架唔係膠都會考慮下....

公仔仍然係樣衰.... 而且減到得返Mickey Minnie 同Stitch + Scrump.... 銷售額真係決定一切~? 個人對Maleficent 件Tee 有興趣~

送拉頁Poster 兩款~ 唔post NBC~ 等大家入去拎~~!

大家對下年Halloween 商品有咩意見?? 我就覺得Maleficent 之後~ 能夠出多d 壞蛋就好~

-----------------------

05/10/2010   黑色世界Guides

Map 就係Maleficent~ 有少少野想講... 活動公佈到依家... HKDL 都冇提到今年主角Maleficent 到底係何方神聖~ 好似已經認為全地球人都識得佢咁~ (或者認為所有人都睇過Sleeping Beauty~) 但事實上有好多香港人~ 甚至係CM 都以為Maleficent 係黎自Snow White~ 又有人誤以為Maleficent 係香港迪士尼原創人物~!! (白雪公主個後母點解要燒睡公主城堡??!)

再一次見到.... HKDL marketing 係有極多改善ge 空間~~ 用咁多資源但到頭黎原來引唔起共嗚反而造成混淆.... 呢個係marketing 過錯~~! 希望HKDL 會有進步~

地圖就.... 今年用左魔龍而唔係Jack 頭~ 我估睇得呢個blog ge 各位應該會知道各活動 / 設施位置~ 唔知ge 話入park 玩時記得拎份Map 惡補一下~

我幾鍾意Maleficent 個相框~~!

-------------------------------------------------

Halloween 貼紙八款

今日比較懶~~~ post 呢八張貼紙出黎算la~~ 但係冇加logo~ 可以點擊放大~ 希望大家鍾意~