五周年紀念特輯 - 睡公主城堡建成 + 開幕盛況

唔講唔覺原來飛躍奇妙已經黎左~ 時間真係過得好快... 呢個blog 更新速度奇慢~ 五周年回顧特輯因為被真正五周年活動開始而擱置左~ 好la~ 今日繼續回想過去... 原本之前又想再post 過建造情況... 但搵搵下其實又冇乜相係未公開發表過... 即係大家都可以係其他途徑得到~
咁不如睇有記者在場ge 相算la~~ 2004年9月23號~ 香港迪士尼最重要地標 - 睡公主城堡進行平頂儀式~ 個儀式就係將最後一件組件裝上去~ 但其實大家見到城堡牆身仲有好多地方未上色~ 即係並唔代表落成~ 其他地方應該一係一塊爛地~ 睇睇未塔頂ge 城堡la~

裝上去la!!!

呢張相就可以見到未「美顏」之前ge Donald~ 依家可愛d~

一跳就去到一年後~ HKDL 開幕~ 香港迪士尼樂園名譽大使張學友同Walt Disney Parks & Resorts Executive Jay Rasulo 係故事劇場進行傳媒簡介會~

之後有日間開幕儀式~ 比較中式ge 表演~ 因為HKDL 係屬於中國首個迪士尼樂園~ 所以入鄉隨俗加入開幕必有ge 舞獅表演~ 當日隨左有特首外仲有國家副主席曾慶紅... 而全球各地其餘四個迪士尼都派左親善大使黎到祝賀~ 就係呢個排場都比較到開幕同五周年分別~

不過未完~ 慶祝活動由日頭去到夜晚~ 睇睇Hollywood Hotel 星光大道~ 出現ge 本地明星~ (仲有大家都好想影ge 酒店look Characters)

多得TVB 同youtube... 我地可以相隔五年後ge 今日重溫當晚盛況~ 除左有大家懷念ge 肥姐外~ 仲記唔記得欣宜被投訴事件?? 不過唔係呢一篇重點~ 開幕晚會邀請左Disney 電影歌曲原唱者黎到現場演繹~ 包括幫Mulan 同Jasmine 唱歌ge Lea Salonga.. 幫Belle 配上動人歌聲ge Paige O'Hara .... Aladdin 原聲Brad Kane~(感謝很久不見的靚姐!)

最後有開幕主題曲讓奇妙飛翔~ 由學友主唱~ 點解學友五周年唔出現?? 會唔會再有機會搵佢返黎做大使?? 個人認為學友呢個位係永遠都存在.... 因為so far 見到咁多個明星被邀請出席HKDL 活動.... 但真正會有自己name tag ge 只得張學友~ 可見呢個地位唔係其他人可以取代~ 相信有一日我地可以再見返佢係香港迪士尼樂園出現~

到香港迪士尼樂園十周年ge 時候... 可能聲勢會被上海迪士尼淹蓋...但說到底我地比佢地多十年經驗~ 依家只係五年已經可以見到明顯進步~ 相信十年一定會做得更好~! 期待今年或下年會有2014年後ge 擴建消息~!