香港迪士尼推出一個只適用於香港居民嘅優惠, 即日起至11月24日經官網購買「食買玩」優惠可以以一個非常吸引嘅價錢入園兩次 (第一次期限為11月1-12月6, 第二次係1月2-1月28日), 仲可以喺指定餐廳有折扣優惠. 買野又有一次85折. 都算唔錯
小弟好自然地將討論起第三間酒店同埋公佈業績一事連繫... 可以喺會議中自信地提及樂園經常為香港人推出各種優惠.
低同時又有不祥預感... 如果係要推出香港人優惠, 點解唔能夠將呢個價錢減半, 而需要購買者入場兩次呢? 似乎園方都預計今個財政年度入場人數要達標會係一件幾困難嘅事. 三個新園區已開幕亦過左新鮮期, 今年同明年Seasonal Event 都有機會因應Night Parade 同十週年活動而被cut budget. 但大家對Night Parade 又越來越冇信心...
2014年又係另一個真空期. 呢種優惠會唔會陸續有黎?
我只係希望2014 年各大節日活動可以回復2009年之前嘅盛況
4 則留言:
係EVENT之間既淡季出優惠, 好明顯同入場有關!! 而且第三間酒店又要經立法會果關,批款前點都要有數據支持,做靚盤數先交上去!!
如果好似金生所講,暑假前出NP, 點都會增加到一定人流,雖然FANS未必滿意NP,但如果好多人冇去過TDL或其他DL, HKDL有NP點都有一點點吸引力, 但NP推出後到10週年活動,就真的有成一整年真空期,如果為左慳錢唔搞好EVENT吸引人入場,相信景象就好似現在既OP一樣!!
我唔信金生, 我估NP 會係暑假後出. 咁佢就可以慳埋下年三個event
出新野, 可以慳幾個EVENT, 不嬲HKDL既做法
其實我覺得NP唔需要急,只怕太急出又要左CUT右CUT,連少少期望都會冇埋!!
係囉, 冇錢就唔好搞啦. 到喉唔到肺
發佈留言